30/08/2026
من الجمعة ما درتش بوست ما قدرتش بكل صراحة كل ما نشوف الفيديوهات والصور نشبع بكا
حتى ولادي ولاو يطفو التلفاز قالولي وليت بزاف سونسيبل
الحمد الله حمدا كتيرا مباركا كي طفات النار ،الحمد الله راه عندهم الان اكتفاء
واش راني نشوف هو إعادة ترميم البيوت لان الإنسان يحب يولي لدارو وهذي حقيقة
اذا انت راكي تشكي ما سفرتي في الصيف كاين لترحلو من بيوتهم
اذا راكي تشكي من خدمة زوجك وماعاجبكش الحال كاين بزاف ترملو
اذا راكي تشكي من الحر الناس راهي تحرقت وتفحمت
بزاف دروس راهي تجينا هل هي عابرة أكيد لا
فلنعتبر
فلنحسن حفظ النعمة
على بالكم مازال ناس تكومندي وتخلي ماكلتها وتروح
تقوى الله
احفظ النعمة تحفظك
راكي مسؤولة في منزلك
نحكيلك علاش راني حساسة كانت عندي تجربة في الحرق على هاذيك كي نشوف حريق لحمي يتشوك
كي كنت صغيرة8سنوات طرطق عليا كأس تاع قهوة وانا كنت مكسلة رجلي لابسة ليبا ماما ناحتلي ليبا بسرعة اللحمة طارت ديراكت داني بابا لطبيب العائلة دارلي الحق العلاج المناسب كان وقت شتا كنت نلبس حذاء عادي في رجل والمتضررة بونتوف حكيولي على التنمر ماعنداك ماكانش بزاف هاذاك الوقت كنت مسالمة كامل تضامنت معي الزميلات اكيد كان يوصلني ابي هاذيك الفترة صباحا الرجوع اذا ما جاش بالعكاز
الحمد الله الاتار ما عنديش كامل قعدت بهذيك الحالة واحد الشهرين
مادابيا المساعدات لي قدر يوصلهم وجبات ساخنة احسن واحد كي يكون متضرر ما عندوش أو ماعندهاش القوة باش طيب
نشكر كل واحد راهو يشارك كل واحد باسمه وبصفته
