استشارية تغذية علاجية وتغذية رياضية

05/08/2026

إذا صرالك واحد من هاذ المواقف. فالمشكل ماشي الجوع
احفظي المتشور راح نعطيك الحل فالمنشور القادم

تكوني شبعانة لكن بعد مكالمة قلقتك ، تلقاي روحك تبحثي على حاجة تاكليها.

تكوني أكلتي وجبة كاملة لكن بعد يوم متعب، تحسي برغبة قوية في الحلويات.

تقولي:
غير قطعة صغيرة.منبعد تلقاي روحك كليتي أكثر مما كنتِ تنوي.

تكوني مشغولة طول النهار وما تفكريش في الأكل لكن لما تبقاي وحدك وتحسي بالملل، يبدأ التفكير فيه.
تقلقي من الاولاد وتنوضي طوول الى المطبخ تشوفي حاجة تاكليها تهدي بيها روحك رغم مكيش جيعانة

إذا تعرفتي على نفسك في هاذ المواقف، فربما جسمك ما كانش يطلب الغذاء.

بل كان يطلب الراحة، أو التسلية، أو الهروب من شعور معين.

وهنا لازم نطرح سؤال مهم:

هل أنا جيعانة؟

أم أني أحاول إطعام شعور داخلي بالأكل؟

الوعي بهذه اللحظات هو أول خطوة لتغيير علاقتك بالأكل.

قوليلي:
أي موقف من هاذ المواقف صرالك من قبل؟

04/08/2026

04/08/2026

ما نزلتش في الوزن حتى وقفت هاذ العادة.
إذا كنتِ زايدة وزن وتقولي:
راني ما ناكلش بزا
أو كنتِ تتسائلي:
منين راه يطلعلي الميزان؟
فالجواب يمكن يكون في هذا المنشور.
لما كنت في رحلة إنقاص الوزن، كنت دائما نتساءل:
علاش راني نزيد في الوزن رغم أني نتبع ريجيم؟
مرات كنت نبكي ونقول:
يمكن احتباس سوائل.
يمكن الغدة الدرقية.
يمكن طبيعة جسمي هكذا.
ومع كل مرة ما نشوفش النتيجة لي نتمناها، كان يزيد إحساسي بالفشل والذنب، ونلقى روحي نرجع لنقطة الصفر.
لكن كي بديت نراقب نفسي بصدق، ونكتب واش راني ناكل، ونفهم علاقتي بالأكل أكثر، اكتشفت حاجة بسيطة جدا.
حاجة بزاف ناس يديروها وما ينتبهوش لها.
كنت نقول:
هاذ اللقمة حرام نرميها، خلي ناكلها.
هذا الصحن بقى فيه شوية، نكملو أنا.
هاذي غير ذوقة صغيرة، ما تأثرش.
هاذي لقمة برك.
لكن المشكلة أن عشرات اللقمات الصغيرةخلال اليوم يقدرو يكونو أكثر من وجبة كاملة.
وهنا فهمت بلي الأمور ما تمشيش بهذه الطريقة.
إذا كنت حابة ننقص الوزن، لازم نكون واعية بكل لقمة تدخل لجسمي.
ماشي من باب الحرمان.
لكن من باب الوعي.
ولما تخلصت من هاذ العادة، بديت أخيرا نشوف الصورة بوضوح، وعرفت وين كان الخطأ الحقيقي.
وهذا واحد من أهم الأمور لي نخدم عليهم مع المشتركات تاعي، واللي تكلمت عليه أيضا في كتابي وجبتي تسبق دمعتي
أكتبيلي في التعليقات:
هل سبق وقلتي:
حرام نرميها.خلي ناكلها أنا؟

03/08/2026

"أكبر كذبة صدقتها سنوات: كنت نظن أن مشكلتي هي الإرادة الضعيفة... لكن الحقيقة كانت الأكل العاطفي."
"كيف تفرقي بين الجوع الحقيقي والجوع العاطفي؟ الجوع الحقيقي يجي تدريجياً، أما العاطفي يجي فجأة ويطلب أكلاً محدداً."
"تمرين من كتابي: قبل أي نوبة أكل، اسألي نفسك: ماذا أشعر الآن؟"

02/08/2026

تعرفو واش أكثر حاجة تفسد الريجيم تاعكم؟

أكيد راح يجي في بالكم تقولوا الخبز.

وكاين لي تقول لا، كل أنواع العجين.

وكاين لي تشوف بلي المشكل في الحلويات.

وكاين لي تلوم قلة الحرق، الأمراض، أو قلة الحركة وعدم ممارسة الرياضة.

صحيح،هاذ الأسباب كامل تقدر تعطل النتائج إذا ما تعاملناش معاها بالطريقة الصحيحة.

لكن كاين حاجة أخرى نشوفها أخطر من هذا كامل

عقليتك.

إيه نعم رشيقتي، نظرتك للريجيم وطريقة تعاملك مع جسمك.

لما تفقدي التناغم بينك وبين جسمك، كلش يتخربط، وحتى أحسن برنامج غذائي يقدر يفشل.

لما تبقاي متمسكة بأفكار مغلوطة كيما

- الأكل الصحي غالي بزاف.
- الأكل الصحي ما عندوش مذاق.
- مستحيل نتأقلم معاه.

فأول تحدي يواجهك راح يخليك تستسلمي.

ولما تعيشي في فكرة جربت بزاف وما نجحتش، وتبداي تصدقي بلي النجاح مستحيل ، راكي من البداية تحكمي على نفسك بالفشل قبل ما تبداي.

ولما تقتنعي بلي ما تقدريش تتخلاي على بعض العادات أو المأكولات حتى لو كانت تضر بصحتك، راكي ترجعي لنقطة الصفر قبل حتى ما تخطي أول خطوة.

لهذا نقول دائمًا

الريجيم ما يبداش من الطبق

الريجيم يبدأ من العقل.

من الطريقة لي تهدري بيها مع روحك.

من الثقة لي عندك في نفسك.

ومن إيمانك بلي تقدري تلتزمي حتى في الأيام الصعبة، وحتى في الأوقات لي تكوني فيها متعبة أو محبطة.

صدقيني الريجيم أسهل بكثير مما تتصوري، إذا بدلتي نظرتك ليه وبدلتي طريقة تفكيرك نحوه.

إذا وصلتي إلى هنا، احفظي المنشور وشاركيه مع صديقاتك، يمكن يكون بداية تغيير حقيقي عند وحدة فيهم.

وقوليلي بكل صراحة وشفافية

واش هي نظرتك للريجيم؟

01/08/2026

حاربي.. حاربي على كل شيء أنت تحبينه من قلبك، من صميمك، ومن أعماق داخلك

لا تسمحي لأي شخص من حولك، أو لأي ظروف محيطة، أن تأخذ ولو جزءًا بسيطًا من طموحك. هذا حلمك أنت، وهذه معركتك أنت وحدك

دمتم واثقين، طامحين، ومحاربين لأجل أحلامكم🦾

30/07/2026

ترند جميل جدا مع شات جي بي تي

لو كانت حياتي قصة،ماءا سيكون عنوانها؟
اعطيته السؤاال
فلامس الجواب قلبي
كلما تعثرت ..بدأت من جديد

عنوان حفزني للعمل بجد والعطاء أكثر ...
لطالما جعلت من عثراتي وآلامي محفز وداعم لي للنهوض من جديد

هيا جربو انتم أيضا

لو كان جات حياتكم قصة، في رايكم ولش يكون عنوانها؟

شاركونا نتائجكم 👇

29/07/2026

كل مرة تقولي: "هاذي آخر مرة ناكل هكا"... وبعد ساعة تلقاي روحك راجعة للأكل؟
الجوع الحقيقي يجي باش يغطّي احتياجات الجسم من الطاقة والمغذيات.
لكن كاين نوع آخر من الجوع...
الجوع اللي يجي بعد زعاف، ضغط، وحدة، أو موقف خلاك تتألمي.
إذا كنتِ:
تاكلي رغم أنك شبعانة.
تبحثي على الشكولاتة أو الحلويات مباشرة بعد التوتر.
تلجئي للأكل كلما تضايقتِ أو بكيتِ.
فغالبًا أنتِ لا تعانين من نقص إرادة...
بل من الأكل العاطفي.
الأكل هنا ليس المشكلة، بل محاولة من جسمك للتعامل مع مشاعر لم تجد طريقًا آخر للخروج.
لهذا، الحل لا يبدأ بحرمان نفسك من الطعام...
بل بفهم مشاعرك، والتعرف على المحفزات التي تدفعك للأكل دون جوع.
لأن شفاء علاقتك مع الأكل يبدأ من شفاء علاقتك مع نفسك.

قولولي واش تعرفو ايضا على الجوع العاطفي

26/07/2026

إذا راكي تعاني من زيادة الوزن، فهذا المنشور ليك

زيادة الوزن ماشي غير رقم فالميزان...

هي تعب، وثقل، وخمول، وأحيانًا حتى إحساس يخليك ماكش مرتاحة مع روحك.

ممكن تخليك تكرهي جسمك ولا تفقدي الثقة في نفسك، بصح حابة نقلك حاجة مهمة:

ديما كاين أمل

أنا ثاني كنت عايشة في سجن السمنة، ونجحت نكسر هاذ القيد ونبدل حياتي، وإنتِ كذلك تقدري.

ما تحتاجيش تكون عندك إرادة قوية كل يوم، تحتاجي غير تقرري تبداي وتواصلي خطوة بخطوة.

ومع الوقت راح تبني الاستمرار والانضباط لي يوصلوك للجسم والصحة لي تتمنايهم.

اعملي متابعة للصفحة، لأن المنشورات الجاية راح تعاونك تفهمي أكثر رحلتك مع الوزن وتوصلي لهدفك بإذن الله