Golden Swimmer Academy

23/12/2025

تشريح الهيكل العظمي للإنسان 🩻

29/11/2025

الانزلاق الغضروفي
🩻

كنا اتكلمنا البوست اللي فات عن الانزلاق الغضروفي 🩺

👥 طيب،، ايه أكتر الفئات عرضة للإصابة؟

🪑 اللي بيقعدوا فترات طويلة زي الموظفين والسائقين.
الجلوس الخاطئ بيزود الضغط على الفقرات السفلية.

🏋🏼‍♂️ اللي بيرفعوا أوزان تقيلة
سواء في الشغل أو الجيم بدون إشراف.
الانحناء بالظهر بدل الركبتين خطر جدًا.

💪🏽 اللي عضلات ضهرهم أو بطنهم ضعيفة
العضلات دي بتحمي العمود الفقري، ولما تضعف يتحمّل الغضروف الحمل كله.

⚖️ اللي وزنهم زايد
الوزن الزائد، خصوصًا في منطقة البطن، بيشد العمود للأمام ويزيد الضغط.

👴🏼 كبار السن
مع العمر، الغضاريف بتفقد مرونتها فتصبح أكثر عرضة للانزلاق.

🧬 اللي عندهم استعداد وراثي أو نمط حياة خامل، قلة الحركة تضعف مرونة الغضاريف وتسرّع تآكلها...

⚙️ إزاي بيحصل الانزلاق؟
ضغط مستمر أو حركة خاطئة بتسبب تمزق في الغلاف الخارجي للغضروف.
المادة الداخلية بتخرج وتضغط على العصب.
النتيجة: ألم، تنميل، وضعف في العضلات.

💡 نصيحتك ليا ايه؟
احمي ضهرك قبل ما يوجعك…
مارس تمارين خفيفة، واهتم بطريقة جلوسك ووقفتك 🩵

29/11/2025

مهم!
الانزلاق الغضروفي 🩻

🩺 الانزلاق الغضروفي مش بس وجع ظهر!
الغضاريف بين فقرات العمود الفقري بتشتغل زي "مخدّة" بتمتص الصدمات،
لكن لما الغضروف يتحرك من مكانه أو يضغط على عصب،
بيحصل ما يُعرف بـ "الانزلاق الغضروفي"

⚙️ أنواع الانزلاق الغضروفي:
1️⃣ انزلاق عنقي:
بيصيب فقرات الرقبة ويسبب ألم في الرقبة والذراعين وتنميل في الأصابع.
2️⃣ انزلاق صدري:
نادر نسبيًا، بيأثر على منتصف الظهر وممكن يسبب ألم في الصدر أو البطن.
3️⃣ انزلاق قطني:
الأكثر شيوعًا، بيصيب أسفل الظهر ويمتد الألم للساقين (عرق النسا).

🌡️ درجات الانزلاق الغضروفي:
1️⃣ بروز بسيط (Bulging Disc):
الغضروف يخرج قليلًا من مكانه لكن لسه محافظ على شكله —
غالبًا مفيش ألم شديد، بس فيه إنذار مبكر.

2️⃣ انزلاق جزئي (Protrusion):
جزء من الغضروف يبدأ يضغط على الأعصاب — بيبدأ الألم والتنميل.

3️⃣ انزلاق كامل (Herniation):
المادة الداخلية للغضروف تخرج وتضغط بقوة على العصب —
الألم بيبقى واضح جدًا وممكن يمتد للساق أو الذراع.

4️⃣ انفجار غضروفي (Sequestration):
قطعة من الغضروف تنفصل تمامًا — حالة متقدمة تحتاج تدخل طبي عاجل.

🤕 الأعراض:
1️⃣ ألم في الظهر أو الرقبة.
2️⃣ ألم يمتد للساق أو الذراع.
3️⃣ تنميل أو وخز في الأطراف.
4️⃣ ضعف في العضلات أو صعوبة الحركة.

❔ الأسباب:
1️⃣ رفع أوزان بطريقة خاطئة.
2️⃣ الجلوس الطويل أو وضعيات غير صحية.
3️⃣ ضعف العضلات أو زيادة الوزن.
4️⃣ التقدم في العمر.

🩺 العلاج:
1️⃣ راحة نسبية وعلاج طبيعي.
2️⃣ أدوية مضادة للالتهاب ومسكنات.
3️⃣ كمادات دافئة أو باردة.
4️⃣ جراحة فقط في الحالات المتقدمة.

💊 نصائح للوقاية:
✔️ اجلس وظهرك مستقيم وقدميك على الأرض.
✔️ ارفع الأشياء بثني الركبتين وليس الظهر.
✔️ مارس رياضة خفيفة بانتظام (زي السباحة أو المشي).
✔️ حافظ على وزنك المثالي ونام على مرتبة متوسطة الصلابة.

🕊 اهتم بظهرك، لأنه عمود حياتك.

11/11/2025

🫧🩺

اتكلمنا المرة اللي فاتت عن العلاج المائي "hydrotherapy"

طيب الجلسة بتكون ازاي وعبارة عن ايه؟ 🫧

دا سؤال مهم جدا جدا ولازم نعرف إجابته 🙂‍↕️

🫧 قبل الجلسة:

بيكون فيه تقييم من الأخصائي لحالتك (نوع الإصابة، مدى الحركة، مستوى الألم)، وبيحدد التمارين المناسبة ليك.

🫧 أثناء الجلسة:

1️⃣. الدخول للمسبح العلاجي (عادة عمقه بيكون ما بين ١ ل١،٥ متر، ودرجة الحرارة دافية).

2️⃣. تسخين بسيط: حركات خفيفة للمفاصل والعضلات عشان الجسم يتأقلم.

3️⃣. تمارين حسب الحالة:

للمفاصل: حركات مشي وثني ومد.

للعضلات: تمارين مقاومة باستخدام أدوات عائمة.

للتوازن: الوقوف والمشي في اتجاهات مختلفة.

للمرونة: تمارين استطالة وأرجحة.

4️⃣. فترات راحة قصيرة بين التمارين، والأخصائي بيبقى دايما جنبك.

5️⃣. تبريد/تهدئة: حركات بسيطة لإرجاع الجسم لحالته الطبيعية قبل الخروج.

🫧 مدة الجلسة: غالبًا من ٣٠ ل٤٥ دقيقة.

🫧 بعد الجلسة: ممكن تحس براحة في الحركة، وأحيانًا شوية إجهاد طبيعي زي التمرين العادي.

🤍🩺 المميز إن المياه بتخلي التمرين أسهل وءأمن، وفي نفس الوقت فعال جدا خصوصا للركبة، الظهر، أو بعد العمليات.

لو حابب تستفسر اكتر عن العلاج المائي او تحجز سيشنات، تقدر تبعتلنا على رسايل الصفحة او واتساب او تكلمنا فون على رقم
015 53009897 📥

08/11/2025

لاي استفسارات او اسئلة اتواصلوا على رسايل صفحة ريڤايڤ
حقيقي هتستفيدوا جدا من المعلومات الطبية

لأي استفسارات طبية،
تقدروا تتواصلوا معانا يوميا على رسائل الصفحة
من الساعة ١٠ص لحد ١٠م
الاستفسارات مجانية تماما، واللي بيرد عليكم دكاترة

Feel free to ask,
Feel the urge to revive!

07/11/2025

العلاج المائي 🫧

العلاج المائي (Hydrotherapy)
هو نوع من التأهيل والعلاج الطبيعي بيعتمد على استخدام المياه كوسيلة علاجية، ويعتبر من الطرق الفعالة خصوصًا في إعادة التأهيل بعد الإصابات أو العمليات.

ايه هي أهم مميزات العلاج المائي؟ 🤔

1️⃣. تقليل الوزن على المفاصل: بسبب قوة الطفو في المياه، الوزن بيخف على المفاصل بنسبة كبيرة، وده بيساعد الأشخاص اللي عندهم مشاكل في الركبة أو العمود الفقري.

2️⃣. تقليل الألم: الحرارة المعتدلة للمياه بتساعد على استرخاء العضلات وتقليل الشد.

3️⃣. زيادة المدى الحركي: المياه بتساعد المريض يتحرك بحرية أكبر من على اليابس.

4️⃣. تحسين التوازن: التمارين في المياه بتدي فرصة آمنة للتدريب على التوازن من غير خوف من السقوط.

5️⃣. تنشيط الدورة الدموية: المياه الدافئة بتزود تدفق الدم للعضلات والمفاصل.

💦 بيُستخدم في علاج ايه؟

1️⃣ إصابات العظام والمفاصل (زي تمزق الأربطة أو خشونة الركبة).

2️⃣ إصابات العمود الفقري والانزلاق الغضروفي.

3️⃣ حالات الشلل الدماغي أو إصابات الأعصاب.

4️⃣ إعادة التأهيل بعد العمليات الجراحية.

💦 أنواع التمارين المائية ايه؟

1️⃣ المشي أو الجري في الماء.

2️⃣ تمارين المقاومة باستخدام أدوات خاصة (floaters).

3️⃣ تمارين الاستطالة داخل المياه.

4️⃣ تمارين للتوازن والمرونة.

لو عايز تستفسر اكتر عن العلاج المائي او تحجز سيشنات
هيكون معاك د. عبدالرحمن غالب، اخصائي الطب الرياضي والتأهيل الحركي والعلاج الطبيعي والمائي
تقدر تبعتلنا على رسايل الصفحة او واتساب او تتواصل معاه فون بشكل مباشر على رقم
015 53009897

31/10/2025

يعني إيه تهتك عضلي (Muscle Rupture)؟

التهتك هو أخطر أنواع إصابات العضلات، وبيكون فيه قطع كامل أو شبه كامل في ألياف العضلة أو الوتر المرتبط بيها.
وبيختلف عن "التمزق" اللي ممكن يكون جزئي أو بسيط.

---

🩸 أعراض التهتك:

1️⃣ ألم حاد جدًا ومفاجئ.

2️⃣ تورم سريع وظهور كدمات.

3️⃣ فقدان القدرة على استخدام العضلة.

4️⃣ أحيانًا بتحس بصوت أو إحساس "فرقعة" وقت الإصابة.

📍 أماكن شائعة بيحصل فيها:

🦾 الطرف العلوي:

1️⃣ وتر البايسبس (Biceps tendon).

2️⃣ وتر الترايسبس (Triceps tendon).

3️⃣ عضلات الكتف (Rotator Cuff).

🦿 الطرف السفلي:

1️⃣ أوتار الهامسترنج (Hamstrings).

2️⃣ وتر أكيليس (Achilles tendon) في بطن الساق.

3️⃣ الرباعية (Quadriceps tendon).

🩺 العلاج:

1️⃣في الحالات الخفيفة: راحة + علاج طبيعي.

2️⃣في الحالات الشديدة: غالبًا بيحتاج تدخل جراحي لإصلاح القطع.

💬 نصيحة: أي إصابة فيها ألم شديد وفقدان وظيفة العضلة→ لازم استشارة طبيب فورًا.

للاستفسار والحجز يُرجى التواصل على رسائل الصفحة أو واتساب على رقم
015 53009897

27/10/2025

التمزُّق العضلي

يعني إيه تمزق عضلي (Muscle Tear)؟

التمزق العضلي هو إصابة بتحصل لما ألياف العضلة تتمدد زيادة عن الطبيعي أو تتقطع جزئيًا/كُليّاً.

🪡 غالبًا بييجي نتيجة:

1️⃣ حركة مفاجئة أو قوية
2️⃣ عدم الإحماء قبل التمرين
3️⃣ إرهاق العضلة أو تحميل زيادة

---

🪡 درجات التمزق:

1️⃣ درجة أولى (خفيف): شد بسيط + ألم محتمل مع الحركة

2️⃣ درجة تانية (متوسط): تمزق جزئي + ألم واضح + تورم

3️⃣ درجة تالتة (شديد): تمزق كامل + فقدان وظيفة العضلة

🪡 الأماكن الشائعة للتمزق:

🦾 الطرف العلوي:

البايسبس (Biceps)

الترايسبس (Triceps)

عضلات الكتف (Rotator Cuff)

🦿 الطرف السفلي:

الهامسترنج (Hamstrings)

الرباعية (Quadriceps)

بطن الساق (Calf muscles)

✅ الوقاية تكون ازاي؟
إحماء كويس + إطالة + تكنيك صحيح + ما تحملش أكتر من قدرة جسمك

23/10/2025

22/10/2025

إصابات العضلات الشائعة في الطرف العلوي والطرف السفلي

❕ إصابات العضلات الشائعة

💪🏼 الطرف العلوي

1️⃣ الكتف،، ممكن يحله تمزق أو التهاب.

2️⃣ البايسبس،، ممكن يحصلها شد مع رفع أوزان غلط.

3️⃣ الساعد واليد،، التهاب أوتار (Tennis Elbow – Carpal Tunnel).

🦵🏼 الطرف السفلي

1️⃣ Quadriceps (أمام الفخذ)،، ممكن يحصلها تمزق عند العداءين.

2️⃣ Hamstrings (خلف الفخذ)،، ممكن يحصلها شد مع الجري السريع.

3️⃣ Calf (بطن الساق)،، يحصل ليه شد مفاجئ.

4️⃣ القدم،، يحصلها ضعف يسبب تسطح ومشاكل توازن.

✅ الإحماء + الإطالة + التكنيك الصحيح = حماية من الإصابات
تابعنا اكتر عشان تعرف الكلام دا عبارة عن ايه وازاي بيتعمل 🫰🏼

خليك أذكى من الإصابة، واهتم بجسمك! 👉🏼👈🏼

تواصل معانا للاستفسارات او لحجز سيشنات العلاج الطبيعي او العلاج المائي
على رسايل الصفحة او واتساب او فون على رقم
015 53009897 📥📞

18/10/2025