Moamena Fouad مؤمنة فؤاد

27/10/2025

محدش يسيب نفسه مكتئب ونفسيته تعبانه أو عنده إحتراق ذاتي لأي سبب كان

بحجة إنه مش فاضي أو مش قادر يتكلم أو الهراء بتاع الإنهيار مش رافاهية 🙄

لما طاقتك وذبذباتك بتبقي مضطربة وفيها إعتلال وإختلال ده ممكن يشدلك مزيد ومزيد من الطاقات ال شبه طاقتك ف فترة الإكتئاب أو الضغط النفسي ديه
ومش بس هيشدلك طاقات ده هيتشدلك أحداث وإنهيارات وحوادث وإحيانا بتوصل للتدمير

وتفضل تتراكم عليك المشاعر والصدمات وتدخل في دوامة يبقي صعب عليك الخروج منها بدون متخسر حاجات مهمة بتوصل أحيانا إنك تخسر نفسك في صراعات الحياة

الإنهيار مش رفاهية
العلاج النفسي مش رفاهية
حبك وإهتمامك بأوجاعك مش رفاهية
مفيش أي حاجة ف الدنيا أهم من نفسك التي بين جنبيك

26/10/2025

...الخوف والحب لا يجتمعان
لما قلبك يكون مليان حب ودفا ومودة الخوف مش هيعرف طريق لقلبك

الخوف السلبي ال بيعجز و بيسجن وبيقيد بقيود تقيلة وصلبة يوقفك مكانك ويحبسك جواه

إنما الخوف علي زعل ال بتحبه محاولة
إسترضائه والتقرب له بلي هو بيحبه وال هو بيستحسنه ده أبعد ما يكون عن الخوف المرعب الموجع ال بيتحكموا فينا بيه
علاقاتك مع ربك وحبايبك لو دخلها خوف بتفسد وتفقد الغاية الحقيقية منها

ربنا بيُعبد بالحب
الخوف من ربنا مش هو الخوف ال إتسوقله واتحكلنا عنه
حب متخافش
إما لو خوفت فانت محبتش

07/10/2025

30/07/2024

مشيت ورا قلبي روحت ف داهية. .

فقررت أمشي ورا عقلي فلبست ف حيطة..

أمال أمشي ورا إيه! حتي لما مشيت ورا معدتي تخنت 😂

الجملتين دول بنسمعهم بصورة شبه يومية في العلاقات العاطفية والجواز..

والسبب إننا معندناش مقايس نقيس عليها صحة إختياراتنا من خطئها
بمعني هو الإختيار الصح ده هعرف منين إنه صح وطب مش يمكن هو غلط أصلا وأنا فكراه صح ..

الدوامة والحيرة ديه بنفضل نلف فيها لسنين وسنين لمجرد إننا منعرفش المقايس الصحيحة ال تخصنا إحنا وال تشبهنا إحنا وتكون متناسبة مع شخصياتنا وتجاربنا في الحياة

ياترا إختياري للجواز وللزوج بيخدمني ولا بيقيدني ويحط عليا قيود زيادة ..

بس أنا عايزة اتجوز مبتجوزش ليه بقي..!؟ 😖
هنتناقش ف كل الأفكار المحيطة بالمخاوف من الجواز في المحاضرة المجانية عن
𝄞 مخاوف الجواز 𝄞
مهتم .. و .. مهتمة إبعتلي حتي إكتمال العدد

28/07/2024

ياترا إيه ال بيأثر في قرار الجواز..؟ وإزاي وإمتي بتتكون مخاوفنا من الجواز..؟ 😖

قرار الجواز بتدخل فيه عوامل كتير جدا وبتأثر فيه وبيتأثر بيها..
طب زي إيه بردو ..

السائد والمنتشر.. إن العلاقات السابقة بتخلينا نختار نتجوز أو لأ...
وبناءا علي إختياراتنا السابقة بتخلينا نختار الشخص الجديد ال هرنبط بيه ده هيبقي مختلف تمام عن القديم ولا هيكون زيه..!

مثلا راجل مرتبط ببنت ليها ستايل لبس معين سلوكيات معينة بتتوصف بكلام معين هوب يحصل حاجة فيسيبوا بعض ꔛ

يقوم يختار ال بعدها عكسها تماما ف ستايل اللبس وسلوكها وإسلوب حياتها ..

طيب يا مؤمنة إلي مدخلش ف علاقات سابقة أصلاً إزاي هيكون فكرته وقراره عن الجواز..؟

وإمتي بتتكون عندنا مخاوفنا تجاه الجواز؟

ده هنتناقش فيه ف المحاضرة المجانية عن ꧂ مخاوف الجواز꧁
🌀مهتم.. و .. مهتمة إبعتلي

لحد ما يكتمل الجروب وأعلن عن المعاد ᥫ᭡❤

16/01/2024

الرحلة فردية تماماً، مفيهاش غير مرايات...

المرايات بتعكس الحقيقة مش أكتر..

المشكلة بتبدأ لما ، مش عارفين نتعامل مع الحقايق ...

15/10/2023

https://vm.tiktok.com/ZMjCTyv5N/
أحلي حاجة شوفتها إنهاارده
طفل بيلعب من مامته الحامل بيحط العربية الصغنونة علي بطن مامته والنونو (الجنين) بيحركها كأنه بيلعب مع أخوه 😍😍😍😍😍🥰🥰🥰
l'm in love 😍🥰

711.8K من تسجيلات الإعجاب، 8460 من التعليقات. " #🤰 #👣 #💖💖💖💖💖💖💖💖💖💖 #🙂🙂 ...

09/09/2023

قيودك Vs الوهم
القيود وجه من وجوه الوهم او ال illusion

لما ربنا يجعل قيودك بين إيديك.. مفيش حد يقدر يتحكم فيك ولا يبقي له السيطرة ولا السطوة الكاملة علي روحك

من حكمة ربنا أنه خلي القيود وهمية أغلبها إن مكنش كلها جوة عقلنا إحنا بس ..

◍جندي قوي ف الجيش متمكن جدا من إستخدام الأسلحة وعنده قوة بدنية رهيبة كان القيد الوحيد ال عنده
إنه جاله إضطراب ما بعد الصدمة خلاه ميقدرش يقتل حد ولا حتي يأذيهم ..

◍مصارع كبير و body builder وكل عضلة ف جسمه بتخدمه كان قيده الوحيد إنه عنده فوبيا من الكلاب..

◍شخص عنده الحرية مفرطة ومش حاطتلها حدود عشان يقدر يستخدم الحرية ديه بأمان قيده الوحيد إن عنده فكره إنه مش حر كفاية ..

◍شخص عنده إمكانيات ومهارات مهولة يقدر يستخدمها ف تغير جذري لنوعية حياته قيده الوحيد إنه معندوش إمكانيات مادية وهو متوهم إن الفلوس هي ال موقفاه..

حكمة ربنا ف إنه خلي القيود وهمية
عشان يكون الإنسان هو ال بيخلق جحيمه ونعيمه بإده مش بإيد حد او حاجة خارجيه..

سهل القيود تتحرر وتتحول تبقي براح
سهل الوهم يتعالج ويتتشافي منه وتحقق أحلامك وتبقي حقيقة ملموسة..
إيه القيود ال وهمية ال كنت فاكرها حقيقية عندك؟

30/08/2023

ياترا مخاوفك بتقولنا إيه عنك..
علامات_الخوف_من_الزواج

الفديو كامل علي قناة اليوتيوب
https://youtu.be/mQFGOF1gx38?feature=shared

13/08/2023

مش لازم تكون مستمتع في أوقاتك ال Down أوقات المشاعر الملخبطة والفترات الإنتقالية بين مرحلة ومرحلة
لكن ضروري تكون حاسس بالبراااح
ده هيساعدك كتير ف تخطي الفترات المضطربة وال مش مفهومة بسلاسة وتناغم ..