بغدادي لبيع لوازم الصيد و الفروسية برج بوعريريج

18/05/2026

17/05/2026

بعض السلع الموجودة في المحل التوصيل متوفر

17/05/2026

26/04/2026

زوج حبات رباط سانتتيان دورجين جدد نظاف بزاف
التوصيل متوفر 69ولاية
السعر 18.000دج ثابت
0669327926
المحل متواجد في المحطة القديمة لاقار لاري مقراني مرحبا بكم

26/04/2026

منقول
🏹 دليلك باش تفهم "الشوكات" (Les Chokes) وما
تغلطش فالضربة! 🏹

​بزاف خاوتنا الصيادة خاصة أصحاب البايكال عندهم الشوكات و ما يستعملوهمش ولا يتلفولهم "النجوم" (Les étoiles).
القاعدة ساهلة ماهلة: كل ما نقصو النجوم، كل ما تجمّع الخردق ومشا لبعيد!
​1. نجمة وحدة (*) - Full
​الخدمة: يزيّر السبطانة لأقصى حد، يجمّع الخردق بزاف.
​المسافة: للحاجة البعيدة بزاف (40-50 متر).
​⚠️ خطر: ممنوع تضرب بيه القريب (يفتفت الحجلة) وممنوع "نهائياً" تضرب بيه "البال" (Balle)، يقدر يطرطقلك المكحلة!
​2. زوج نجوم (**) - Improved Modified
​الخدمة: مزيّر شوية، يعطيك التوازن بين البعد والدقة.
​المسافة: الحمام العالي والطريدة البعيدة (35-45 متر).
​ملاحظة: "البال" لالا، مازال السبطانة مضيوقة.
​3. ثلاث نجوم (***) - Modified
​الخدمة: هادا هو "الجوكر" تاع المسافات المتوسطة.
​المسافة: الطلقة الثانية للحجل والأرنب (30-40 متر).
​ملاحظة: مليح لكلش، بصح "البال" مازال فيه ريسك.
​4. ربع نجوم (****) - Improved Cylinder
​الخدمة: مفتوح، يعطيك ضربة واسعة، هادا هو "الكل في الكل" في بلادنا.
​المسافة: الطلقة الأولى (من 20 لـ 35 متر). يخليك ما تراطييش بزاف.
​ملاحظة: تقدر تضرب بيه "البال" بصح الـ 5 نجوم خير وأضمن.
​5. خمس نجوم (*****) - Cylinder
​الخدمة: السبطانة "سرحة" (محلولة)، الخردق يتشتت ماللول.
​المسافة: للقريب بزاف (0-25 متر)، مليح للغابة الكثيفة والأرنب كي تنوض عند رجليك.
​✅ الصديق تاع "البال": هادا هو الشوك الوحيد اللي تضرب بيه "البال" وأنت هاني 100%. الرصاصة تخرج مرتاحة بلا ضغط.
​💡 الخلاصة لي تحفظها كيما اسمك:
​حاجة بعيدة؟ نقص النجوم (* أو **).
​حاجة قريبة؟ كثّر النجوم (**** أو *****).
​تضرب "بال" (خنزير)؟ دايماً ركب 5 نجوم (*****) وتوكل على ربي.