Golden Body Club Tebessa

25/04/2026

وصلو منتوجات Golden Body للمحل 💪🔥
وزيد كاين نوفو أريڤاج سلع جديدة من كلش 👇
✔️ بروتينات أورجينال
✔️ مكملات غذائية
✔️ فيتامينات
✔️ منتجات الطاقة والتضخيم
📍 مرحبا بيكم في Golden Body تبسة طريق عنابة مقابل فندق البحجة
📩 لأي سؤال ولا طلب مرحبا بيكم في أي وقت 0671224726

04/05/2025

السلام عليكم .
تم اليوم تنصيبي رسميا كـ "مدير ولائي للمنظمة الوطنية للترقية والتوجيه الرياضي.tebessa
هذا المنصب ما هوش تتويج بل هو بداية لمسار وطني كبير نبني فيه جيل جديد… جيل رياضي، وطني، واعي، نظيف العقل والجسد.
مشروعي في معالجة الإدمان من جذوره، من خلال توعية الأولياء وفهم سيكولوجية الطفل المدمن قداحدث صدى كبيرا وسط المسؤولين على المستوى الوطني.
الحمد لله تم اعتماد المشروع رسميا وسيطبق على مستوى 58 ولاية تحت اشرافي المباشر ضمن رؤية شاملة لبناء الإنسان انطلاقا من البيت، العقل، والجسد.
كما سيكون مشروع المكملات الغذائية جزءا اساسيا في الخطة من اجل دعم الرياضيين والشباب بطريقة علمية وامنة، تقيهم من الانزلاق نحو المواد الخطيرة وتفتح لهم باب الأداء والتوازن الجسدي.
من خلال هذه المنظمة، نريد تحويل الرياضة من مجرد هواية… إلى مدرسة وطنية لبناء الأجيال:
نكون الأولياء،نوجه الأطفال،نقوي الشباب،
ونزرع في كل بيت فكرة "الرياضة هي مناعة وقائية".
رؤيتنا واضحة:
الرياضة مش عضلات فقط… الرياضة هي أخلاق، انضباط، وعي، مناعة نفسية، وحب للوطن.

شكرا لكل من ساندني وامن بالفكرة.
المعركة بدات… والنية ثابتة.
معا نخلق أثر. معا ننهض بجيل.

Djellailia hassan
Djellailia Mostafa

03/05/2025

الحمد لله رؤيتنا كانت واضحة و صحيحة من البداية..

رانا بدينا برنامج إعادة تأهيل المدمنين من 20 يوم قبل حتى ما يصدر القرار هذا.
واليوم، القرار اللي خرج بخصوص إلزامية تحليل صمرة الدم للتوظيف واللي لازم تكون نتيجته سلبية من أي أثر للمخدرات راح يعزز عملنا ويخدم بلادنا وشبابنا.
هذي رسالة واضحة: اللي راهو يتعاطى راح يقصى من سوق العمل. ماكاش خدمة لمستهلك المخدرات.
إخوتي أنقذوا رواحكم أنقذوا مستقبلكم راهو الوقت باش توقف وتراجع نفسك.
مكانك مش في طابور العمل وانت مازلت تحت تأثير السموم.
هيا نوض نظف حياتك ورانا معاك بخطة واضحة للعودة للطريق السليم. نخدمو بلادنا بسواعد نظيفة وعقول واعية أنقذ نفسك أنقذ مستقبلك وخلي عقلك نظيف البلاد داخلة في مرحلة جديدة اللي ما يكونش قد المسؤولية راح يبقى برا

29/04/2025

27/04/2025

سأروي لكم تجربة عشتها بنفسي:
جاءني شاب مراهق عمره 20 سنة مدمن على مادة الماريجوانا قال لي انه منذ عام كامل يعالج في عيادة مختصة تفاجأت حين اخبرني ان العيادة وصفـت له ثلاثة الدوية ادوية مخدرة ومهدئة معروفة انها تباع في السوق السوداء!
النتيجة؟
بدل ان يقلع عن المادة الأولى اصبح اليوم يتعاطى اربع مواد:
الماريجوانا الأصلية وثلاثة لدوية جديدة وصفها له الطبيب.
والكارثة الأعظم:
اصبح يشتري هذه الأدوية بوصفة طبية وبمبلغ رمزي من الصيدليا ثم يعيد بيعها في السوق السوداء ليحقق ربحا
اي علاج هذا الذي يحول الإنسان من مدمن إلى مدمن تاجر اي منطق يقول انك تعالج الإدمان بإدمان جديد
ولهذا اقولها بصوت عال
لا يمكن ابدا علاج الإدمان بإدمان اخر.
اما نحن فلسنا مكان للعلاج النظري او وصفة ادوية مسكنة!
نحن نقدم الحياة من جديد:
برامج غذائية مدروسة لتعويض الجسم عما فقده من معادن وفيتامينات.
مكملات طبيعية مثل المغنيزيوم لتحسين النوم وفيتامين C لدعم النشاط والحيوية.
نشاطات رياضية يومية ترفع مستوى الدوبامين الطبيعي بدل الدوبامين الصناعي المدمر.
دعم نفسي احترافي تحفيز وتطوير ذاتي استعادة الثقة.
برامج ترفيهية منظمة لتعويض الفراغ القاتل الذي كان سبب الإدمان.
جلسات حجامة علمية لسحب السموم وتنقية الجسم.
نحن لا نخدر الألم نحن نواجهه ونصنع منه طاقة انتصار
نحن لا نبيع أوهاما نحن نعيد بناء الإنسان من جديد
وفي الختام
ألتحدى اي انسان ان يخبرني عن تجربة ناجحة خاضها مع عيادة تعالج الإدمان بالأدوية
اتحداك ان تقرا عن الإدمان الحقيقي وستعرف ان هذه العيادات مجرد تجارة ادوية مسكنة لا أكتر
نحن في عام 2025
العلم الحديث يقول الإدمان لا يعالج بالدواء بل بإعادة بناء العقل القلب والروح و الجسم
ونحن هنا... نقدم تجربة حقيقية متكاملة لا دواء بل حياة جديدة!

26/04/2025

السلام عليكم
الفراغ هو البوابة الأولى لكل أنواع الإدمان.
ولما نقول ادمان ما نقصدش فقط المخدرات الإدمان يشمل أيضا الإدمان على العلاقات السامة الإباحية الكسل السهر المفرط وكل عادة مضرة بالصحة الجسدية والنفسية.
ولهذا قلت: اذا تغلبت على الفراغ تغلبت على اي شيء ادمنته الفراغ هو التربة اللي ينبت فيها الإدمان وإذا ما عمرتش وقتك او وقت ولدك الفراغ رح يملاه غيرك الشارع الصحبة السيئة التفاهة الإشاعات المخدرات المشاكل و فتيات السوق
العقل البشري يحتاج دائما مهمة او هدف وإذا ما عطيتوش مهمة نظيفة وعالية رح يخلق له مهم مدمرة.
ولهذا انصح كل اب وام:
عمروا وقت اولادكم بالعلم بالحرفة بالهوايات المفيدة بالرياضة لا تتركوهم عرضة للفراغ القاتل خاصة في فترة المراهقة اللي هي اخطر مرحلة في بناء الشخصية.
الرياضة العمل الدراسة والهوايات تصنع شخصية قوية متوازنة بينما الفراغ يصنع شخصية ضعيفة مضطربة تائهة و تافه و نرجسي غالط اصل في روحو و يتعلم ردان الهدرة و الحقد و الغيرة و الجبن في الدار يخبط عليك الباب و البرا كي الخروف الأليف
تذكروا:
ابنك اذا خلاه الشارع يدور بدون هدف رح يلقى ناس تحكي في المخدرات الشهوات الشجارات اعراض الناس ورح يتبرمج تفكيره من هذا المحيط.
بيدكم تبنوا مستقبل اولادكم او تتركوهم يضيعوا.
اعمرو قلوبهم بالحب وقتهم بالعلم والعمل وحياتهم بالقيم الصحيحة والله المستعان.

26/04/2025

بسم الله الرحمن الرحيم،
أيها الأولياء الكرام،
لازم اليوم نفهموا حقيقة الإدمان والمخدرات بطريقة علمية مبسطة حتى نقدرو نحمو اولادنا وننقذوهم قبل فوات الأوان.
ما هو الإدمان؟
الإدمان هو حالة مرضية يخلي الإنسان مربوط بمادة معينة او سلوك معين باش يحس بالراحة او النشوة.
ولكن هذه الراحة والنشوة ماهيش حقيقية... هي مجرد
تسلف من الجسم بالضبط من مادة اسمها الدوبامين وهي المادة المسؤولة عن الإحساس بالفرح والتحفيز.
ما هي المخدرات؟
المخدرات هي مواد تدخل للجسم وتعمل اضطراب كبير في الدوبامين.و السيروتونين و الأندورفين والنورأدرينالين و Gamma-Aminobutyric Acid
الولد اللي يستعمل المخدرات كأنه يستلف دوبامين اسبوع قدام باش يفرح نصف يوم او ساعات قليلة،
ومن بعد يبدا يخلص الفاتورة الثقيلة:
يهبط مستوى الدوبامين الطبيعي.
يحس بالقلق، التعب، التعرق، الفشل، الفراغ الداخلي.
يضعف نفسيا وشخصيا.
يدخل في دائرة مغلقة: يستهلك مخدرات باش يهرب من الألم اللي سببته المخدرات نفسها.
وهنا تبدأ الكارثة...
لأنه كل مرة يحتاج جرعات أكبر باش يرجع يحس بشوية نشوة ويدخل في نفق مظلم يدمر صحته علاقاته دراسته ومستقبله.
لكل مخدر نوع خاص من النشوة ونوع خاص من تخريب الدوبامين
وهذا الشيء الأولياء مايعرفوهش، لأنهم ما عاشوش هذا الإحساس وما يقدروش يفهمو ولادهم من الداخل.
كيفاش نعالجو اولادنا؟
أولاً نفهمو نوع المخدر اللي يستعمله ولدكم وتأثيره على دماغه ونفسيته.
ثانيا نرجعولو الدوبامين الطبيعي بطريقة نظيفة وامنة.
الرياضة هي المفتاح:
الرياضة ترفع الدوبامين الطبيعي.
تبني الثقة بالنفس.تفرغ الطاقة السلبية تعطيه شعور حقيقي بالإنجاز والنشوة الصحية نملولو الفراغ بأنشطة رياضية، حرفية علمية وترفيهية.
نوفرولو مكملات غذائية تساعدو يتعافى (مثل الزنك، فيتامين C و المغنيزيوم
ملاحظة مهمة:
المدمن مايحبسش بين ليلة وضحاها، وما ينجمش يحارب الإدمان وحده بدون وجودمصدراخر للدوبامين.
لازم تعوضوه على نشوة المخدرات بنشوة الرياضة والنجاح والتقدم.
الخلاصة. الفراغ هو اصل الداء.
والرياضة والعلم والدين والصحبة الصالحة هم الدواء.
ملاحظة ختامية:
بإذن الله، انا شخصيا جاهز لمرافقة اي ولي يحب ينقذ ولده نوجهه، نعلمه، ونكون معاه خطوة بخطوة.
وربي يفتح علينا وعليكم بالخير والصلاح.

26/04/2025

سلام عليكم
في طريقي لمعالجة المدمنين المراهقين اكتشفت حاجة عميقة تتكرر عند كل واحد فيهم أول ما تسقسيه: علاش تدمن؟
يرد بكل بساطة: ما لقيتش وش ندير... ما كانش وين نروح
هنا نفهم ان اول منبع للإدمان ماشي المخدرات هو الفراغ.🪤
الفراغ هو اللي يولد الحيرة. الألم. والضياع.
هو اللي يخلي الشاب يفتش على اي شيء ينسيه روحو حتى لو كان سم
وهنا نرجع للأصل... نرجع للدار.
__🧔_الأب. 🧕 __الأم...
راك مسؤول مش غير على جسد ولدك راك مسؤول على وقتو على معنوياتو على روحو.
ولدك لزم عليك تقريه اذا ما قراش علمو صنعة.
اذا ما حبش الدراسة، علمو يهتم بحاجة رياضة هواية اي نشاط يبني شخصيتو.
ما تخليش المحيط يربيه لأن الوقت الخاوي يخرب
الإدمان ما يجيش فجأة يجي خطوة بخطوة.
واول خطوة اسمها. ( الفراغ)
وإذا ما عمرتش وقت ولدك،
الفراغ يعمر قلبو... وبعدها المخدرات تعمر حياتو.
وماشي غير يستهلك... حتى يولي يبيع.
وهنا الكارثة.💊🫨🤯
📢 يتبع...

25/04/2025

الحمد لله جاتني الاف الرسائل المشجعة لفكرتنا وفي نفس الوقت كالعادة خرجوا بعض الناس لي في قلوبهم الحقد والغيرة يحاولوا يحبطوا اي فكرة تخدم المجتمع وتطوره وتفيق الناس لكن اسمحولي نقوللكم نحن ماشي ناس نحكوا نحن في الميدان وعندنا خبرة كبيرة فيه
عندنا قاعة رياضية وعندنا نشاط في بيع المكملات الغذائية ومعانا اخصائيين في الميدان مدربين في اللياقة البدنية اساتذة في التربية البدنية مختصين نفسيين مهتمين بعمق في سلوك المدمنين ومعانا شيخ مختص في الحجامة عنده 20 سنة خبرة.
وعندنا خطة مدروسة نخدمو بعلم نخدمو باستراتيجية علمية دقيقة
رايحين نبنيو مشروع شامل انساني تطوري يخدم الناس من الداخل للخارج من الجسد للنفس من العقل للروح
اليوم عندنا 17 حالة 90% منهم تجاوزوا مرحلة الإدمان والحمد لله وسنشارككم قريبا فيديوهات حقيقية لكل النتائج بالعلم مش بالحكي.
مرحبا بالناس اللي تحبنا وتعاونا مرحبا بكل قلب صافي يحب يشوف الخير لولايته تبسة اما الناس اللي في قلبهم حقد ولا غيرة نقولهم اقعدوا تتفرجوا المشروع بدا والحلم بدا
واذا حبيت تحكي الرقم عندك 0671224726 عيط لي نتحاور معك وجها لوجه علميا، أخلاقيا ثقافيا تربويا كما تحب. تحب نجيك حتى لدارك مرحبا بك في اي وقت.
خويا الناس اللي تخدم في الظل وتبني ما عندهاش وقت ترد على سلبيين رانا نخدمو… تحب تعاون؟ الباب مفتوح. تحب تحبط؟ خلص 10 الف 3g وبق قدام الشاشة
وإذا تحب نحكي معاك بلغة علمية محترفة نقدر نمدلك معلومات وحقائق اكاديمية وموثوقة ما تقدرش حتى تلحقلها بصح نحكيو بلغة الناس لأن هدفنا نخدمو الناس مش نغلبوهم بالفصاحة.
ولهذا إذا عندك مشروع فكرة ولا نصيحة حقيقية مرحبا بيك على ارض الواقع مش من وراء الشاشة

فلسفة المشروع:
لسنا عيادة ولسنا مجرد قاعة رياضية او محل بيع المكملات العذائية نحن مسار حياة متكامل يمر من الجسد الى النفس الى العقل الى الروح. وهذه الفكرة بكل تواضع لا تزال نادرة جدا في العالم العربي بل حتى في كثير من الدول الغربية

Golden body
ماشي غير تجارة جولدن بودي علم ثقافة مبادئ وثقة مكملات بجودة عالية معاملة راقيةوناس واقفين في الميدان فاهمين شغلهم مليح شركة قوية
هنا تبد الخدمة الاحترافية وهنا تبد النتائج المضمونة. Golden Body Tebessa
مرحبا بكم ☎️0671224726
hassan

24/04/2025

،📢البرنامج المتكامل لإخراج المدمـ.ن من دوامة الإدمـ.ان إلى طريق القوة والاستقرار💪🫰
في Golden Body تبسة – بإشراف جلايلية حسان_ نخدموا بمنهج علمي واقعي ومجرب يخرج الشاب او الشابة من قاع الضعف ويرجعوا واقفين واثقين واقوياء.💪

1. تقييم وتشخيص دقيق

مقابلة اولى لفهم نوع المادة مدتةالإدمـ.ان وتاثيره 🫨
كل شيء بسرية تامة واحترام كبيرا نعاونوا ونوقفوا معاك من اول وجديد.

2. برنامج غذائي علاجي منظم

تغذية علاجية تنقي الجسم وتبني خلايا جديدة.
اطعمة داعمة للكبد الكلى والمناعة.
مكملات غذائية قوية:
المكملات دورها اساسي في تجاوز اصعب مرحلة: مرحلة اعراض الانسحاب.
الجسم يبدا يطالب بالمادة لكن المكملات اللي نعطوهالك تساعده يتجاوز هذيك الرغبة يعوض النقص ويحافظ على توازن الأعصاب والنفسية
اول معركة هي اعراض الانسحاب واذا تغلبنا عليها نكونو قطعنا نصف الطريق للخروج من الإدمان

3. برنامج تدريبي رياضي مخصص

تفريغ الطاقة السلبية وبناء جسم جديد.
كارديو – مقاومة – مرونة حسب الحالة.

4. مرافقة نفسية متواصلة

جلسات مع _مختصة نفسية معتمدة_
تقنيات علاج سلوكي معرفي (CBT)
اعادة بناء الهوية والثقة بالنفس.
اعادة برمجة عقلية وسلوك جديد.

5. جلسات تربوية واخلاقية

تعزيز قيم الرجولة و لانوثة لي الفتيات و النظام والوعي.

6. الحجامة لتصفية الدم

ازالة السمـ.وم من الـ.دم بطرق نبوية.
_مع الشيخ طارق حميدان_
دعم فيزيولوجي للجسم في فترة التخلص.

7. متابعة شخصية صارمة

جدول خاص اتصال مستمر وتقييم دائم.
تقييم مستمر لحالة الجسم والعقل

@الغلط موش عيب لكن تكمل فيه هو المشكلة
احنا ما جيناش نحاسبك جينا نقولولك جيبلي مخك والباقي عليا نعاونك تخرج نقف معاك نبدل حياتك من اول وجديد.

_كل الاموال اللي كنت تخسرها على السمـ.وم
واحد بالمئة منها برك تقدر بيها تنقذ حياتك
راك كنت تصرف امول كبيرا باش تدمر حياتك
واليوم بي الصرف فقط راك تداوي روحك
Golden body
ماشي غير تجارة جولدن بودي علم ثقافة مبادئ وثقة مكملات بجودة عالية معاملة راقيةوناس واقفين في الميدان فاهمين شغلهم مليح شركة قوية

هنا تبد الخدمة الاحترافية وهنا تبد النتائج المضمونة. Golden Body Tebessa
مرحبا بكم ☎️0671224726
hassan

24/04/2025

السلام عليكم ورحمة الله وبركاته
رسالة خاصة موجهة الى زوارنا الكرام من الحمامات و مرسط و بئر العاتر
وخاصة العائلة اللي جات من العاتر مع ولديها
نشكركم على ثقتكم ومجيئكم لكن نحب نوضح نقطة مهمة اي شخص يحب يزورنا او يستفيد من الخدمة من الضروري يحجز موعد مسبق عن طريق الهاتف
باش نكون جاهزين لاستقباله وننظمو الوقت والجهد حسب كل حالة ان شاء الله نعوضكم شيء وراح نبداو المسار الصحيح فيه برنامج منظم تواصل واضح
ومرحلة جديدة تشمل العلاج الدعم والتفاهم على كل التفاصيل المهمة .التغيير الحقيقي يبدا بخطوة منظمة وانا موجود وواقفين معاكم بكل طاقتنا
لكل شخص عندو النية والإرادة باش يبدل حياته
للتواصل وتحديد موعد ☎️0671224726
_هنا الخدمة الاحترافية والنتائج الحقيقية تبدا من هنا. Golden Body Tebessa. حسان جلايلية