لفها ع العجلة

22/03/2020

مكان اللي معانا انهارده هوا كورنيش النيل وكوبري قصر النيل : برغم زحمة العربيات اللي دايما هناك 🚦💁الا ان الأماكن دي ممهدة جدا لركوب العجل وخصوصا للي بيركبوا العجل كرياضة يعني تنزل الصبح بعد الفجر قبل الزحمة وتاخذ عجلتلك ويا وعدي بقي ع منظر النيل وانت ماشي بالعجلة الصبح كدة وأهو بالمرة تستمتع برؤية الشروق ع النيل 🚲🚲
@صور من اليوم السابع

21/03/2020

النهاردة هنتكلم عن الأماكن المتاح ركوب العجل فيها داخل القاهرة
طبعا كلنا عارفين الاهرامات وكل انطباعنا عنها انها مكان اثري بس اللي منعرفهوش ان الاهرامات من أفضل الأماكن ف القاهرة لركوب العجل ودة لانها ممهدة بشكل طبيعي لركوب العجل وكمان ميزتها انها بعيدة عن الزحمة والعربيات والعمار السكاني ، دة غير انك هتستمتع برؤية الأماكن الأثرية فيها اثناء قيادتك العجل هناك 🚲⁦❤️⁩
@من تصويرنا
🚲👀

20/03/2020

هنتكلم عن الاماكن المتاح ليها ركوب الدراجات وهي المعادي : المعادي فيها أماكن كتير ممهدة لركوب العجل ومن اشهر الأماكن دي شارع ٩ 🚲🔥👀_منطقة دجلة _ وخصوصا شارع ٢٥٤ 👀في المنطقة المحيطة بشارع القنال.
واكيد انت ممكن تمارس هواية ركوب العجل ف اي مكان ممهد بس احنا قلنا نجمعلك انسب الأماكن 😉
@من تصويرنا

16/03/2020

ولسه فيها أيام حلوة معشنهاش ⁦❤️⁩


@من جوجل

15/03/2020

طبعا ف الجو دة كله خايف يخرج👀 بس احنا بقي قررنا ننزل نركب عجل ف حدائق اكتوبر هتقولي اشمعنا حدائق اكتوبر هقولك لانها من المدن الجديدة اللي الطرق فيها مهيئة جدا لركوب العجل سامعك ي اللي بتقول انها بعيدة وهقولك التجربة تستحق التجربة صدقني وكمان هي قريبة جداا من مول مصر يعني لو انت بتشتري اي حاجة من هناك ممكن تاخد عجلتك وتروح تلف ف الشوارع بيها منها تفصل ومنها تكون عملتلك رياضة شوية ⁦❤️⁩🔥
من تصويرنا 🚲🚲

13/03/2020

تعالوا بقي نروح نفصل من الدنيا والمطرة والرياح ⁦🌬️⁩⁦⛈️⁩
طبعا كلنا عارفين كافيهات وحدائق وأماكن خروج كتير بس مش كتير عارف *حديقة الدراجات* 🚲 علشان كدة قررنا تكون اول مكان نتكلم عنه ✨🌻..
يعني اية حديقة للدراجات🤔 يعني مساحة ٢١٠ فدان ، يعني بنتكلم ف حوالي ٦كيلو سواقة في وسط مساحات خضراء
الحديقة مقسمة ل ٤ اجزاء موصولين ببعض عن طريق انفاق وكباري
والجميل فيها طبعا انها مناسبة لجميع الاعمار 💁⁦♥️⁩
أما بالنسبة لسعرها فهو رمزي جداا ف الأيام العادية ١٥ و في الأعياد والإجازات ٢٠
وممكن تاخد معاك عجلتك أو تروح تأجر من هناك لان أسعار تأجير العجل عندهم كمان رمزي وبيتراوح ما بين ٢٠ و ٣٠ جنيه للساعة 🔥
مواعيدها من ٩ الصبح لحد ١٠ بليل
تعالي بقي نقولك تروحها ازاي🤔⁦♥️⁩⁦♥️⁩ هي بتبعد عن ميدان التحرير في حدود ال٤٠ كيلو من ميدان التحرير لصلاح سالم وطريق جوزيف تيتو واسماعلية الصحراوي وصولا لمدينة المستقبل هتلاقيها ف مدينة المستقبل قدام أكوا بارك

11/03/2020

دقيقة يا جماعه نفهم !😂
طيب هنركب العجل ده فين ؟ 🚲
احنا هنقولكوا علي أفضل الامكان المتاحة في مصر للركوب العجل..
١- تلال وجبال سيناء
٢- الصحراء الغربية
٣- بعض المناطق في الاسكندرية
٤- اماكن في القاهرة
طبعا هننزل كل حاجة بالتفاصيل بتاعتها
#استنونا 🔥🔥
@من تصويرنا

11/03/2020

تعال أقولك ليه هتلفها علي عجلة 🚲
عشان نقلل الزحمة 🚦، ده غير فوائد العجلة 💁
ركوب العجل يقي من مرض القلب وتصلب الشرايين
*وفقا لوكالة "رويترز" أن البالغين الذين اعتادوا ركوب الدراجات سواء للمتعة أو كوسيلة نقل ربما يقل لديهم خطر الإصابة بأمراض القلب والشرايين بالمقارنة مع الأشخاص الذين لا يقضون وقتا كبيرا في ركوب الدراجات.
صورة من اليوم السابع

06/03/2020

مش دايما هتعرف تركب العجلة بسبب الزحمة والعربيات ... بس لكل عقدة حلال.

إعرف أكتر عن 7 أماكن تصلح لممارسة رياضة ركوب الدراجات بقلم "صفية النجار"

ألوان الوطن

06/03/2020

نادي 6 أكتوبر في سباق ضد الساعة للدراجات 😁🥰🥰

06/03/2020