Raafat Corner

11/01/2026

جزء من حلقة اليوم علي نايل تى فى ، برنامج Score Sheet

إجابة سريعة ع سؤال هل الفوز علي كوت ديفوار كان شغل مدرب و لا جودة لاعبين

20/09/2025

هزيمة مستحقة ل ماريسكا

تحضير و إدارة سيئة جدا للمباراة

#تشيلسي #تشيلسى #ماريسكا #اموريم che che ...

15/09/2025

مناقشة ماتش تشيلسي و برنتفورد

ارقام ، نماذج لعب و كذلك مناقشة حول تقييم ميركاتو تشيلسي و الحاجة لمدافع أو لمهاجم

#تشيلسي #برنتفورد ...

07/09/2025

اللايف دا كان امبارح ك تقييم اول ٣ جولات ل تشيلسي

ليه دفاع تشيلسي كويس ب الكورة .. ارقام و حقائق و حالات ب الصور

تقييم نجوم المباريات جواو ، كايسيدو و استيفاو

قوة ضغط تشيلسي و نقاش عن الضربات الثابتة

يارب يعجبكم

اول ٣ جولات ل تشيلسي00:00 مقدمة03:30 شوية ارقام مهمة21:33 استيفاو ، ارقام و حالات28:33 جواو بيدرو35:28 كايسيدو42:37 الضربات الثابتة48:47 حدة الانطلاقات البو...

16/06/2025

شغل محترم اوى من ك سامح و اتشرفت اكون معاه و نحلل شوية افكار مهمة ل ماتش الاهلي و انتر ميامي

#الاهلي

16/01/2025

مبروك ل مرموش ، مجتهد و يستاهل كل خير

بس مبروك اكتر لانه رايح فريقه يناسبه تماما و محتاج البروفايل بتاعه جدا جدا جداااااااا

سيتي اخر فترة مفتقر تماما للاعب runner يقدر يعمل انطلاقات خلف خطوط الخصم بدل برناردو و جريلتبش و دوكو و حتي فودين

الناس دى مش قادرة تساعد بيب خالص فى الانطلاقات دى خاصة مع مشاكل اصابات الأجنحة

الحاجة اللي تضحك أن الانطلاقات دى بيقوم بعملها جفرديول ، اه والله زى ما بقولك كدا .. جفرديووول

و بالتالي التعاقد مع مرموش صفقة مهمة جدا للاعب يقدر يستفاد كويس من المساحات و يهاجم المساحات خلف دفاعات الخصم ، دخول الصندوق ب إمكانيات مناسبة للتسديد و الفينش (دا اللي أظهره مرموش مؤخرا ب التطور الكبير فى ال ball striking + finish)

مبروك علي مرموش أنه رايح فريق هيفيده جدا جدا جداااا و هيعليه و ياخد حقه للسعي و التطور المستمر

28/12/2024

بعد ربع ساعة أن شاء الله

https://www.youtube.com/live/7MYdnBSHvX4?si=0bWK5KsdXXSKGQIe

28/12/2024

بسم الله

اول لايف ع يوتيوب ، الليلة الساعة ٩ بتوقيت مصر باذن الله

دعواتكم يا شباب

27/12/2024

امبارح ليفربول عمل ٣٥ عرضية الشوط الأول ، ايووون ٣٥

الفكرة أن معظمهم من المنطقة دى سواء يمين او شمال

و عدد متنوع بيعملها و لكن بيتم التركيز ع ارنولد ، جاكبو أو روبرتسون عادة

عرضية ف مساحة بتتوفر ب مسافة قريبة من الصندوق و بيتم تفريغ المساحة بشكل واضح و نمط متكرر

و تلاقي عدد كبير من اللاعبين ف الصندوق و اغلب الوقت بيتم استهداف القايم البعيد

اللعبة دى انسحب منها ضد فولهام ، توتنهام اخر ماتشين

و جاكبو سجل منها كذلك ضد برايتون تسديد و امبارح تسديد لأن احيانا بيكون التسديد اوبشن كل ما اللاعيبة تقري .. نسبة تسجيل ٣٪ للهدف بتاع امبارح كمان

كوتشينج و مهاجمة ممتازة للصندوق 👌👌👌

21/12/2024

مانشستر سيتي في آخر 12 مباراة:

❌ توتنهام 2-1
❌ بورنموث 2-1
❌ سبورتينغ 4-1
❌ برايتون 2-1
❌ توتنهام 4-0
🤝 فينورد 3-3
❌ ليفربول 2-0
✅ نوتينغهام فوريست 3-0
🤝 كريستال بالاس 2-2
❌ يوفنتوس 2-0
❌ مانشستر يونايتد 2-1
❌ استون فيلا 2-1

جوارديولا السبب ف دا ، هوا نفسه السبب

اولا ، بالغ ف حماية اللاعبين بداية الموسم بدنيا ، و تجهيزهم خد فترة كبيرة و الموسم تقريبا ضاع

افضل لاعب رسميا الموسم اللي فات .. فودين .. ركنه عشان يريحه بعد تعب موسم و يورو .. و اللاعب خد عدد دقايق فيها استهبال زايد عن اللزوم

ثانيا ، بديل رودرى مكنش موجود و دى نقطة ضعف كبيرة جدا .. مش هى السبب الرئيسي بالمناسبة لأن الفريق عاني من أمور كتيرة غيره

ثالثا ، الاصابات مثلا .. فى لعيبة كتيرة اتصابت بشكل مبالغ فيه و دا سؤال مهم .. ممكن اسلوب اللعب كان محتاج يكون مختلف شوية .. يعني لو اصابات كتيرة و معدل اعمار الفريق كبيرة .. المدرب كان افضل أنه ميلعبش ب نفس الأسلوب المرهق ك استحواذ معظم الوقت و ضغط عالي.. جيم متوازن كان مهم جدا لحد ما جاهزية اللاعبين تكون تمام

رابعا ، هالاند .. اللاعب حرفيا كل ماتش بيضيع فرصتين تلاتة و كتبت قبل كدا أن الموضوع نفسي اكتر منه أمور فنية أو تكتيكية .. صحيح وجود دى بروين بيفرق كتير مع هالاند لانه اكتر لاعب مباشر ف الوسط و بيعرف يلاقي هالاند و يرميله كرات مناسبة و عدد كويس سواء عرضيات أو بينات .. لكن اللاعب نفسه قراراته فيها مشاكل واضحة ادام المرمي اخر فترة

بيب محضرش كويس للموسم دا و تصريحاته قبله كانت واضحة أن فى مشاكل بس اللي حصل كارثة مش مشاكل ممكن تتحل .. السيتي حرفيا منافس دلوقتي ع توب فور ك أقصي تقدير مهما يحصل و حتى لو تعاقد مع كايسيدو و صلاح و مدافع توب .. اللي هوا اكيد مش هيحصل

موسم يتحمله بيب ، اللي هوا بنسبالي افضل مدرب ف تاريخ الكورة