06/09/2023
ယူလီယမ် ဘာလင်ဆိုရင် လူပြောသိပ်မများတဲ့ ဘွန်ဒက်လီဂါ အသင်းလေးပေါ့။ အသင်းလေးဆိုပေမဲ့ မနှစ်က ဘွန်ဒတ်လီဂါမှာ ဇယားထိပ်ဆုံးတောင် သုံးလေးခေါက်လောက်ရောက်လိုက်သေးတယ်။ ဘိုင်ယန်ကို ယှဉ်ဖိုက်နိုင်သွားမလားဆိုပြီး ကျွန်တော်တို့တွေ စောင့်ကြည့်ခဲ့တယ်။ ဒါပေမဲ့လဲ ရာသီသိမ်းတော့ အဆင့် (၄) နဲ့ ပြီးဆုံးခဲ့ပါတယ်။
ဘွန်ဒတ်လီဂါကို တန်းတက်လာတာ သိပ်မကြာသေးပေမဲ့ တစ်ဖြည်းဖြည်းနဲ့ တက်ရိပ်ပြလာပုံတွေက အလျှင်အမြန်ပါပဲ။ ပထမ ကွန်းဖရန့်လိဂ်၊ နောက်တော့ ယူရိုပါလိဂ်၊ ခုတော့ ချန်ပီယံလိဂ်မှာ ရီးရဲလ်မက်ဒရစ်နဲ့ တစ်အုပ်စုထဲမှာ ရှိနေပါပြီ။ တစ်နှစ်ပြီး တစ်နှစ် အသင်းရဲ့ တိုးတက်လာပုံက ကြောက်ခမန်းလိလိပါပဲ။
ဒီလိုတွေ တိုးတက်လာအောင် သူတို့က ငွေသုံးကြမ်းလို့လား။ မဟုတ်ပါဘူး။ ထိပ်တန်း Key player တွေ ရှိနေလို့များလား။ ဒါလဲ မဟုတ်သေးပါဘူး။ သူတို့ရဲ့ အားဟာ ပရိတ်သတ်တွေဆီက လာတာပါ။ ပရိတ်သတ်အတွက် ဒီကစားသမားတွေက အစွမ်းကုန် ပေးဆပ်ခဲ့ကြတာပါ။
ယူနီယမ်ဘာလင်ရဲ့ သမိုင်းကြောင်းမှာ လှပတဲ့ ဇာတ်လမ်းတစ်ပုဒ်မက ရှိနေပါတယ်။ ၂၀၀၈ ခုနှစ်တုန်းက အသင်းရဲ့ကွင်းကို ပြုပြင်ဖို့ ဆောက်လုပ်ရေးလုပ်သားတစ်ဦးမှမပါဘဲ အသင်းပရိတ်သတ်တွေက နာရီပေါင်း ၁၄၀၀၀၀ ကြာ အခမဲ့ ဝိုင်းဝန်းတည်ဆောက်ပေးခဲ့ကြပါတယ်။ ဒီကွင်းကို ဆောက်လုပ်စဥ်တုန်းက ပါဝင်ခဲ့တဲ့ ပရိတ်သက်တွေဟာ အသင်းချစ်စိတ်တစ်ခုထဲနဲ့ သူတို့မကျွမ်းကျင်တဲ့ ဆောက်လုပ်ရေးလုပ်ငန်းကို လုပ်ခဲ့ကြတာပါ။
ချွေးစက်တင်ပဲလားဆိုတော့ အသင်း ဒေဝါလီခံရမဲ့ အရေးနဲ့ ကြုံတုန်းကလည်း ပရိတ်သတ်တွေက သွေးလှူပြီးငွေရှာကာ အသင်းဆက်လက်ရပ်တည်ရေးအတွက် သွေးစက်တွေနဲ့ တိုက်ပွဲဝင်ခဲ့ကြပါသေးတယ်။ အသင်းရဲ့ ပွဲစဉ်တိုင်းကိုလည်း ပွဲအစပွဲအဆုံး အမြဲတမ်း ပြည့်လျှံနေအောင် အေးပေးတက်ပါတယ်။သူတို့ ပရိတ်သတ်တွေ သံပြိုင်ဟစ်ကြွေးနေကြ အသံတစ်ခုရှိပါတယ်။
"Unsere liebe. Unsere mannschaft. Unser stolz. Unser verein."
“ငါတို့အချစ်၊ ငါတို့အသင်း၊ ငါတို့ရဲ့ဂုဏ်သိက္ခာ၊ ငါတို့ရဲ့ကလပ်”
1xbetမှာလောင်းချင်ရင်Telegram မှာလေ့လာပါ t.me/fftp100
