21/04/2022
سلام عليكم : حبيت نوصل وحد الفكرة لمحبين الفريق او ناس لي صح تحب الفريق من القلب او تهمو المصلحة انتاع هذا الفريق : بصفتي كنت مسير في هذا الفريق رغم أني عديم الخبرة لكن كنت نخدم او نعاون او نزيد عليها من قلبي او بنية الصافية او درت كع لي عليا او كع واش نقدر انا او رءيس الفريق او مسيرين لي معايا،،،مي الفكرة لي خرجت بيها هيا أنه المشكل لا فارءيس لي فات ولا فارءيس الحالي ولا فارءيس لي راح يجي أمبعد ،،المشكل اكبر من ذلك المشكل الرءيسي انتع الفريق هما الأموال فريق بحجم مولودية بكل فءات يلعب موسم برصيد بنكي 0 دينار،،،،،،،،معليش جا رءيس او ولا يصرف من جيبو باش يسير البطولة على أساس أنو يسترجع أموال انتاعو من مداخيل البلدية او مديرية الرياضية،،،أنا ياخاوتي مراني ندافع اعلا حتى واحد مي انا لي كنت حاكم مصاريف انتع الفريق منذ بداية الموسم حتى للقاء الأخير ،،حاجة اللي حيرتني أنو مصاريف جاوزت بنسبة كبيرة أموال اللي راه يستنا فيها الرءيس تدخل من عند سلطات،،،،،دك هذا الفريق اذا بقا يستنا كل موسم يجي رءيس يزيد عليها والله مافيها يا جماعة ،،،،انا واش شفت الحل لهذا الفريق باش يخرج نهاءيا من هذا مشكل انتع أموال التسيير هوا وقوف المجلس الشعبي البلدي معا الفريق وإيجاد سبل جديدة لتوفير أموال تسمح للفريق بلعب ورقة الصعود كما يتمناو كل المحبين ،،،،ياخاوتي 120 مليون موحال تطلع بيها أو موحال تشد بيها المانتيان ،،،،،،منكذبوش اعلا رواحنا يا خاوتي ،،،،انا حسب فكرة اللي خذيتها في هذا موسم إذا موقفج البلدية او بالأخص رءيس البلدية معا الفريق و عمل على ايجاد حلول لزيادة إعانة المالية للفريق ،،،صدقوني راح نبقاو هكا او كل عام يشبه عام لي قبلو ،،،،،،،،،،،انا رأي يا جماعة في عرض نبقاو ننتاقدو في بعضنا بعض او نتبادلو فاتهم بيناتنا او صح نحبو فريق انتعنا يروح بعيد لازم نتاحدو نديرو يد فاليد لمصلحة الفريق،،،او باتنسيق معا رءيس البلدية نلقاو حل للفريق ...الفريق واسمو : مولودية شباب بلدية وادى العلايڨ.
