18/01/2026
ليه لازم عضلات السباح تكون افضل ما يمكن
عضلات السباح لازم تكون في احسن حالة لان السباحة رياضة بتعتمد على قوة الجسم بالكامل من اول الكتاف لحد الرجلين وكل عضلة ليها دور في السرعة والاتزان والتنفس وحركة الدراعين في المية
العضلات القوية بتدي السباح قدرة انه يفضل ثابت في الاداء وما يهبطش بسرعة وده مهم جدا لان السباح بيصرف طاقة كبيرة في كل شوط وبياخد مقاومة من المية طول الوقت فكل ما العضلات تكون اقوى كل ما الحركة تبقى اسهل واسرع
كمان العضلات القوية بتساعد السباح يحافظ على شكل جسمه في المية والانسيابية بتفرق جدا في السرعة لان الجسم لو ما كانش ثابت ومشدود المية هتسحب منه طاقة زيادة وفي ناس بتخسر سباقات باجزاء من الثانية بسبب النقطة دي
العضلات القوية برضه بتقلل الاصابات لان السباح بيتدرب كتير ولفترات طويلة ولو جسمه مش جاهز كويس ممكن يحصل شد او اجهاد وده بيأثر على التمرين والبطولات وبيأخر تطوره
وبرغم كل ده السباح مش محتاج عضلات ضخمة لكنه محتاج عضلات قوية ومرنة في نفس الوقت علشان يعرف يجمع بين السرعة والقوة والتحمل وده اللي بيخلي اداؤه افضل على المدى الطويل
عضلات السباح لو في افضل حالتها بتخليه اسرع واقوى واثبت وبتخليه يدخل كل تمرين وهو قادر يدي احسن ما عنده وده اساس النجاح في السباحة
Ahmed Kassab Academy
