https://www.facebook.com/705302906282753/

POWER FIT, الاسكندريه (2026)

10/01/2026

📌مساء الخير ع اصدقائي وحبايبي....
حبيت اشارك معاكوا تجربه جديده بدأتها من 6شهور فاتوا من شغل متواصل ونتائج وإنجازات كبيره وعديده...
الحمد لله حمدا كثيرا بعد فتره قصيره بقيت Head Coach في UFC چيم... مكانه ف كفر عبده...

📌هشارك معاكوا باذن الله جميع النتائج طول الفتره اللي فاتت بالتفصيل الايام القادمه لاني متعود اشارك معاكوا كل النتائج...
متأكد من دعمكوا ليا المستمر دائماً واللي بكون ممتن ليه طول الوقت... 🤍.
شكراً لكم جميعا 🤍🤍.

12/09/2022

🔥 نزول -27 KG في 60 يوم – Natural Transformation 🔥

لما يكون وزنك 127 كيلو وتحس بحالة من اليأس والإحباط (Despair & Frustration)، هنا بيظهر دور المعالج النفسي (Psychological Support) و المتابعة اليومية (Daily Follow-up) قبل أي Diet Plan.

التحفيز والاهتمام المستمر بيطلعوا أحسن ما عند العميل 👇
➡️ وصلنا لـ 100 كيلو طبيعي 💯 من غير Drugs أو Surgery – بفضل الله.

✅ كمان مشاكل زي آلام المفاصل (Joint Pain) و وجع العمود الفقري (Back Pain) بدأت تختفي بشكل كبير بعد نزول الوزن.

📉 أول مرحلة من Weight Loss بتكون نزول Water Weight (المية المتخزنة في الجسم)، وبعدها يبدأ الشغل الحقيقي على Fat Loss.

⚡ الرسالة هنا: ماتستسلمش لليأس!
مع نظام غذائي صحي (Healthy Diet) مناسب + برنامج رياضي (Workout Program) على قد قدراتك، ومع صبر (Patience) و استمرارية (Consistency) هتوصل لنتيجة مبهرة.

🎯 دور الكوتش مش إنه يكتبلك Diet System وخلاص… لكن يشجعك، يدعمك، ويخليك توصل للـ Ideal Weight بطريقة آمنة.

🚫 متخليش حد يضحك عليك بإنه يبيعلك Pills أو يخليك تمشي على Crash Diet… الحاجات دي بتدمر صحتك على المدى الطويل: تساقط شعر (Hair Loss)، أنيميا (Anemia)، التهابات مفاصل (Joint Inflammation) ومشاكل كتير غيرها.

صحتك أمانة… والـ Diet مش حرمان، ده طريقك لحياة أفضل وصحية أكتر 🙌

11/09/2022

🫵الدايت مش حرمان العميل: "هو الدايت حرمان؟!"

أنا: "👀 لأ طبعًا… واللي يقولك كده قوله ببساطة إنت مبتفهمش."

العميل: "😮 يعني إزاي؟ ممكن أعمل Diet وآكل أكل كتير وبرضه أخس؟"

أنا: "☺️ أيوة ممكن… والدليل كل النتائج اللي شايفها على البيدج. كلهم خَسّوا طبيعي من غير Drugs ولا Operations، بس بنظام غذائي مظبوط."

💡 اللي يفرق إنك تهتم بالقيمة الغذائية (Nutritional Value) في وجباتك، وتغطي احتياجاتك اليومية من بروتين، فيتامينات، ومعادن.
ساعتها هتحافظ على الكتلة العضلية (Muscle Mass) وكمان هترفع معدل الحرق (Metabolism). ✅

🚫 لكن لو مشيت على دايت الأرانب (خس وجزر بس)، هتخس آه… بس هتبقى تعبان ووشك باهت.

🥗 تقلل الأكل → هتخس
🍔 تزود الأكل → هتتخن
إنما… فيه فرق بين إنك تخس وتخسر صحتك، وبين إنك تخس وتبقى أقوى، شكلك أفضل، وطاقتك أعلى.

🙄 مش أي حد يقولك "خسيت" يبقى كده ماشي صح. ممكن يكون عنده Anemia، Hair Loss، أو مشاكل في المفاصل (Joint Problems)… وكل ده لأنه ركز إنه يخس بسرعة وخلاص.

⚠️ صحتك ملهاش قطع غيار… والعلاج بعد ما الصحة تروح بيكون صعب.

09/09/2022

لا اليأس ثوبي ولا الاحزان تكسرني ... جرحي عنيد بلسع النار يلتأمُ

وأصبر حتى يعلم الصبر أني … صبرت على شيء أمر من الصبر.
الاراده في نزول الوزن وشد الترهلات في نفس الوقت
بيتين الشعر دول في بالي و قدام عيني طووول الوقت و الفضل في معرفتي بهم و يقيني بمعني كلماتهم هو والدي ربنا يحفظه

و الحكاية النهارده شاب جميل كان دايما عنده مشكله زياده الوزن و قرر إنه لازم صحته تبقي احسن و جيه و بدأنا الدايت و كان اكبر حافز له إنه طلبة من لو حقق هدفه هجبله هديه كنوع من التشجيع نزل وزنه و خس حوالي 25 كيلو و زياده العضلات المناسبه لجسمه وشد الترهلات حقق هدفه و ماشاءالله عليه مستمر و انتهي خلاص فكره رجوعه لإسلوب الاكل غير الصحي ❤️

متخليش ابدا حد يحبطك او يقلل منك او من إيمانك بشيء حتي لو خيالي بالنسبه لكل اللي حواليك
والله الدنيا مش بتمشي ولا الاحلام بتحقق غير بكده و عمر ما كان الناس إللي حواليك هيكونوا داعمين لك طول الوقت

الغي كل ما هو سلبي حواليك و صدق و حاول حتي لو بالنسبة لكل الدنيا انت هتكون أول واحد يحلم الحلم ده و بإذن الله تحققه

اتعلم الصبر و اتعلم السعي و أتعلم التوكل علي الله و اليقين أن دايما مش هيحصل لك غير الخير

و متتخيلش ان كل اللي وصل لحاجة كويسه و حقق حلم و هدف له كانت سكته وردي و الحياة بمبي و سعاد حسني ماشيه تغني جنبه 😂😂 بالعكس قصص النجاح كلها اساس فيها الكفاح و لحظات الضعف و تكرار الفشل ولكن برضه اساس فيها الاستمرار و المحاولة و عدم الكلل او الملل

بالبلدي كده انت قتيل الحلم ده و ايا بقي كان ايه مش بس فكره شغل ولا دراسه ولا وظيفه لأ حرفيًا اي هدف انت حاطه لنفسك و اخدت قرار انك تحققه 😊

29/08/2022

بفضل الله نتيجه اسبوعين فقط اون لاين إنجاز كبير نزول دهون وزيادة عضلات فكره انك تنزل دهون ونسبه مياه متخزنه في الجسم وتزيد عضلات في نفس الوقت علشان شكل الجسم يتغير وتكون كده بتعمل المعدله الصعبه وهي انك بتخص صح وبشكل صحي وشكل جسم رياضي وتشد الترهلات كمان

16/05/2021

في خلال 60 يوم قدرنا يزيد 6 كيلو عضلات صافية (Lean Muscle) من غير دهون، بنظام Clean Bulk… يعني بناء عضل وتقليل دهون طبيعي 💯 من غير 💉منشطات (Steroids) أو 💊أدوية (Drugs).

⬅️ #المعلومه:
إزاي نوصل للنتيجة دي طبيعي؟
السر إنك تحفّز هرمون التستوستيرون (Testosterone) طبيعي من خلال الأكل، النوم، والتمرين.
⚠️ (الكلام هنا عن الطبيعي بس، مش عن اللي بياخد Steroids).

🤔 طيب هل مجرد رفع التستوستيرون كفاية للتطور؟
الإجابة: لأ 👌
لأن لو تمرينك كله هدم عضلي (Muscle Breakdown)، حتى مع تحفيز الهرمون، عمرك ما هتشوف نتيجة.
لازم توازن بين تحفيز التستوستيرون + تمرين صح (Proper Training) مبني على قدراتك وجيناتك… ساعتها يحصل بناء عضلي (Muscle Growth) طبيعي وآمن ✅.

⬅️ طيب لما التستوستيرون يعلى طبيعي بيعمل إيه؟👇
1️⃣ يحسّن الحالة المزاجية (Mood)
2️⃣ يزوّد التركيز الذهني (Focus)
3️⃣ يرفع الثقة بالنفس (Self-Confidence)
4️⃣ يخلي القلب بصحة أفضل
5️⃣ يزوّد حجم العضلات (Muscle Size)
6️⃣ يقلل نسبة الدهون (Body Fat)
7️⃣ يقوي الأداء الرياضي (Performance)

⬅️ وعلى العكس… نقص التستوستيرون له آثار سلبية ❌:
1️⃣ كآبة (Depression)
2️⃣ إرهاق مستمر (Fatigue)
3️⃣ ضعف تركيز
4️⃣ ترهل في الثدي (Gynecomastia)
5️⃣ ضعف الكتلة العضلية
6️⃣ زيادة دهون البطن
7️⃣ ضعف الأداء الرياضي

🧴 إزاي تزوّد التستوستيرون طبيعي من غير أدوية أو منشطات؟
1️⃣ النوم الكافي (من 6 لـ 8 ساعات يومياً).
2️⃣ الأكل الغني بـ Zinc (فاصوليا – جوز – حبوب كاملة – كابوريا – سمك).
3️⃣ التحكم في نسبة الدهون في الجسم.
4️⃣ تقليل السكر.
5️⃣ تمرين مناسب لوزنك وجيناتك.

💡 صدقني… لو التزمت بده مش هتحتاج هرمون من بره خالص.

---

💪 الكوتش
متنساش تتابع الهشتاج: ⛔️💉
وإضيف أصحابك عشان يستفيدوا.
للاستفسار عن نظام المتابعة الطبيعي فقط:

18/04/2021

الحمد لله مركز اول Physique overall
' It's always seems impossible until it's done ✅✅ '
ودي اول مشاركه للبطل واول مستوي طبيعي🥦🍊 طبيعي بدون 💉steroids او 💊fat burner👉🏼 للتخسيس
ومعروف عني اني محارب للهرمون 💉 من 2016 والنماذج في البيدج تشهد بالتاريخ

✊ تقدر توصل طبيعي وتحضر طبيعي وتاخد اول كمان متخليش حد يضحك عليك علشان يتاجر بيك باسم الرياضه

✴ اليوم يوجد ما يسمي بالثقافة التدريبية فاللاعب اصبح مثقفا والعالم مفتوحاً فلا يتم الضحك عليه بسهولة فاصبح يميز بين المدرب من حيث المستوى وهو الذي يحكم من الناجح، الحكم هنا في الساحه و هو التنفيذ والشغل والاجتهاد
فرحان ان الساحه بقا فيها توعيه عن زمان وفي مدربين بتغير الطريق
الحمد لله
🤺 البطل الي معانه النهارده
كابتن محمد مدرب وعنده جيم محارب لل💉Hormones ،
دا شئ مفرحنى جدا و شجعنى على التعاون معاه و خصوصاً بعد نصيحته لشباب صغير قدام عينى ♥️
هنا مشينا 👨‍💻بنظام Clean Bulk
بنزود عضلات ونقلل دهون في نفس الوقت والنقطه دي لازم تكون متمكن جدا علشان تعرف تعملها
🕝و قبل البطوله كان فيه نظام تنشيف وسحب المياه وده برده كان طبيعي والنظام بتاع البطوله بيختلف عن نظام الدايت العادي و لازم يكون محكم جدا يحافظ علي العضلات وينزل دهون ومياه

👌المدرب الي معاك لو فاهم و دارس حالتك وقلبه على مصلحتك ، يساعدك تستغل سنك دا بالتمرين و التغذية الل تساعد اكتر فى تحفيز و زيادة معدلات انتاج هرموناتك و وزياده حزمه الألياف العضاليه طبيعي لكن الاستهال شوية steroids فين الفكر والإبداع الي خلي اللاعب يجيلك؟!
🤔طيب طالما في تطور كده وفي وقت سريع ليه في لعيبه بتفكر في الهرمون علطول اول ما تبدأ

👌هقولك والي هقوله ده نتيجه خبره ودراسه وتنفيذ علي ارض الواقع من 2016 والتحولات بالتاريخ علي البيدج تحت تشهد 👇

لما بتكون ماشي علي خطه تدريب ومفيش تطور معناها انك بتعمل حاجه اسمها هدم عضليmuscles catabolism
وليس بناء لانك لو بتعمل بناء هيحصل التطور وكل مرحله وليها تطور أكبر ومع كل تطور تغير النظام الغذائي والرياضي علشان الجسم يكمل تغير

🤔ممكن اكون بتمرن وبموت نفسي في التمرين وفي الاخر بعمل هدم عضلي وليس بناء وسعتها هيكون التطور بطئ او معدوم

😁هشرحلك الموضوع كله :-
الهدم العضلي muscles catabolism buildung of muscles داه اسبابه كتير
التغذيه / اسلوب التدريب لا تتماشي مع مرحلتك التدريبيه وده مهم جدا / الزوايا/ نقاط الضعف و الترميز على التخلص منها
‎خليك صاحي معايا وحياة والدك 🔥
القصه هنا بتتوقف علي النظام المتماشي مع التمرين وهل انا بوصل لمراحل هدم عضلي او بناء مش معني اني بروح جيم بتمرن يبقا كده خلاص ماشي صح

‎طيب لو انا حد بيلعب لنفسه وعاوز فورمه محترم
‎فورمه ساحل او فتنس مودل أو عاوز اخش بطولات بس لسه في البدايه او سني صغير وهشارك ناشئين وحد قالي خد هرمون اقوله شكرا ✋
‎ولو كنت عاوز اخش بطولات والكابتن اول ما دخلت الچيم قلي هنعمل كورس هرمون بكذا وكذا في البدايه علطول هقوله شكرا ✋
ليه هقوله شكرا ☝️
1️⃣
أولاً: علشان صحتك الهرمونات و المنشطات كلها بتاثر علي جسمك و علي وظائف اعضاء جسمك بالسلب قدام مع الوقت وده اتكلمت عنه كتير هتلاقي الأخطار في اول تعليق
2️⃣
ثانياً: خدها قاعده في حياتك اي حاجه بتيجي بسرعه بتروح بسرعه

👏بالعكس لو انت بتلعب بطريقه سليمه بتشتغل علي البناء العضلي هتكون النتيجه اقوى و ابقى
🤫
‎ثالثاً3️⃣: المدرب اللي يقولك كده ده مش مدرب بروفيشنال لان التدريب فهم اكثر من حفظ لازم الكابتن يفكر ازاي اقدر اعمل حزمه من ألالياف
العضاليه طبيعي واكبر الحزمه دي علشان لو ريحت في اي وقت يكون عنده Muscular memory علشان لو حب يرجع في اي وقت هيرجع بسرعه واقوي من الاول
ويعلي معدلات انتاج هرمون التستوستيرون الطبيعي ويشتغل في التمرين علي البناء العضلي لحد ما اللاعب يوصل لاخر مرحله طبيعي ولو المدرب ماشي مظبوط المرحله الطبيعي دي هتكون جباره جدا ومحدش هيصدق انها طبيعي وده المدرب البروفشينال

هكمل اني اجتهد واحقق نجاح أكبر في الجانب الطبيعي بنماذج كبيره علشان الشباب الصغير الي بيضحك عليه باسم الرياضه و هابدأ مع كل شخص قرر يحمى نفسه و عنده الصبر الوعى الكامل الل يخلوه يجتهد عشان يجيب المستوى الطبيعى التنافسى المشرف و ساعتها هيكون ادوم و ابقى و أصح هيكسب كل حاجة مش هيخسر و لا هيتنازل عن شئ عشان يوصل لمستوى مشرف حقيقى. عضلات بطولة طبيعى 100% .

غير أن الفورمه الطبيعي🥒🥬🥦 مميزاتها كتير 😂
💰مش مكلفه
🕺عمرها أطول
😊شكلها اجمل
💪والاهم صحه أفضل طول العمر
💌كلنا بنتعمل وبندرس وبناخد خبره بس المدرب الشاطر الي يطور من نفسه ديما ✊

C Power

POWER FIT

10/01/2026

12/09/2022

11/09/2022

09/09/2022

29/08/2022

16/05/2021

18/04/2021

Address

Website

Alerts

Contact The Business

Shortcuts

Share

Category