https://www.facebook.com/1594429424216875/

Coach asmaa Al Husseini, Alexandria (2026)

28/08/2024

بعد ١٢ سنه في مجال التدريب اقدر اقول من واقع خبرتي أن اغلب المتدربات المشكله بتاعتهم مش في نظام التمرين او الأكل ،
وده الصراحه فهمته أكثر من عشرتي ليهم و بعد ما بدات اتعلم أكثر عن ال ( life coaching) والحمدلله بفضل الله لما بدأنا نشتغل على السبب الرئيسي بقي في التزام كبير و استمرارية !!

فا علشان كده أنا حبيت انقل المعلومات دي لعلها تنفع حد باذن الله رغم أن الكلام ممكن يكون بديهي جدا بس إحنا محتاجين حاجتين ، تذكره وخطه عمليه 😎

والموضوع ينطبق على كل حاجه في حياتنا مش بس التمرين والأكل والوزن.

أنا عارفة أن مفيش حد علي البيدج😂 بس إللي موجود يبقي يعمل كومنت يقولنا تفتكري إيه إللي ناقص ؟

28/07/2024

لو جيت قلتلك أن الشخص ده بيلعب رياضه بشكل منتظم وبياكل اكل صحي جدا ، هل أنت هتصدق ؟ 🙄
الاجابه لا لأن الكلام إللي بتقوله ملهوش علاقة بالصورة إللي أنت شايفها.

بس في صورة أنت مش شايفها وهي إيه بقي!!
انه فعلاً بيروح الجيم وبياكل اكل صحي ومنتظم بس كم الدهون إللي عنده كثيرة فا لسه مفيش نتائج تشوفها العين بشكل واضح ، بس هو عنده تحسن في النوم أكثر وعنده تحسن في القاولون أكثر و تحسن في الإحساس بالتعب ، هو ماشي في طريق النتائج إللي هي بعد كده هتتشاف بالعين بشكل واضح بس الموضوع بياخد وقت ،

كذلك التوبة الامر مش كن فيكون ، في ناس بيدخل معني في قلبهم فترة بس هما لسه الظواهر و العادات هيه هيه ، وشويه وقت يبدا يتفتحله باب للطاعه زي الصلاة ومن ثم مثلاً الذكر ومن ثم الصلاه في المسجد الا أن يبدا شكله في الظاهر انه كده مسلم يتبع السنه 💚

فا اه ممكن فعلاً في حد في الظاهر بتاعه يكون بعيد عن ربنا بس هو حقيقي في الطريق و بيسعي فعلاً بس هي مسألة وقت ، و اه فعلاً الشكل الخارجي زي الزي الشرعي للنساء و اللحيه للرجال هيديني انطباع انك اكيد مريت بكل العبادات إللي قبل كده علشان توصل للشكل ده في النهاية.

فا هي مش قصه حكم بالشكل زي ما هي وصلت او ربنا رب قلوب زي ما بيتقال هي الفكرة فعلاً انك لو فعلن بتلعب رياضه بقالك سنين و بتاكل أكل صحي حتماً ولا بد أن شكلك هيتغير زي ما كمان جسمك من جوه اتغير ، لكن لو اعدت تقول طول عمرك انك بتلعب رياضه وبتاكل اكل صحي و مفيش اي تغيير ، بعيدا عن ان مفيش مصداقية بس أنت كمان مش هتقدر تغير من نهايتك الحتمية انك تموت بأمراض زي السكر والقلب و الضغط لأن الطريقة إللي عايش بيها غير إللي بتقولها.

حد فاهم حاجه 🧐

طبعا في ناس هتسيب الكلام ده كله وتقول لا على فكرة في ناس مش بتخس مهما عاملت و عندهم مشاكل وراثية ، وناس تانيه تقولي طب ما نعمل عمليه تكميم اسهل 😅 وهنسيب بقي الحكمه 😂😂😂

04/07/2024

حكم ذهاب المرأة إلى الجيم
في السنوات الأخيرة انتشرت صالات الجيم بين الرجال ثم انتقلت إلى النساء
ونظرا لأن الأمر أصبح منتشرا أبين فيه بعض النقاط:
أولا: لا يخفى على مسلمة أن ذهاب المرأة إلى جيم مختلط محرم ومنكر عظيم، ولا أظن أن ذلك يخفى على امرأة ذات حياء وفطرة سوية
ثانيا: ذهاب المرأة إلى الجيم النسائي لابد فيه من ضوابط:
1 - هناك عورتان للمرأة أمام المرأة، إحداهما مغلظة لا تكشف إلا عند الضرورة كالتداوي والولادة مثلا وهي ما بين السرة إلى الركبة، والعورة الثانية وهي أن المرأة لا تكشف أمام المرأة إلا ما يظهر غالبا من الوجه والرقبة والشعر والقدمين، وهذه لا يجوز كشفها إلا عند الحاجة ، وكلا العورتين يجب سترهما بثيان لا تصف ولا تشف.
وبناء على ذلك إن كان الجيم تلبس فيه النساء ثياب ضيقة تصف العورات فلا يحل الذهاب إليها.
2- ألا يكون المدرب رجلا، وما كنت أظن أن ذلك تخفى حرمته على مسلمة، لكن ذكرته لأن بعض إخواننا نبهني إليه
3- ألا يكون فيه موسيقى لأن سماعها محرم كما هو معلوم.
4- ألا تكون فيه كاميرات مراقبة لأنه لا يؤتمن الناظر إليها بعذ ذلك مطلقا.
فإن كان الجيم النسائي بهذه الشروط ليس مختلطا وليس فيه كشف للعورات بثياب ضيقة أو شفافة وليس به موسيقى والمدرب ليس رجلا وليس فيه كاميرات مراقبة فيجوز بإذن ولي المرأة ، والله أعلم
سؤال مهم:
لو مفيش بديل، يعني الموجود فقط جيم فيه هذه المخالفات هل يجوز؟
الجواب: لا يجوز أيضا، لأن ممارسة الرياضة فيها ليس ضرورة وهناك بدائل كثيرة مثل تمارين منزلية أو مشاية كهربائية في البيت ونحو ذلك.
ولو مفيش خالص مش لازم كل شيء أفرزته الحياة وبه مخالفات أن نوجد له بديلا وإلا سنفعل الحرام

25/06/2024

زمان كنت بقول اعمل جسم شكله حلو دلوقتي اعمل جسم قوي يساعدني علي العباده و المؤمن القوي خير من المؤمن الضعيف

انت انت نفس الشخص لكن لما ربنا يتوب عليك هتبدا تغير نيتك في كل حاجه و تحط رضا ربنا في كل حاجه حتي في التمرين وده ميمنعش اننا نبقي عايزين جسمنا يبقي شكله حلو بارضو 😉

30/01/2024

أحلي حاجه في الدنيا ان الانسان هيموت ﴿ كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ ﴾ [الرحمن: 26 ،27]

اهو ده العوض الحقيقي لقاء الله في الجنه 💚 صحبه الرسول صلى الله عليه وسلم 🤍 إيه احلي من كده إيه عوض اكبر من كده عن كل الظلم وعن كل التعب والحزن والجري وراء الدنيا والشهوات عن شعور الغربه علشان بس بتحاول تتقي الله ، الدين الاسلامي رزق لينا بيخلينا روحنا ترتقي بجد بتبقي في حته تانيه خالص ، اشتاق إلي لقاء الله ♥️

اللَّهُمَّ أَحْيِنِي مَا كَانَتِ الْحَيَاةُ خَيْرًا لِي، وَتَوَفَّنِي إِذَا عَلِمْتَ الْوَفَاةَ خَيْرًا لِي.

07/01/2024

ها هو اليوم الأول له منذ أن اتخذ قرارا أن يطلق لحيته...
ذهب لأحتساء القهوة في الصباح كا عادته فأقبل عليه عابري السبيل رغبة في ان يكرمهم ( الله يوسع رزقك يا شيخ)
_نظر في تعجب و اخرج من جيبه ما اخرج من مال و اعطاه للسائل ومر بسلام وهو يدعوا له ( ربنا يزيدك يا شيخنا)
لم يكترث للأمر و من ثم جاء احد الاصدقاء الذي اعتاد أن يجلس معه يتحدثون عن أمور الدنيا كثيرا ، ولكن اليوم بدأ صديقه بالحديث عن انه يغضب من قدر الله و يستاء من ضيق الرزق و كأنه يحمله المسؤلية الكاملة تجاه أن يبرر ما يحدث له... توتر قليلاً واخبره ما اخبره ثم رحل...
يسير في طريقه الى العمل و تأخر كعادته...ليجد من وراءه رئيس العمل يخبره ( هو الالتزام لزم يكون في كل حاجه على فكره حتي في مواعيدك) ،
نظر له في تعجب و اعتذر و تجنب الحديث...
لم ينتهي اليوم من العمل حتي جاء خبر صدم الجميع ان عليهم إعادة العمل مرة أخرى لانه لن يصلح للعرض دون التعديل ،
كان صاحبنا الملتحي لقد مر ببوادر يوم يشعره بالضيق بالفعل ، فعندما سمع الخبر بدا على وجه الاستياء... ليقطع الحديث صوت احد زملاء العمل ( ايه يا عم الشيخ العمل عباده) و ضحك من حوله بسخرية...

يوم عمل شاق انتهي على خير ..دائما كانت راحه الصلوات الخمس تعطيه طاقة ليستعيد نشاطه من جديد...

في المنزل الام الصالحة التي بكت كثيرا من اجل أن يتوب الله عليه ومنذ أن اطلق لحيته اصبح الحديث عن بر الوالدين هو الحديث السائر في المنزل ، كان لا يريد أن يحزنهم و لا يبدأ في ذلك النقاش...
حسنآ يا أمي لا بأس لنذهب لنري تلك الفتاة الصالحة...
ليبدأ الحديث في إطار الشرع بوجود العائلة ، يتحدث إلي فتاة تفقه في الدين و خاتمه للقران الكريم تحفظ عن ظهر قلب الكثير من الأحاديث و ترتدي النقاب ، لكنه لم يسره رؤيتها
نعم يريد الدين ولكن يريد أن يري وجه يسره أيضاً... بعد عدة لقاءات و محاولات كثيرة من الاستخارة لم يستطيع أن يتقدم الي نحو تلك الخطوة ما زال قلبه يريد ما يشتهي...
اعتذر و تراجع و لكن كان الرد قاسي وحاد جدا... اخبره والد الفتاة ( الإنسان الصالح يختار البنت على دينها)
_ خطر في باله ( من اخبره إني صالح!!!
وأخبرته الفتاة ان تتقي الله و أن لا تقدم على رؤية احد وأنت لا تتقي الله...
_ عن أي تقوي تتحدث لقد فعلت كل شئ في إطار ما شرعه الله!!

عاد إلى المنزل ، يظهر على وجه والدته الحزن و الأسى من اختياره لتخبره و يجيب هو بنظرة صامدة ( أنت رجعت تاني للصحابك بتوع زمان ولا ايه)

ليأتي في الليل في الثلث الاخير كانت تلك أول مرة له ان يستيقظ قبل الفجر و لكنه لم يستطيع النوم ، ليفتقر إلي الله و يتسال...

كان لدي لحيه من قبل و لكن لم يخبرني أحدا انه يجب على أن اتقي الله... هل تصفيف اللحية أو إطلاقها يحدث ذلك الفرق ؟

نظر إلي السماء و يقول في نفسه وعينيه ترجف بالدموع...
لم أكن سوا عبدا عاصي يجاهد لإرضاء الله 💔🧔🏻

اسماء الحسيني 🤓

30/11/2023

Today we completed a year together of sports, challenges and achievements
❤️💪🏽.samir.10888

A very special gift from the most committed, giving, and strong personality 💕💕

بس حد يعرف إيه سر قلب ماما ؟
( مش أي حد هيعرفها 😜)

🎁❤️

28/11/2023

دائما هتلاقي في صفه معينة الناس بتوصفك بيها ، بس السؤال هنا تحبوا يتقال عليكم إيه أكثر ( قوي/ حمول)؟

28/11/2023

We're not having fun, we're fighting
Join us and be fighter 🥊💥

For girls only 💕

👊

27/11/2023

بما أن في حاجات كتير اتغيرت في نظرتنا للغرب من بعد حركة المقاومة الفلسطينية ✌️🇵🇸 وبدانا الحمدلله نقاطع منتجاتهم جه الوقت إللي نقاطع افكارهم 🧐 وأنا هتكلم عن المجال بتاعي تحديدا ، فكره أن المدربة علشان تبقي مدربه وعليها إقبال تطلع تعرض جسمها بكل تفاصيله سواء لبسه حجاب او لأ 😓 علشان بس اقدر اجذب الإنتباه لفكرة إني مدربه و كأن هو ده إللي بيدل على انك مدربه شاطره ولا لأ ، لدرجة للاسف أن كثيرا من المدربات بدأوا يخلعوا الحجاب حتي لو كان مجرد حشمه علشان بس تبدا تطلع منتج عليه اقبال أكثر و تقدر تتمرن ويبقي شكلها احلي,😳
بس هو السؤال هنا يعني هو كل إللي بيعملوا like و follow بيتدربوا معاكي ؟؟ مستحيل لأن لو ده حقيقي مش هيبقي في وقت أصلا تتصوري فيه ،📸 ليه أنا كامدربه عربيه مسلمه 🧕 لزم اقلد الغرب هو اه احنا بندرس منهم إزاي نكون مدربين على مستوى عالمي بس ده ميمنعش إني لما اجي اعمل ده...اعمله بشرعي وعاداتي وتقاليدي أنا ، وبعدين هو بجد يعني تمرينه الرجل بتاعتك هي إللي فيها حاجات متعمتلش قبل كده 😅 ما أنتي أصلا بتقلدي الفيديو بتاع المدربة الاجنبيه ، هتقوليلي ما ده مجالي ومجالي كله حركه ؟؟ هقولك ما تتكلمي عنه ما تقولي إللي يفيد ، اعملي ايفنت للبنات بس وعيشي حياتك بل على العكس أنتي فعلاً هتبداي تفلتري الناس إللي مهمته بالمحتوى بتاعك ومين عندها استعداد تجيلك ومين بتابعك علشان تشغل فرغها و خلاص ، المجال ده ممكن يبقي في تحدي بس مش علشان اجي لايك و follow اغضب الله ،😣

واللي مش عجبه الفكرة مفيش مشكله it's okay 👍 أنت حر وأنا حره اعرض المحتوى بتاعي إزاي بالشكل إللي أمل انه يكون لا يغضب الله عز وجل وبارضوا نشتغل وناكل عيش 😅

العضلات ممكن تقوي القلب اه ولكن متقوناش على معصية الله
❤️💪🏼

Coach asmaa Al Husseini

28/08/2024

28/07/2024

04/07/2024

25/06/2024

30/01/2024

07/01/2024

30/11/2023

28/11/2023

28/11/2023

27/11/2023

Address

Telephone

Website

Alerts

Contact The Business

Shortcuts

Share