02/10/2025
منقول .. :
و الله عشت ليلة غبشة و الله لو واحد حكالي على الي صار نكذبو أما يا خويا عشت الأحداث بالطرف: الشوط الأول تعدى زيت فوق الماء و ما بين الشوطين هبطوا الساحليانو تحت المدارج و دوبا ما زفر الحكم طلعوا الكل و فيهم الي لابس كاڨول لحظتها حسيت إلي فما حاجة و عينك ما تشوف كان الخير تتصوروا يا ناس العصي الي فيهم درابووات النجم و فلسطين كسروهم و ردوهم عصي يضربوا بيهم و درابووات ليتوال و فلسطين في القاعة تعفسوا و ترفسوا و هوما إلي بداوا الشغب و ريتهم كيفاش وجهوا الفلامات تجاه جمهور البريڨاد و حتى في الشنوة ريت كيفاش واحد منهم خط الفلام في صدر واحد من البريڨاد و غير ذلك من الفضاعات و زيد كسروا التوالاتات و استعملوا الحجر متاعها و ردوها كرادي...الحقيقة قرابات الاربعين سنة نمشي للستادات و عمري ماريت هالهم و الهمل جمهور النجم الكل يلزم يتبرأ من هؤلاء الشرذمة و من كل من يريد المضرة لنادينا..حاجة أخرى ساحليانو و إلا بريڨاد كلهم اولادنا و لكن البذرات الخبيثة إلي فيهم يلزم استئصالها حتى يعود جمهور الفيراج القوة القادحة لجمهور مقبرة الغزاة...ليتوال تعيش تعيش تعيش....
