03/05/2026
ايوة انت مختلف
لما بتنزل تتمرن في عز الحر وصحابك مأنتخين تحت التكييف أو قاعدين ع القهوة.. لما تنزل فى عز البرد والمطر والناس بتجرى على بيوتها وانت رايح ع الجيم..لما جلد كف ايدك يموت من كتر الأوزان
لما كل همك يبقى انك تأكل 5 ولا 6 وجبات كويسين وتتمرن تمرينة راضى عنها وغيرك كل همه يجيب سيجارتين حشيش يضربهم ولا علبة السجاير تكمل معاه اليوم...لما تدخل اى مكان وتلاقى عينين الناس كلها جت عليك.. منهم اللى بيقول بينه وبين نفسه عاش ياوحش واللى بيقول تلاقيه ضارب حقن واللى بيحسدك ونفسه يبقى نص اللى وصلتله...لما جسمك مهما يكبر تواضعك يكبر معاه
لما تبقى خارج من التمرين فى الشارع وحاسس انك غير الناس.. مش عشان جسمك لا عشان اخترت رياضة ميلعبهاش الا الرجالة
انت مختلف ف شكلك وطباعك وأسلوب حياتك وأخلاقك
اللعبة دى زى بيت انت بتبنيه لنفسك
اديها كل حاجة هتديك شكل ونفسية كويسة وأخلاق وصحة 😊
