25/08/2019
طيب يا انت قولتلنا ناكل الشوفان ونحبه ونصبر عليه
تمام ,,, ممكن بقي تعرفني ازاى اعمل الشوفان لو انا بخس , وازاى اعمله
لو انا بزيد ف الوزن او بضخم ؟
سمي الله وركز معايا يا سيدي , انت تؤمر :D 🥰
,,,,,,
#الشوفان ,,, ولا #بيخسس ولا #بيتخن
ايوة والله ولا دا ولا دا :D
الشوفان #بيساعد ف الاتنين ... هيساعدك انك تضخم وتزيد او هيساعدك ان تخس وتنزل دهون ...
الفكرة كلها ف استخدمه عشان اوصل لهدفي ,,,
ازاى ؟
الشوفان ما هو الا مصدر #غني بالكاربوهيدرات اولا وثانيا ثم غني بالبروتين ثالثا ... وغني جدا بالاياف والمعادن ... وبالتالي بيساعد ع ملأ البطن والشعور بالشبع لفترة طويله .
وبناء عليه ,,,👌
1 = انت عاوز تخس/تخسي او ماشي ع نظام تنشيف
هتستخده كالتالي ,,, :-
2 - 3 معالق شوفان كبار + كوب لبن خالي الدسم + ثمرة فاكهة "يستحسن التفاح"
وتضربهم ف الخلاط وتشربهم او تحطهم ف طبق وتاكل بالمعلقه ,,, وبالهنا والشفا
2= انت عاوز تضخم او تتخن / تتخني هتستخدمه كالتالي ,,,
4 - 7 معاللق شوفان كبار + كوب لبن + 2 ثمرة فاكهة "يستحسن موز "
" او بلح حوالي 5 - 7 بلحات "
+ مكسرات او سوداني "كمية ع كف الايد 50 جم مثلا "
" وعندك اختيار التحليه بالعسل الابيض لو حابب " " معلقة صغيره او اتنين "
وتضرب ف الخلاط وتشرب او تحط ف طبق وتاكل بالمعلقة ,,, وبالهنا والشفا برده :D
الشوفان #حلو ف اى وقت ومكان #الفكرة ف ازاى استخدمه صح ;)
,,,,,,,,,,
طيب اى #افضل وقت للشوفان :-
== هو ف وجبة #الفطار ,,, هيديك طاقة عاليه ع مدار اليوم ,,, وهتحس بفوقان ونشاط عظيم .
== وجبة قبل التمرين , ويكون قبل التمرين ب 60 - 90 د .
...
نقط سريعه :-
* هلا لازم تحط الشوفان ع النار ؟ ,,,
لا , ابدا , وانا شخصيا عمري ما حطيت الشوفان ع النار , لكن لو انت بتحبه يكون طري اكتر , والاهم ان لو انت " عندك الوقت " انك تسخن الشوفان
فممكن تحطه مع اللبن او المياه ع النار لمدة 5 - 10 د , وبعدين تصبه ف الكوب او الطبق بتاعك وتضيف عليه الفاكهة والمكسرات وتاكل بالهنا والشفا
ولكن التسخين ملوش اى اهمية كبيرة " هو اختياري فقط " .
* اجيب انهي نوع شوفان ؟ ,,,
كل منتجات الشوفان ال ف الماركت تنفع
, ايان كان اسمها , والازواق بتختلف , فانت جرب الانواع لحد ما تلاقي ال يرضي زوقك باكبر كم ممكن , لكن خلي بالك لازم النوع ال تجيبه يكون مكتوب عليه
"" سريع الطهي ""
والافضل وانت بتشتري الشوفان سواء من الماركت او حتي سايب
انك تشتري النوع ال هو
Whole Oats
* الناس ال عندها مكمل غذائي بروتين ,, ممكن تضيف نص اسكوب او اسكوب ع وجبة الشوفان بتاعتك , هتعلي نسبة البروتين ف الوجبة 10 - 30 جم ع حسب نوع البروتين بتاعك , وكمان هتزود طعم مميز للوجبة .
,,,,,,,,,,,,,,,,,,,,,,,,,,,,,,,,,,,,,,,,,,,,
"حاجة اخيرة خاصه للرجال ,,,الشوفان بيرفع هرمون التيست ;) وانتوا عارفين التيست علاقته عامله ازاى بالعضلات :D
تيست عالي = عضلات اكتر "
💪💪💪💪💪
,,,,
يارب يكون المقال ممتع ومفيد 🥰
شير لو استفدت من المقال ومينشن لصاحبك ال هيجيبلك الشوفان :D
الشوفان من احلي واعظم الحاجات ال ممكن تاكلها ف حياتك كقيمة غذائية
وكطعم لوجبة صحية #جميلة
وعاش العاش
