11/06/2023
مفاجئات بطولتنا مبتنتهيش
STEEL MAN CHAMPIONSHIP 2023
المقرر اقامتها يوم الجمعه الموافق 21 من يوليو 2023 في محافظة بني سويف...
ولأن الاعب اللي جاي بطولتنا هو محور اهتمامنا وهو اساس كل شئ في البطوله مش بس كده لا هو شريك النجاح الاساسي...
علشان كده إدارة البطوله فكرت في كل حاجه ممكن تريح الاعب وتخليه يحقق حلم البطوله في بطوله قويه ومنظمه وليها اسم كبير وعلشان كده فكرنا في كل حاجه وهنشاركم بيها وهننتظر ارائكم واقتراحاتكم وهنحطها رهن الاعتبار :-
⭕ مسرح البطوله هو النجم وسنتر البطوله اللي هيكون على أعلى مستوى وفي مكان راقي ومحترم (( جاري تحديد مكان البطوله وبيتم المفاضله بين ثلاث إمكان لاختيار الأفضل)) واضائه المسرح هتكون قويه علشان تظهر كل تفاصيل جسم الاعب بوضوح للحكام.
⭕ حكام دوليين على اعلي مستوى من الاحترافيه حكموا في بطولات عالم كمان يعني التحكيم دولي وعلى أعلى مستوى
⭕ وقت صعود الاعب على المسرح
لاننا عارفين كويس أهميت الوقت بالنسبه للاعب والمدرب وانه ممكن يضيع مجهودهم لو اتأخروا في الصعود على المسرح هنحدد وقت صعود كل فئة على المسرح بالظبط بإذن الله
⭕ تصوير البطوله كامله فيديو وفوتغرافر على اعلي مستوى واعلي كولتي وكمان بث مباشر طول وقت البطوله
⭕ المواصلات ولأن المفاجأت مبتخلصش في بطولتنا قولنا اننا هنوفر أتوبيسات من قدام باب البطوله هتنقل الاعبين بعد البطوله لحد المواقف الحيويه في القاهر زي موقف المنيب ورمسيس وعبود علشان التلات مواقف دي هي تجمع مواصلات كل المحافظات في مصر وطبعا مش هننس محافظات وجه قبلي جيرانا الأعزاء اكيد ...
طيب احنا ليه قولنا اننا هنوفر مواصلات الاعبين بعد البطوله مش قبل البطوله مع ان ده الطبيعي لأي حد عاوز يجيب لاعبين لبطولته انه يوفرلهم مواصلات تجبهم قبل البطوله وعادي لو مروحهمش بعدها لان خلاص بتبقى البطوله خلصت بس عندنا الموضوع مختلف في كذا حاجه :-
أولا : ان الاعب وأهله ضيوفنا احنا عاملين البطوله وعازمينم كلهم يشرفونا وينورونا والضيف لما بتعزمه مبتغصبش عليه انه لازم يجيلك بس لو جالك بتشيله فوق راسك وبتكرمه اخر كرم وكمان توصله لحد مكانه وهي دي الفكره من توفير مواصلات بعد البطوله
ثانيا : الاعب واهله بعد البطوله هيكونوا طالعين مرهقين وتعبانين من يوم البطوله فمش عاوزين نتعبهم اكتر فقولنا اقل حاجه اننا نوفرلهم مواصلات من قدام البطوله ودي هديه بسيطة مننا لضيوفنا الكرام
⭕ هداية ومفاجئات للأبطال عباره عن مكملات غذائية لجميع الفئات والاوزان في البطوله من أفضل الشركات المصريه والعالميه و لأنهم شركاء النجاح ايضا هيتم الإعلان عنهم في بوست خاص بكل شركه منهم لاحقا.
⭕ المفاجأة الكبرى علشان كده خليناها اخر حاجه وهي ان هيتم اختيار 8 لاعبين من ابطال البطوله للتأهل بشكل مباشر ومجانا من بطولة STEEL MAN 2023 للمشاركة في البطولة العربيه لكمال الأجسام المقرر اقامتها في الفتره من 14 حتى 17 أكتوبر 2023 في محافظة الاسكندريه و هيتم دفع قيمة اشتراكهم من قبل إدارة بطولة STEEL MAN كهدية اضافيه مننا لأبطال البطوله يعني انت هتلعب بطولتنا يابطل وبعدها هتلعب البطوله العربيه مجانا
