12/05/2026
نصيحة رياضية
خاوتي حبيت نقلكم حاجة لازم كامل نعتبروا من القصة اللي راهي دايرة حالة في مواقع التواصل هاد الأيام.. مصارع كان يقصر مع صاحبه برا، وبدأت اللعبة بضحك وبالقصرة ، لكن في لحظة ساهية وبدون قصد، ضربة أو طيحة خاطئة تسببت في وفاة صاحبه. في دقيقة، تحول الضحك لجنازة، والرياضي لقى روحه في دوامة تاع ندم وحبس بسبب "لعبة" ما كانش داير حسابها.
حبيت نقلكم بالرياضة اللي رانا نتعلموها في القاعة، سواء ملاكمة، جودو، مصارعة أو أي فن قتالي، هي سلاح حقيقي وخطير، وماشي قصرة تاع برا. الملاكم يديه كيما يقولو "ماصيطا "، والمصارع تقنياته ممكن تكسر العظام في ثواني.
لذا ممنوع منعا باتاً تلعب بالرياضة نتاعك مع صحابك في الزنقة أو في الدار، حتى ولو كان من باب الضحك لأن نعرفو اكل وش تقدر دير لكمة من ملاكم بدون قفازات برا في إنسان "عاهة،تعوق او حتى تلحق للموت " والمصارع وش يقدر بصرى في الأرضية برا يابسة (بيطون)، والضربة اللي نشوفوها ساهلة في "البساط" أو "الحلبة"، تقدر تكون قاتلة في الشارع.
الرياضه نتاعك خليها للتدريب وللمنافسات باش تمارسها ماهيش لشارع
"الغلطة في الرياضات القتالية ثمنها غالي بزايد، وممكن تدي روح إنسان."
وبالتوفيق للجميع
