07/06/2023
منظمة (fifapro) المهتمة بشئون اللاعبين المحترفين حول العالم بتحذر اللاعبين الاجانب من التعاقد مع الاندية المصرية, سمعتنا وسمعة الاندية المصرية الغير محترفة والغير "محترمة" خلت اكبر منظمة مهتمة بشئون اللاعبين المحترفين تقولهم بلاش توقعوا مع الاندية المصرية وان كان ولا بد توقعوا مع نادي مصري تأكدوا من امور معينة علشان محدش يتنصب عليه:
1- اوعى تسلم جواز سفرك لاي مسؤول في النادي, اديلهم نسخة ضوئية ملونة من جوازك وان كان ولابد يعني الجواز نفسه فاللاعب لازم يرافق المسؤول المخول له تخليص الاجراءات وبعد الانتهاء من تلك الاجراءات صمم على استعادة جواز سفرك مره اخرى.
2-اوعى تمضي على عقد فاضي, مهما اتقالك من اي مسؤول ومهما بلغت الثقة بالمسؤول متمضيش عل عقد فاضي لان فيه شكاوى كتير في الفيفا متزايدة بسبب ان المسؤول يوعد اللاعب براتب معين ثم يفاجيء ان العقد مكتوب فيه أرقام تانية, او يتفق على ارقام معينة صافي من الضرائب ثم يفاجي ان الضرائب مضافة على عكس الاتفاق.
3-لازم تحتفظ بنسخة موقعة من قبل النادي في حوزتك علشان تكون حجة قوية في صفك وقت النزاع ان تم بينك وبين النادي.
4-تأكد من تصحيح العملة في العقد, اذا كنت تتقاضى بالجنية المصري او بالدولار او باليورو لازم يكون مكتوب ده بشكل واضح.
5- اشطب اي فراغات موجود في صفحة البنود الاضافية لان الاندية تستطيع تزود اي بنود دون الرجوع للاعب, وده للاسف بيحصل كتير وطول الوقت فعلا.
6- ( لا تقعوا في هذا الفخ ) احذروا من علاقات الوكلاء بالاندية لان كثير من الوكلاء يفضل مصلحة النادي فوق مصلحتك الشخصية وبدوره ممكن يقوم باقناعك ببعض البنود او بالتوقيع على عقود فارغة.
7-كن على علم بأنه لا تمتلك جميع الأندية في مصر حساب FIFA TMS الخاص بها ، وبالتالي يمكن لأي نادٍ طلب شهادة الانتقال الدولية عبر نادٍ آخر. إذا طُلب منك المشاركة في مثل هذه العملية - التي تتطلب عادةً توقيع عقد إضافي - فتأكد من توثيق ذلك حتى تتمكن من إثبات ما حدث ..
دي الحاجات اللي وردت في البيان .. كارثة و فضيحة حرفيا
انتم متخيلين العالم باصص لنا ازاي ؟
متخيلين الكورة في مصر دلوقتي وبيتقال عليها ايه ؟
احنا قدام الكوكب حرامية ونصابين ومعندناش إدارة ولا حتي إتحاد كرة محترم وقوي وبيعمل منافسة شريفة.. إحنا قدام العالم فشلة وحرامية !!!
