17/07/2017
Team Cintamani lagði land undir fót sl. fimmtudag og fóru vestur á Ísafjörð og Þingeyri til að taka þátt í Hlaupahátíð á Vestfjörðum 2017. Þessi hátíð hafði verið í huga okkar félaga síðan í fyrra sumar, þar sem allir sem við höfðum hitt töluðu svo vel um þessa hátíð og sér í lagi að hjólaleiðin væri alveg geggjuð. Það reyndist svo rétt hjá þeim að við sögðum við sjálfa okkur við endamark; VÁ! okkur langar aftur. Við vorum með fulltrúa í öllum greinum, þ.e. 500m sund, 55km fjallahjól og 24km hlaup. Það verður að segjast eins og er að okkur hafði sjaldan gengið betur og landaði Lúðvík okkar 2. sæti í þríþrautinni! Til hamingju með árangurinn, vinur.
