21/04/2026
أحمد فتحى :
فى يوم كنا بنلاعب القطن فيالكاميرون فأبو تريكة جه قالى قبل الماتش أبوس إيدك يا فتحى بلاش عرضيات قوية اديك شايف الملعب صغير اهو جو إنك تصطاد عصافير ده مش هنا . قلتله متقلقش يا تريكه هنكسب ان شاء الله ... ففي الماتش ده ٣ عرضيات الـ ٣ كانوا في كشافات الاستاد .. فمانويل جوزيه طلعنى و نزل مكانى احمد صديق
و احمد صديق كل ما يجى يرفع كورة تقوم خابطه في المدافع و طالعه.. فكان فيه لاعيب اتصاب والماتش وقف و لاعبيه الأهلى كانت واقفه تشرب مياه على الخط وتستريح . فبركات قال للاعبيه شدوا حيلكم شويه يا رجاله . لقيت ابو تريكه بيقول لـ بركات نشد حيلنا فين يا بركات عندنا ٢ باك واحد بيصطاد حمام و التانى مدافعين القطن الكاميروني هتروح تكشف على نفسها بعد الماتش بسبب العرضيات اللى كانت بتيجى فيهم . أنا واقف معاهم و كاتم الضحك والله و خدت نفسى و على الدكه .ف لقيت بركات بيقول لـ ابو تريكه خلاص يا تريكه أى فاول هيجى لينا انا اللى هلعبه وان شاء الله تخطف واحده على القريبه فجه فاول من مكان حلو للأهلي لقيت بركات واقف على اللعبه و يجى ٧ لاعبيه من الأهلى جوه الـ ١٨ انا قلت خلاص ده الجول بقى .لقيت بركات و عينك ما تشوف إلا النور احنا كنا في الكاميرون بس الكورة راحت غانا و بركات بعد الكورة دى عمل نفسه مصاب وان الارضيه وحشه بس هو عمل كده عشان خايف من ابو تريكه ف الحكم وقف اللعب عشان يشوف بركات ماله و طلب من الدكتور ينزل يشوفه .ف لقيت أبو تريكه بيقول للدكتور خليك يا دكتور ده بيمثل وأنا عارفه و تريكه قال لـ بركات قوم يا بركات خلاص أنا مسامحك بس أنا نفسى اعرف ذنب الحمام اللى ف السماء ايه واحنا على دكه البدلاء هنم**وت من الضحك بس الحمد لله كسبنا في الآخر 😂♥️
