30/08/2026
رسالة شكر وتقدير "قوافل دعم جيجل"
من القلب، حابين نشكرو خاوتنا كل شخص ساهم ولو بكلمة، كل واحد عاون ولو بحاجة قليلة، في قوافل الدعم لإخواننا في جيجل بعد الحرائق.
شكر كبير لكل صفحات بوفاريك اللي وقفو وقفة راجل واحد، نشرتو، جمعتو، وعيطتو للناس... بارك الله فيكم، بيكم شفنا بلي بوفاريك ما زال فيها الخير.
وشكر خاص لكل الرجال اللي حضرو، و سمحو في خدمتهم و اللي ساهمو بدراهمهم، بحوايجهم، بوقتهم، اللي سهرو الليالي باش القافلة تخرج، واللي ساڨو حتى لجيجل و لي مزالهم الأن ثما ربي معاكم و يخليلكم صحتكم يا رب
ما حدث في جيجل وجعنا كامل، لكن تضامنكم اليوم داوى شوية من الجرح وبيّن بلي الجزائري للجزائري رحمة.
ربي يجعلها في ميزان حسناتكم، وربي يعوضكم ويحفظكم ويحفظ أهلكم 🇩🇿
صفحتنا تحييكم 🇩🇿
تحيا الجزائر 🇩🇿
