26/05/2022
1️⃣ اي هي الرياضه ؟
الرياضه تعد واحده من اهم الانشطه البدنية و تعد ممارسه الرياضه بإنتظام واحده من افضل الاشياء اللي ممكن تحافظ بيها علي صحه الجسد و بتحسن اللياقه البدنيه و بتقلل من مخاطر الاصابه بالأمراض المزمنه
2️⃣ ليه أمارس الرياضه كل يوم ؟
لازم الاول قبل ما تبدأ تمارس رياضه تحط هدفك من التمرين قدامك عشان ممكن يكون الهدف :
1 - تحسين اللياقه البدنيه
2 - التحكم في الوزن
3 - تقليل التوتر و الإجهاد
و علي حسب الدراسات البالغين بيحتاجو لممارسه النشاط البدني في الاسبوع بما لا يقل عن 150 دقيقه بشده تمرين متوسطه و لو النشاط الممارس كان بشده عاليه ف 75 دقيقه في الاسبوع هتكون كفايه و لو كان الشخص كان هدفه النزول في الوزن ف بنصح ان هو يمارس تمارين متوسطه الشده لأكثر من 300 دقيقه ما يعادل ساعه واحده كل يوم و لازم طبعا يمشي علي نظام غذائي محسوب السعرات و مناسب للعميل
3️⃣ اي انواع التمارين ؟
بتختلف انواع التمارين علي حسب هدفك فمثلا تمارين رفع الاثقال بتساعد علي زياده القوة الجسديه و تمارين اليوغا بتساعد علي الاسترخاء و تمارين كره القدم بتساعد علي زياده اللياقه البدنيه و تتقسم التمارين لثلاث انواع :
1 - تمارين المقاومه : بتساعد علي زياده القوه البدنيه و الحقاظ علي قوه العظام و زياده معدلات الأيض و التمارين دي بتتمارس بأوزان حره او الأشرطة الرياضيه
2 - التمارين الهوائيه : تشمل الجري و ركوب الدراجه و المشي و السباحه و التمارين دي بتساعد علي تحسين و ظائف القلب و الرئه و بيخفض ضغط الدم و الكوليسترول و تزيد القدره علي التحمل و فقدان الوزن و توسيع الشعب الهوائيه و زياده ضخ الدم و تحسين القدره علي النوم
3 - تمارين المرونه : المرونه بتعتبر عنصر اساسي في اللياقه البدنيه و التمارين دي بتساهم في الحفاظ علي حركه الجسم بدون الشعور بألم و ضروري ممارسه هذه التمارين ( الإحماء ) قبل و بعد التمرين
4️⃣ اي فوائد ممارسه الرياضه ؟
مش لازم الرياضه تمنع الاصابه بالامراض بس بتقلل خطر التعرض للإصاله بالامراض علي المدي الطويل مثل : القلب و السكر و السرطان و الضغط و اهم فوائد الرياضه :
1 - بتحافظ علي صحه القلب : ممارسه الرياضه بتساعد علي تقليل الكوليسترول الضار اللي بيسد الشرايين و بيخفف من ضغط القلب و بتزيد من تدفق الدم و بتقلل فرص تكون الجلطات
2 - بتساعد علي إنقاص الوزن : ممارسه الرياضه بمده لا تقل عن 30 دقيقه كحد ادني في اليوم بتساعد علي إنقاص الوزن
3 - بتقلل من خطر الاصابه بهشاشه العظام : بتساعد التمارين مع الكالسيوم علي بناء العظام و بتقلل احتماليه الاصابه بهشاشة العظام مع التقدم في السن
4 - الحفاظ علي صحه البشره : تتأثر البشره بعمليه الإجهاد التأكسدي اللي بتحصل نتيجه انعدام قدره الجسم علي اصلاح الضرار اللي بتعملها الجذور الحره للخلايا و حصل ان ممارسه التمارين المنتظمه بتزيد من انتاج الجسم من مضادات للأكسده الطبيعيه مما يساعد علي حمايه الخلايا
5 - تساهم في تحسين الحاله المزاجية : تبين ان ممارسه التمارين الرياضه بتساعد علي تخفيف الإجهاد و التوتر و تقليل الاكتئاب و بتزيد من شعور السعاده و الراحه
