Coach Louna

30/08/2026

29/08/2026

البعثة الثانية وصل الماستر الان من طرف أسماء محمد براهيمي

زدنا كملنا عمرناه بكامل واش بقى
وهكا أماناتكم كامل راني ارسلتها لجيجل باذن الله يستقبلها زوج الاخت حفصة أم عبد الله

عجبتوني بزاف وفرحت بيكم في ساعات قليلة من طرف النسوة فقط عمرنا دوبلو كبير وزدنا الماستر معاه ما تعمرش كامل بصح تعمر … ♥️
نحب بزاف هاد السباق للخير والتيسير وكلش يفرا تم تم …♥️
سبحان الله في سويعات تم الجمع تم الشراء تم الارسال 🫶🏻🫶🏻🫶🏻

بقالي غدا ان شاء الله نكمل نشري مزال خاصييين فالكمية وخاصييين حاجات مزال ما شريناهاش مزال ما وفرناهمش نسحقو دعم منكم .. ونسحقو نزيدو نستلمو أغراض عليكم (خاصة لفراش دك نحطلكم فالتعليقات الناس راهم يرقدو على الارض ❤️‍🩹) النساء ما لقاوش ملابس يلبسوهم الاطفال كذلك …والرجال والشباب غدوة لازم ندعمو هاد الفئة ونشرولهم …

بالنسبة لجبينة أم عبدالرحمن وجويرية تواتي
قاتلي حتى الاحد ان شاءالله باش تقدر تجيب الأمانات لي راح تستلمهم غدا ان شاء الله

و أعرابية للألبسة الشرعية كذلك لم نستلم عليها بعد اي شيئ …حتى ليوم غد ان شاء الله …نشوفو واش توفر عندها

كما نشكرRoufaida'h Crochet كانت موقع الاستلام فالرحمانية راهي رتبت كلش غدا ان شاء الله جوز عليها مباركة ..

مزال يخصونا : سرابت مشاطي وكل ما يُستحم به ♥️
الاكل الخاص بمرضى السلياك…
الاكل عامةً
الات قياس الضغط والسكري و الادوية …آنسولين
الافرشة الافرشة الافرشة ناكد على لمطارح والأغطية فضلا

الملابس كل الفئات : رجال ونساء شباب وشابات مسنات و اطفال ورضع ..

وسنحاول باذن الله ارسال اظرفة مالية مع سائق الماستر لتوزع على الأهالي المضرورة وسيقوم زوج ام عبد الله بفعل ذلك …

الماستر تع الغد ان شاء الله كبير بزاف نسحقكم كامل تتعاونو باش نعمروه فضلا …اي اخت تقدر تعاون فالاستلام تتفضل اي محسنة ما قدرتش تتواصل معايا تتواصل مع المستلمات ..
منقول من عند نادين
بن عباس امنه
Nadine Mahboub
Housna cosmétique

28/08/2026

اي واحد مهتم بالتبرع لناس جيجل هادوما حساب الأخوات اللي راهم يجمعو:
Nadine Mahboub
Ōûm Sįrādj
Sana Zorgani
Housna cosmétique
Cicita Kes
@زوجة الملتحي الجزائري

22/08/2026

معرض الثريا قريب 😍

معرض الثريا قريب إن شاء الله، وراح يكونو فيه الأحباب تاوعنا ❤️
وبما أني نعرفكم مليح… لازم نمدلكم برنامج التسوق كامل 😂👇:

🌿 من جهة الصحي؟ حاضر وبقوة!:

Prestige Yass Min راح تكون حاضرة بالحلويات الصحية، وحتى السندويتشات الصحية 😍
إييه نعم! يعني اللي تروح للمعرض ويجيها وقت الغداء، تقصدهم وما تقوليش: «خربت الريجيم كوتش» 😂❤️

🥚🧀🧈 وراح تلقاو كذلك هيلثي من مزرعتي الغنية عن التعريف…:
بيض، جبن، زبدة و… واش نقول وواش نخلي؟ 😍
اللي يعرفوها يفهموني وحدهم 😂
نصيحتي الوحيدة: روحو بكري باش تصحلكم! 😉🔥

وأنا؟ خلّوني نروح وحدي عند Lina Louni 🤭😂
نتوما شوفو مع الأحباب اللي ذكرتهم هههه ❤️

👔 وبالنسبة للرجال تاعكم… اقصدو Sali Aboud 😉👌 ماشي يجيبوكم و ما تعشوهومش من التعب و.

بالنسبة للنظافة يا بنتي يا أصحاب النوادي الرياضية فضلا حبيباتي اقتنو من عطور و مزيلات العرق تاع Housna cosmétique ❣️.. راكم علابالكم القاعة الرياضيةتاعنا مني وليتو تستعملو المنتوجات هاذي ولينا نونترينيو في رحمة و الحمد لله🩷💞

يعني باختصار:
معرض + تسوق + أكل صحي + حلويات + منتجات فلاحية + كل ما يشتهي الخاطر 😍🛍️
واش نزيدلكم؟ ولا هكذا البرنامج راهو كافي باش نضيعو النهار كامل؟ 😂❤️

نشوفكم في معرض الثريا إن شاء الله 🌸

Coach Louna ❤️

22/08/2026

استرخاء و رشاقة طول اليوم .. من قلب الحدث

15/08/2026

🍎🍓 الفواكه في الريجيم… ممنوعة أم ضرورية؟ 🍇🍊

الفاكهة ليست عدوًّا للتنحيف، بل هي مصدر مهم للألياف، الفيتامينات، المعادن ومضادات الأكسدة 🍃✨
لكن الكمية والنوع وطريقة تناولها هي التي تصنع الفرق.
🍓 خلال ريجيم التنحيف
يمكن تناول الفواكه باعتدال، والأفضل اختيار الفواكه الأقل تركيزًا بالسكريات والأغنى بالألياف، مثل: 🍓 الفراولة
🍏 التفاح
🍐 الإجاص
🍊 البرتقال واليوسفي
🥝 الكيوي
🍑 الخوخ
ويُفضّل عدم الإفراط في: 🍇 العنب
🍌 الموز، خصوصًا بكميات كبيرة
🥭 المانغو
🍍 الأناناس
🍒 الكرز
🌴 التمر والتين المجفف

⚠️ المهم: هذه الفواكه ليست "ممنوعة" بشكل مطلق، وإنما تحتاج إلى التحكم في الحصة حسب احتياجات الشخص وسعراته اليومية.

🩸 خلال ريجيم مقاومة الإنسولين
هنا نركز أكثر على الحصة، الألياف، ومعدل ارتفاع سكر الدم.

✅ الأفضل غالبًا: 🍓 الفراولة والتوت
🍏 التفاح
🍐 الإجاص
🥝 الكيوي
🍊 البرتقال
🍑 الخوخ

أما الفواكه الأكثر حلاوة أو المركزة بالسكر، مثل العنب، المانغو، الموز، التمر والفواكه المجففة، فنحرص على تناولها بكميات صغيرة وضمن الوجبة المناسبة.
❌ والأهم: تجنبي العصائر حتى لو كانت طبيعية؛ لأن تناول الفاكهة كاملة أفضل للشبع والألياف، بينما العصير يجعل من السهل استهلاك كمية كبيرة من السكر في وقت قصير.

🌿 قاعدة ذهبية:
لا يوجد طعام واحد يسبب السمنة، ولا فاكهة واحدة "ممنوعة" على الجميع.
النجاح في الريجيم يعتمد على الكمية + التوازن + اختيار التوقيت المناسب + مجموع الغذاء خلال اليوم.
💚 كلي الفاكهة بذكاء… ولا تحرمي جسمك منها.
Coach Louna ❤️

12/08/2026

En plein préparation de la nouvelle tisane RACHAKA by coach Louna 😘

07/08/2026

لي حايبة حصص الفيتنس اعلمها ان قاعة الفيتنس مازالها طور الأشغال. نبداو ان شاء الله في شهر سبتمبر.
القاعة تبقى مفتوحة لحصص ال musculation تحت إشراف الكوتش طبعا مع تمارين musculation a base du poids du corp .
مرحبا بالجميع. Coach Louna