Ayaa Abd El-aziz - Life Coach

31/05/2026

الغضب : هو انفعال إنساني طبيعي بيظهر لما الشخص يتعرض للتهديد او الظلم او الإحباط او عدم التقدير. هو رد فعل نفسي وجسدي بيحصل بيحصل بهدف " حماية النفس " او التعبير عن الرفض في موقف غير مريح .

الغضب مش مشكلة في حد ذاته لكن بيبقي مشكله لما يبقي :
- مبالغ فيه
- متكرر بشكل زيادة
- او بيتم التعبير عنه بكلمات مؤذية او سلوك مؤذي

لو حابب تعرف اسباب الغضب اكتب كلمة follow في الكومنتات واستني الريل الجاي

—

28/05/2026

الخير الأسمى مثل الماء،

الذي يغذي كل الأشياء دون محاولة.

هو راضٍ بالأماكن المنخفضة التي يحتقرها الناس.

وبالتالي هو مثل "التاو".

في السكن، عش قريبًا من الأرض.

في التفكير، تمسك بالبساطة.

في الصراع، كن عادلاً وكريمًا.

في الحكم، لا تحاول السيطرة.

في العمل، افعل ما تستمتع به.

في الحياة الأسرية، كن حاضرًا بالكامل.

عندما تكون راضيًا بأن تكون ببساطة نفسك

ولا تقارن أو تنافس،

سيحترمك الجميع.

—
#التاو

28/05/2026

26/05/2026

فيه تجارب ألم بتغير فينا لدرجة مبهرة تكون متخيل أنه ربنا كتب عليك التجربة دي عشان يعاقبك حاجة لله وتكتشف خلال الرحلة أنه ربنا كتبها عليك عشان يعلمك ويغيرك عشان وعيك يعلي وينور لحد ما تدرك تمام الإدراك أن في التخلي النجاة أن التعلق بالأشياء والأشخاص هو قمة الألم والخلاص من تعلقك بهم هو قمة التعافي،
اللهم ارزقنا الحب دوماً وعافنا من التعلق.

--

26/05/2026

كل عام وأنتم في سلام وتناغم 🦋

26/05/2026

كل ما يجب أن تعرفه عن البارانويا Paranoia حالة أو نمط تفكير بيخلي الشخص يشك بشكل مبالغ فيه في نوايا الناس، ويحس إن الآخرين ضده أو بيستهدفوه حتى من غير أدلة واضحة.

أمثلة شائعة:

* يفسر النظرات أو الهمس أو الضحك إنها عليه.
* يحس إن الناس بتغير منه أو بتكرهه أو بتحاول تؤذيه.
* ياخد الكلام العادي كإهانة أو تلميح.
* يربط أحداث مالهاش علاقة ببعض ويطلع منها “مؤامرة”.
* يبقى حساس جدًا لأي نقد.
* ساعات يقتنع إن حد بيخطط له أو بيتكلم عليه باستمرار.

وفي الدرجات الأقوى:

* ممكن الشخص يصدق أفكار غير واقعية بثبات شديد جدًا، حتى لو كل الناس قالت العكس.
* زي الاعتقاد إن الناس اللي حواليه كلها متفقة ضده، أو إن حد عايز يدمّر حياته بدون أي دليل حقيقي.

الفرق المهم:
مش أي شخص شكاك يبقى عنده paranoia.
فيه ناس بس غير واثقين أو غيرانين أو دراميين.
الـ paranoia بتتميز إن الشك:

* متكرر،
* مبالغ فيه،
* وبيأثر على العلاقات والحياة،
* والشخص غالبًا بيكون مقتنع جدًا إنه “فاهم الحقيقة”.

الأسباب ممكن تكون مختلفة:

* شخصية شكاكة من الأساس.
* تجارب مؤذية أو خيانة قديمة.
* ضغط نفسي شديد.
* اضطرابات نفسية معينة.
* أحيانًا قلة النوم أو التوتر الشديد يزيدوها

25/05/2026

⁨ من أنت ؟
سؤال عابر يبدو بسيطاً للغاية من كلمتين إلا انهم يحمل في طياته عمق لا حدود له!
من أنت دون ألقابك دون أسماءك دون ما تفعله وما تحبه
هل تعرف حقيقة ذلك الشخص الكامن في داخلك ام انك لازلت تتهرب منه لازلت تهرب كلما حاول التحدث إليك تركض الي هاتفك او الي مسلسلك لتمنعه من الحديث إليك !
هل لازلت تخاف مشاعرك وكأنها وحش سوف يبتلعك ترفض ان تشعر ان تطلق العنان لها حتي انك ما عدت تدركها الي بعدما يفوت الأوان وتصيب الأمراض عقلك المرهق وجسدك المستنزف؟

الي متي يا صديق ؟

—
⁩

24/05/2026

ازاي تخرج من وضع البقاء ) survival mode )

الخروج من وضع البقاء بيتطلب خطوات بسيطة ومباشرة لتهدئة جهازك العصبي وإرجاعك لحالة الامان:

تقدر تبدأ
- التنفس العميق ( التنفس المربع : تنفّس ببطئ في ٤ عدات اكتم الهوا ٤ عدات وخرج الهوا في ٤ عدات وأكتم ٤ عدات ، التمرين ده بيبعت إشارة لمخك انك في أمان

- تقنية التأريض ( ١- ٢ - ٣ - ٤ - ٥ ) : قول بصوت عالي ٥ حاجات شايفها قدامك ، ٤ حاجات تشعر بملمسها زي ( ملمس الكرسي مثلا ) ، ٣ أصوات قادر تمييزها ، حاجتين قادر تشمهم ، وحاجه واحده تدوقها ، التمرين ده بيسحبك من عالم افكارك الي ارض الواقع .

- التفريغ بالكتابة : اكتب كل مشاعرك الملغبطة علي الورق بدون ترتيب او فلتره وبعدين قطعها او احرقها وده هيقلل زحمة الافكار في عقلك .

- الحركة لتقليل التوتر : المشاعر بتتحبس جوا جسمك ساعد نفسك بممارسة رياضة خفيفة زي المشي او ممارسة ال ( stretching ) تمارين التمدد لمده ١٠ دقايق يومياً.

- التعاطف مع الذات : أتقبل فكره انك بتمر بوقت صعب، عامل نفسك كصديق وقدم لنفسك الدعم والراحة بدال القسوة واللوم والشعور بالذنب .

يلا ابدأ دلوقتي بخطوة واحدة بسيطة عشان تسترد توازنك

لو فضلت المشاعر دي مستمرة معاك لفترة طويلة وفضلت مأثرة علي جودة حياتك فالأفضل ليك تستشير حد متخصص

—

21/05/2026

٤ اسرار نفسية عميقة تجعلك عالق في وضع النجاة )survival mode
وهي حالة نفسية وجسدية طارئة بتخلي الجهاز العصبي في حالة تأهب مستمر وتعود اسباب بقاء الشخص في الدوامه دي الي عوامل نفسية عميقة زي :

- صدمات الطفولة : التعرض لصدمات نفسية غير معالجة او طفولة قاسية ( فيها غياب للأمان المادي او العاطفي ) فالدماغ بتسجل أن العالم غير آمن وده بيخليه يستدعي الاستجابة الدفاعية تلقائيا حتي بعد زوال الخطر .

- أنماط التفكير السلبي : تكرار آليات دفاعية معينه لحد ما تصبح عادات فكرية زي الهجوم والانسحاب او محاولة الإرضاء الزائد للآخرين ) فتصبح استجابات تلقائية دماغية في حالة التعرض لاي تحدي وده بيؤدي لحبس الشخص في نفس الحقلة المفرغة.

- الخوف من المجهول وفقدان السيطرة : التفكير الزايد والقلق من المستقبل بيخلوا العقل يستهلك كامل طاقته في توقع الاسوء لتجنب الصدمات المفاجئه.

- الضغط المزمن والاحتراق النفسي : التعرض لفترات طويلة من الإرهاق المستمر بيمنع الجهاز العصبي من الرجوع لحالته الطبيعية الهادية اللي بيعالج فيها الضغوطات والمهام بشكل طبيعي وهادي ومنظم.

عشان تعرف ازاي تقدر تخرج من وضع النجاه تابعنا
وسيب 💜 في الكومنتات

—