Strive

31/07/2025

فرصة تطوع مع Strive!

لو بتحب الرياضة والتنظيم وعاوز تبدأ تجرب حاجات جديدة وتضيف لخبرتك، إحنا بندوّر عليك!

إحنا في Strive – شركة مصرية مساهمة لتنظيم الفعاليات الرياضية، بنفتح باب التطوع دلوقتي لمجموعة من الفعاليات الجاية 💪

✅ الشروط:
• الجدية
• الالتزام
• القدرة على العمل تحت ضغط

🎁 الامتيازات:
• شهادة خبرة معتمدة من شركة Strive

( زى ما كلنا عارفين اللي بيميز أي خريج أو حتي طالب هو الخبرة في أي مجال وكل ما زادت شهادات الخبرة في ال Cv بتاعك كل ما كانت فرصك في الحياة العملية أفضل )

• مكافآت مالية للمتميزين

• لا يشترط وجود خبرة سابقة

لينك التسجيل:
https://docs.google.com/forms/d/e/1FAIpQLSc5hbN-g7YY2SKd0YTv59EPI5OiSc7Md7VC5Z0bjf5ApaT3pQ/viewform

10/07/2025

🔥 Energy Day مع Alex bike forever🔥

الجمعة دي يومنا هيبقى غير أي يوم!🤩

وسط طبيعة المنتزه المبهجة 😍

تعالوا أنضموا لينا في يوم كله طاقة وروح رياضية 💪🏻
الساعه 7 صباحاً💚

رايد مع فريقنا المفضل Alex bike forever💚💙

يوم رياضى متكامل :
دراجات🚲
جري🏃🏻
سكيت🛼 


01/07/2025

كل فعالية بننظمها في Strive هي محاولة نوصلكم فيها إحساس…
إحساس بالاهتمام، بالأمان، وبالروح الرياضية. وده عمره ما كان شغل بس، ده شغف💪🏻

كل فترة شكل التيم بيتغير، ناس بتيجي وناس بتكمّل المشوار من بعيد، وناس مهما بعدوا بتفضل ذكرياتهم الحلوة موجودة في قلوبنا 🥰

لكن دايمًا الهدف واحد:
إننا نكون دايمًا جنب بعض، بنشجع بعض، وبنحاول نخلق طاقة حلوة حوالينا🤩

المرة دي مش جايين نحكي… جايين نسمع.
قولولنا رأيكم فينا؟ إيه أكتر حاجة بتحبوها؟ وإيه اللي محتاج يتطور؟🤔

سبنالكم لينك بسيط، من غير أي بيانات، علشان تقدروا تقولوا رأيكم براحتكم وبكل صراحة❤️

https://docs.google.com/forms/d/e/1FAIpQLScppIHuTnLpSWnZR7SAMwCjPeBNwFxFHexy1efypJ0u6Fp4vQ/viewform

30/06/2025

من أول لحظة بدأنا فيها الرحلة دي وإحنا حاطين هدفنا قدام عنينا💚

نقدم لحظات حقيقية، ونجمع الناس حوالين الشغف والحركة والطاقة.🤩💪🏻

النهارده، وإحنا داخلين على السنة الخامسة، مفيش كلام يوفي شكرنا ليكم 🥹

كل واحد شارك، شجّع، حضر، ساعد، صدّق فينا، أو حتى سأل “إمتى الإيڤينت الجاي؟” 😍

— إنتم السبب الحقيقي ورا كل خطوة بنكبر بيها ❤️

فاضل أيام ونبدأ سنة جديدة من الشغل، والإبداع، والمفاجآت.😃🎉🎉

استنونا بحاجات مختلفة، أفكار مجنونة، وتجارب عمركم ما هتنسوها!😍

تتوقعوا مننا إيه السنة دي؟🤔

قولولنا في الكومنتات، وممكن تكون فكرتك هي اللي هنحققها قريب جدًا! 😉

26/06/2025

فيه ناس أول ما تنزل تجري تحس كأنهم كانوا دايمًا موجودين 🏃‍♀️🌊

تحس إن في طاقة حلوة وإضافة جديدة لكورنيش إسكندرية🤩

اللمة بتكبر، والفرحة بتزيد… وكل خطوة بتتحسب حب وانتماء 💚

أهلاً بكل حد بيفرّحنا من غير ما يقصد… وجودكم لوحده كفاية 🥰

نتشرف غدًا بالإنضمام لB-Fit20 Marathon Event💚

•الإيفنت من تنظيم B-Fit20

•التجمع :7 ونص صباحاً حتى 8صباحًا🏁

•المسار:
من نفق نادي المهندسين ل نفق سبورتنج

25/06/2025

في بداية سنة هجرية جديدة، بنفكر نفسنا إن الحركة بركة، وإن كل خطوة بتقربنا لهدفنا 💚

ابدأ السنة بخطوة… جري، عجل، سكيت… 🏃‍♀️🚴‍♂️🛼المهم تتحرك!

كل عام وأنتم بخير، وسنة جديدة كلها طاقة وتحديات حلوة ✨

19/06/2025

بكرة مش حنجرى…
بس ده مش معناه إننا مش حنتحرك! 🚴‍♂️💚
الرياضة ليها أشكال كتير، والمهم دايمًا إننا نتحرك ونكمل المشوار سوا.

بكرة هنكون في ضيافة تيم Alex bike foreverالفريق الجميل اللي دايمًا بيرحب بينا بحب كبير،
واللي علاقتنا بيه مش بس علاقة فرق…
دي علاقة أخوات بيجمعهم نفس الشغف، ونفس الروح، ونفس الحلم.

إحنا فخورين إننا بننتمي لعيلة رياضية حقيقية…
بتحب الخير لبعض، وبتشجع بعض، وبتحتفل بكل خطوة جديدة.

استنونا بكرة على العجل 🚴
بحبنا، بطاقتنا، وبعيلتنا اللي بتكبر كل يوم❤️

12/06/2025

نازلين بكرة، وناقصنا إنتم💚💙
كل مرة بننزل فيها مع فريقTal3een negry بنحس إننا بين أهلنا ❤️
وجودهم دايمًا بيدّي للجري طعم تاني… دفّا، طاقة، وضحكة من القلب.

لو نفسك تبتدي يومك بطاقة حلوة، تعال شاركنا!
دي مش مجرد جَرْية… دي لحظة بنصنع فيها ذكريات مع عيلتنا التانية 💫

📍هنكون في: [جراج جليم]
🕘 الساعة: [7:30]
🥰 متحمسين نشوفكم هناك!

05/06/2025

العيد لحمة ولمة… بس متنسوش صحتكم!
🏃‍♀️ بعد الأكل، حتى لو مشي خفيف أو شوية تمارين 💪
عيد سعيد ودايمًا في حركة ونشاط! 🌟

22/05/2025

غداً نلتقي مع فريق Fit Masters - Alexandria 💪🧡
من أكتر الفرق اللي بتنشر حب الرياضة في إسكندرية🥰

دائمًا موجودين في كل الفعاليات، ودايمًا بيشجعوا على الحركة والنشاط🤩

فريق منظم، ملتزم، وبيحب دايما يجمع الناس على التعاون والروح الرياضية💚

مبسوطين جدًا إننا نجري معاهم المرة دي، واستنونا هناك💚

نسعى دائما ل 🤍

من باركينج 🚫 #سبورتنج #العاصمة 🚫

نلتقي مجددا في صباح #الجمعة و صباح رياضي جديد بكل حماس مع مجموعة راقية من رانرز الإسكندرية الكرام 🤍

بإشراف ✌🏻

جريات ( ٣ - ٥ ) كيلو 🔥
و الجرية الطويلة ( ١٠ ) كيلو 🔥🔥

٧:٣٠ ص .. بداية التجمع
⚡ ٧:٤٥ ص⚡ .. بداية الإحماء
⚡ ٨:٠٠ ص⚡ .. الإنطلاق

مرحبا بكل المستويات 🫶🏻

الجرية في حب الرياضة فقط و غير مسموح برفع أي شعارات تجنبا للمسائلة القانونية 🙏🏻

🧡
🥇
⚡

22/05/2025

من أول يوم بدأنا فيه، وإنتم سبب النجاح والحماس اللي بيكبر كل يوم 💪

علشان كده قررنا إن كل أسبوع هننضم لفريق من فرق الجري الجميلة اللي بتنور شوارع إسكندرية ❤️

هنجري مع بعض، ونلون كورنيش إسكندرية بكل الألوان، من غير حدود ولا شروط، بس بجري وضحكة وحماس ✨

كل أسبوع هنعلن عن مكان التجمع، وكل اللي عليك إنك تيجى و تنضم لينا 😍

يلا انزلوا، شجعوا، حضّروا نفسكم، واستنونا كل أسبوع مع فريق جديد وأصحاب جداد وحكايات بالجري مش بتخلص 🧡💚💙❤

19/05/2025

الرقم ٥؟
ده مش رقم عادي خالص…
ده عدد المرات اللي قررنا فيها نجري الفجر… وصحينا الظهر 😴

٥ مرات اشتركنا في جروب الجري… ومشينا بالعربية جنبهم نشجع 🥁😂

٥ مرات قلنا المرة دي هنعمل Strive for El Farahid… بس كل اللي عملناه كان Strive for El Croissant 🥐😅

٥ مرات قررنا نشترك في الچيم وما أشتركناش 😁

أو أشتركنا فعلا وماروحناش 🙄

بس برغم كل ده…
إحنا لسه مكملين، لسه بنجري، ولسه بنحاول نلحق الفراهيد قبل ما تهرب مننا 🏃‍♀️💨
لأن السكة مش دايمًا مستقيمة، بس الإرادة؟ هي اللي بتقوّمنا تاني!

فـ الرقم ده… ممكن يكون سنين؟ لحظات؟ محاولات؟
ولا يمكن بداية حاجة جديدة جاية؟
قولولنا تتوقعوا إيه؟ 👀🔥