أنت تكمل الحكاية - Mirna Anwer

26/08/2026

10/08/2026

إحساس إن الحكاية (متقفلتش) أو إنك مش مستوعبة الانفصال وجواكي ١٠٠ سؤال عاوزاه ليهم اجابة، ده طبيعي جدا يحصل بعد علاقة انتهت من غير Closure

​بس نقطة التحول الحقيقية بتيجي لما تعرفي إن ال Closure مش حاجة هتفضلي مستنياها تجيلك من بره
دي حاجة انتي اللي هتحطيها

26/07/2026

ليه عقلك بيخذلك وقت القلق؟
​لما تحاولي تقنعي نفسك بالمنطق وقت القلق وتلاقي نفسك مش قادرة، رغم انك عندك وعي كبير بنمط تعلقك القلق، ده لان السر مش في إرادتك، السر إن عقلك الواعي وجهازك العصبي مش بيشتغلوا بنفس السرعة.
وقت القلق، جهازك العصبي واللوزة الدماغية (Amygdala) بيسبقوا عقلك المنطقي وبيستدعوا الذاكرة الجسدية وخبرات الماضي في جزء من الثانية.
​عشان كده الكلام والتفسيرات العقلية وحدها مش كفاية، والتعافي الحقيقي مش بيحصل بضغطة زرار، ده بيحتاج تكرار وتجارب أمان جديدة تعلمي جهازك العصبي إنك في أمان فعلا مش في خطر.


#ارتباط

20/07/2026

بتحسي إنك أنتي اللي بتبوظي علاقاتك دايماً؟
اخر حاجة هتكوني محتاجاها في الوقت ده هو جلد ذاتك
فبدل ما تضيعي وقتك في جلد الذات، محتاجة تسألي الأسئلة الصح:
إيه اللي بيحركني؟، إيه الخوف اللي ورا تصرفي؟

لان فعلا ​جلد الذات مش اعتراف بالخطأ، بالعكس ده فخ بيمنعك من الوعي والتعلم
#تعلق

16/07/2026

دايرة المطاردة والانسحاب اللي بيكون فيها القلق والتجنبي محتاجة وعي ومجهود من الطرفين علشان يقدروا يخرجوا منها بذكاء ومن غير ضغط.

​وعي بآليات دفاع بعض، وبطريقة التعامل اللي من البداية هتحميكم من الدخول في الدايرة المفرغة دي.
​
​شوفي الصور وقوليلي في الكومنتات: إيه أكتر حاجة صعبة بتواجهك في التعامل ده؟
#تعلق
#ارتباط

13/07/2026

كتير بنفتكر إننا لما ننزل الجيم، نملى يومنا شغل او كورسات، إننا كده بننسى بس الحقيقة إننا بنكبت الوجع وبس.
​الجرح النفسي زي الجرح الجسدي، ماينفعش نغطيه وهو لسه محتاج تنظيف وعناية.
دماغك بيمر بأعراض انسحاب حقيقية من (كيميا الارتباط)، والحل مش إنك تهربي، الحل إنك:
​⬅️ تسمحي لنفسك تعيشي المشاعر (ازعلي، اغضبي، عيطي).
⬅️ تتقبلي إن التعافي بياخد وقت ومش بيحصل في يوم وليلة.
⬅️ توقفي هروب لإن الوجع المكبوت بيرجع أقوى وعلى شكل أعراض جسدية وتوتر.
​سيبي جسمك ونفسك ياخدوا وقتهم في التعافي

#انفصال
#تعافي

10/07/2026

ليه التخطي بعد الانفصال بيكون صعب، وإزاي عقلك بيأخر ال move on؟
​لو بتسألي نفسك إزاي اتعافى، وحاسة إن حياتك وقفت بعد نهاية العلاقة.
اعرفي إن عقلك في حالة طوارئ بسبب الخوف من المجهول.
​وعلشان يحميكي بيعمل حماية استباقية من الصدمات، بيخترع سيناريوهات كارثية ويقنعك إنك هتفضلي لوحدك طول عمرك علشان يتجنب الوجع.
والافكار دي مش الحقيقة،
لكن الحقيقة إن الأفكار دي بتعطلك عن التشافي، والـ Move on الحقيقي بيبدأ لما تفصلي نفسك عن أوهام عقلك وتفتحي الباب لبداية جديدة.
#انفصال

11/06/2026

كام فيديو شوفتيه علشان تعرفي الشخص اللي معاكي تجنبي ولا نرجسي؟
​الحقيقة اللى مخنا بيخبيها علينا، إن القراية وتحليل تصرفات الطرف التاني مش مجرد فضول، دي حيلة دفاعية غير واعية اسمها (شلل التحليل) (Analysis Paralysis)
​لما الوجع وعدم الأمان في العلاقة بيكبروا، عقلنا بيرتعب من القرارات الصعبة والمواجهة، فبيقرر يهرب ويغير أرض المعركة، وبدل ما يقعد مع مشاعر الخوف والوجع اللي جوانا، بيشغلنا 24 ساعة في تفكيك شفرة تصرفاته هو، علشان يوهمنا بالسيطرة أو يلاقيلنا مبرر لا واعي للبقاء
​عقلك بيسحلك في تشخيصه هو، علشان يهرب من مواجهة نفسك
​الخروج من الـ loop دي بيبدأ لما تنقلي رادار تركيزك وانتباهك من بره لجوه، وبدل ما تسألي هو بيعمل كده ليه؟، تسألي نفسك الأسئلة الحقيقية
#تعلق #نرجسي

#ارتباط