Golden Gym For Ladies

Call Directions

Golden Gym For Ladies Helping women get fit & confident ✨
Ashmun minufiyah📍

04/10/2026

عندنا فورمة دنيا وآخرة 😌🧕🏻
🔥

04/10/2026

سيبكوا من الإشاعات اللي طلعت 😌

لكل اللي كان فاكر ان كابتن نورا خلاص مشيت وسابتنا...

سوربرايز.. كابتن نورا رجعت تاني النهاردة!😍🔥

وراجعة بكلاس الزومبا المعتبر بتاعها الساعة ١٢ 💃
بجد كانت ساعة مهيبرة وكلها نشاط ورقص وهيبرة 🔥🔥
عوداً حميداً كابتن نورا 🙊Noura Eassmsm
🔥
#جيم

03/10/2026

مساء الخير ي بنات 😍
انا طالبة كباتن جداد ضروري 👌
عشان كابتن نورا عصام أخيرا أخيرا قدمت استقالتها و انا قدام الكل بعلنها اني موافقة وماضية و خاتمة و باصمة و قبلت الاستقالة 😂😂 زغرطي ي بت 😂
دا حتى ال ai كسر وراها قلة 🏺 ما صدق 😂😂
و بالمناسبة الحلوة دي نحتفل كلنا ف كلاس الساعة ٦ مساءا النهاردة 💃🏼 🔥
عايزين نعملها حفلة وداااع النهاردة محصلتش🔥😂👌

🔥
: Shosho 😍

يا جماعة انتو ادمنتوا ولا ايه؟ 😂💃مش مبطلين صياح من يوم الخميس ع انهم عاوزين كلاس زومبا ، فـ احنا قررنا نخطف شوشو ونعمل ك...
03/10/2026

يا جماعة انتو ادمنتوا ولا ايه؟ 😂💃
مش مبطلين صياح من يوم الخميس ع انهم عاوزين كلاس زومبا
، فـ احنا قررنا نخطف شوشو ونعمل كلاس زومبا إجباري النهاردة.👀🙊
الساعة 6 بالظبط هنولع الأوضة كالعادة 🔥

🔥
: Shosho 🧢
2026 💪 #جيم

01/10/2026

لولا البنات ي ولا لولا البنات🫰
سكر نبات🙈 طعم الشربات 😍 حلويات جولدن ♥️

🔥
🏋️‍♂️💪
: Shosho 🧢
✌️
#جيم

30/09/2026

لما التحدي يخلص .. الـ survival mode يشتغل 😂🔥
فيديو ايقوني بعنوان : صاحبي دراعي 😂💪

عيب ياخوانا دانتو قاتلين سارقين ناهبين واكلين حرام مع بعض 😂😂

2026 💪
: Shosho 🧢
✌️
#جيم

مساء الفل ♥️كنت نزلت بوست ان اللي هيعرف مين اول ٣ بنات فازو التحدي اللي فات بالترتيب ليه خصم ع الاشتراك ٥٠ ٪؜ و اول كومن...
30/09/2026

مساء الفل ♥️
كنت نزلت بوست ان اللي هيعرف مين اول ٣ بنات فازو التحدي اللي فات بالترتيب ليه خصم ع الاشتراك ٥٠ ٪؜ و اول كومنت و الكومنت الوحيد اللي جابهم صح هي زوزو حبيبة قلبي ✌️😍
و عشان هي معاها واسطة و انا بحبها هاهديها اشتراك شهري فوري فري مجاني يعني🙈💃🏼
دي كفاية كانت ماشية تشجع الجروب نفر نفر بنت بنت 👏♥️
احلى زوزو عندنا بنحبك كلنا 🤗😍
@ام عبدالله الشيخ

2026 💪
: Shosho Elbagoury 🧢
✌️
#جيم

28/09/2026

مساء الفل ♥️
عارفة اتأخرت عليكم 🙈 معلش كانو بيحتفلو و كدا 🤗😅

لأول مرة اعمل تحدي و اكون مش عايزاه يخلص بسرعة كدا كسبت فيه شوية بنات زي السكر اي نعم كانو بيجروني وراهم بالسلك المكان كله بس كانو عاملين بهجة و روح للمكان حلوة قوي 🥳😍

بدأنا من ٥٠ يوم تحدي بين ١٩ بنت الموضوع كان صعب في البداية عليهم خصوصا اللي بقالهم فترة متمرنوش و لسة راجعين 🫣 كانت منافسه صعبة لأكبر خسارة ف الوزن و عمل shape جميل ف اسرع وقت 👌خرج منهم ٤ ميمبر خلال المنافسة مقدروش يكملو و كمل معايا ١٥ قمراية لحد آخر يوم كسرنا فيهم ارقام غير متوقعة 👏

دايت متوازن ع قد ما قدرنا مقدرش اقول بدون اي حرمان المرة دي كان في شوية طبعا و برافو عليهم انهم استحملو و قدرو بس بدون اي ادويه أو اعشاب مجهولة المصدر ممكن تسبب اي ضرر 👌 التزام بمواعيد تمارين يوميا و متابعه يوميا كل كام ساعه مع الكابتن المسؤل و مع دكتور /بسنت عشان نوصل لاحسن مستوى 💪 كان تحدي راقي جدا و كله بيحاول يوصل لأعلى مستوى و يثبت نفسه 🤸

جماعه المنافسه كانت شرسه و جاحدة جدا جدا بصراحه✌️ الارقام اللي هقولها تحت دي حقيقة انا لسه بستوعبها لحد الآن 🙈

و كانت مكافئتنا ليهم عشان التزامهم الحلو دا 👌 اشتراكات فري و خصومات هايله لاول ٣ بنات حققو اعلى تارجت عايزينه تشجيعا ليهم و عشان يكملو اللي بدأوه 👏😍

** ال ٥٠ يوم انتهو و حان وقت اعلان النتيجه 🤩 مستعدين تقروا الارقام اللي هقولها دي 🙈 يلا بينا :

* المركز الاول : رجوعها تاني كان مفاجأة ليا و للجيران و ليها و للناس اللي هناك دي 😂 ربنا يثبتها ي رب 🙈 ♥️ الرقم اللي هقوله دا اعلى رقم وصلناله ف اي تحدي قبل كدا و اعلى رقم وصلت فيه مع حد ف المدة دي 💪 و دا مش جديد ع سلمى اعلى رقم بعد دا كانت هي بردو من كام سنة و محدش كان عارف يعديه ✌️ و السبب الرئيسي اللي كان مشجعني طول التحدي هي☺️ كنت عايزة ارجعها تاني و باي شكل 🤗♥️
سلمي محمد رفعت كسرنا ٢٢ ك ف اقل من شهرين 🙈 دايت متوازن طول التحدي اخر اسبوع بس مشيت كيميائي مفيش كبسولة كدا و لا كدا حتى وقفت دوا مقاومة الانسولين و التزام بالتمرين و مواعيده👏 اكتر تحدي كنت فرحانة بنتيجته عشانها 😍
المرة دي مش هسيبها لدماغها تاني و هنكمل اللي بدأناه عشان نوصل لأحسن من اللي فات💪معاك و مش هسيبك نعمل تيكتوكااااات سوا بقا 😂
اشتراك (شهري كامل + ٣ استيم +Workout) هدية مبروك ي لومي تستحقيها ♥️ دي هدية التحدي الطبيعية و هدية مني ليها وعدتها بيها عشان التزمها و صبرها و تعبها سيشن بخار و جاكوزي و مساج مجاني🫰و هناكل ع كابتن إسراء حسابها بلطجة 😂😂

*المركز التاني : و دي كانت مفاجأة تانية بردو 🙈 لأنها بطلة التحدي اللي فات جت عندنا مكنتش طايقانا و لا احنا طايقانها فجأة بقدرة قادر لقناها مصاحبة نص الجيم و ماشية ترازي فينا و فيه بس بكل حب و الله 🥳😂 كانت بتعملي بيهم ثورة كل ٣ ايام و بعدين تبيعهم و تقول انا مالي 😂😂
منة محمد المنطاوي و للمرة التانية ع التوالي كسرنا ١٥ ك ف اقل من شهرين 💪 عاااش و الله بجد بجد شطورة ي منوش اكتر واحدة باين عليها الفرق و بحد مبسوطة منك قوي ♥️
٥٠ ٪ خصم ع اي اشتراك تختاريه😊

المركز التالت : و دي كان اهم مكسب ليا التحدي دا 🙈 رجعتها بعد سنين و كانت قد ثقتي فيها و مخذلتنيش😍 و كانت اهم سبب مع سلمى ف التحدي دا مع سلمى مشجعني قوي قوي✌️كل جروبها بيقول انها كانت مكسب حقيقي ليهم و ان وجودها معاهم فرق كتير 🤗 كلنا بنحبها و بنقولها عاااش ي زوزو كملي اللي بدأتيه 💪
عزة ناصر كسرنا اكتر من ١٠ كيلو في اقل من شهرين مبسوطة بيكي كتييير 👏 و بقولك زي سلمي مش هسيبك تاني لدماغك و هنكمل مرحلة جديدة نطلع منها بمكسب جديد ♥️
٢٥٪ خصم ع اي اشتراك تختاروه 😊

**بنات بعد اذنكم نشجع و نحيي سحر و مروة و استاذة إسراء حققو تارجت جديد و كسرو ارقام جديدة ع الميزان ✌️ ارقام مشوفهاش من سنين كتيييير جدا انتم متقلوش مجهود و التزام عن اللي فازو و صلنا ل shape و ارقام جديدة عايزين نحافظ عليها ونكمل 💪 مبسوطه بيكم زيهم و الله فعلا شابوه برافو عليكم 👏👏👏👏
كنت اتمنى تكونو من الفائزين الفرق بينكم جرامات بسيطه لولا قواعد التحدي و المسابقه 🙏 بس انتو فزتو بالاهم نتيجه و تارجت جديد ما شاء الله بصحه و حيويه و لياقه عاليه و بدايه حلوة عشان تكملو اللي بدأتوه مع بعض 😍

**تحية خاصة ل د/بسنت جمال ع تعبها معانا خلال الفترة دي نتايجها بتتكلم عنها ما شاء الله مش محتاجه كلام مننا 💋👏

** التحدي انتهى كانت تجربه حلوة وجميلة ♥️ منافسه شريفه التزام ثقه بالنفس صداقات جديدة و صحه عاليه 😍 اتعلمنا ازاي نخس بامان و بدون ما صحتنا تدهور أو مجهودنا يقل بالعكس تماما صحتنا بقت احسن كتير ولياقتنا بقت أعلى 💪 يعني خسارة وزن وصحه احسن بكتير بسبب التزمنا بالتمارين يعني رشاقه و لياقه و شكل اجمل 😉 و لسه مكملين دا مكنش النهايه دي كانت دفعة ليس الا 💪

**الهدف مكنش اننا نخس كتيييير قوي مقابل اي شئ الهدف اننا نخس صح و بامان واحدة واحدة عشان نطلع بصحه احسن مش نخس و اللي يحصل يحصل تؤ مش صح خس حتى لو ببطئ بس بصحه كويسه و لياقه عاليه المهم انك ملتزم و ماشي صح 💪

**كل الحكايه محتاجين شوية صبر و إرادة عاليه وحبة التزام و شويه ثقه بالنفس هتوصل زي ما هما وصلو 😍

دمتم متميزين اعضاء جولدن جيم و دمنا احنا قد ثقتكم
استنونا ف التحدي الجاي و ادعولي كتيييير 😂 و يا ترى مين هيكسر ال ٢٢ دووول تفتكرو حد يعملها 🤔😅
كل شئ جايز و متوقع معانا ف جولدن 😎 دايما #نمبر1 بيكم 💪

شوفو معانا 👇جزء بسيط جدا من رحلة سلمى الجميلة ♥️

🔥
2026 💪
: Shosho 🧢
✌️
#جيم

26/09/2026

صباح الفل ♥️
ع كمية البهجة اللي ع الصبح دي داحنا نحتفل بقا و ايهجكم معايا 🙈💃🏼
كلاس الساعة ٦ مساءا النهاردة. مجانا و لاي بنوتة مشتركة او لا 🔥 هاتي اي حاجة فيها ة مربوطة و تعالي🫰💃🏼

و استكمالا للبهجة دي و لاول مرة النهاردة و بس خصم ٣٩٪؜ ع اي اشتراك 😍 ٤٠ لا ٣٨ مبقاش ينفع 🤭😅

يعني اشتراك ال ١٢ سيشن ب ٢٤٤ ج بدل ٤٠٠ ج 🫰
و الاشتراك الشهري الكامل ب ٣٣٥ ج بدل ٥٥٠ ج 🫰

الخصومات دي ☝️النهاردة و بس يعني الساعة تعدي ١٠ مساءا متحاولش تبعت تسأل خلاص 😎

في تحويل انستاباي و فودا كاش يعني مالكوش حجة 🙈

🔥
: Shosho 🧢

Address

ش الجامع الكبير متفرع من ش الاثريه عمارة اشرف زلابيه الدور التاني علوي جانب حدوته للعبايات
Ashmun
46

Opening Hours

Monday 8am - 10pm
Tuesday 8am - 10pm
Wednesday 8am - 10pm
Thursday 8am - 10pm
Saturday 8am - 10pm
Sunday 8am - 10pm

Telephone

01066743855

Website

Alerts

Be the first to know and let us send you an email when Golden Gym For Ladies posts news and promotions. Your email address will not be used for any other purpose, and you can unsubscribe at any time.

Shortcuts

Share

Category