17/11/2023
كابتن مش قادر
كابتن معرفش
مش هعرف
تعبان
مش قادر اكمل 🤦🏻🤦🏻
في التمرين بنعودهم ان مفيش حاجة اسمها معرفش او مش هقدر
احنا قبل ما نوصل للي احنا فيه ده اول تمرينة ننزلها كنا بنخاف نلمس الميا شوف وصلنا فين؟!
يبقى كلامنا صح اكيد حاجة بتتعلمها يبقى مكنتش تعرفها بس مجرد ما اتقالت و اتشرحلك و طبقتها حتى لو تنفيذها مش ١٠٠% صح بس مش "مبعرفش"
الطبيعي المخ هيتبرمج اني مش هعرف اعملها و هتبقى صعبة عليا و ده غلط و هيأخرك كتير
و عموما مش في السباحة بس في حياتنا عموما نمشي بالمبدأ ده "ليه معرفش ؟ هو انا ناقص ؟ اخش و ادوس و اجرب مرة والتانية هتيجي لو بعد ١٠٠ مرة هتيجي "💪🏼
نفهم اولادنا الكلام ده و نربيهم على كدة احنا اتخلقنا عشان نعمر و نطور من نفسنا لو كان الانسان من الاول قال معرفش كان زماننا بنتغطى بورق الشجر لحد الوقت ده👌🏼
