06/09/2026
کوئٹہ، 06 ستمبر 2026
وزیر اعلیٰ بلوچستان میر سرفراز بگٹی کا یومِ دفاع کے موقع پر پیغام
وزیر اعلیٰ بلوچستان میر سرفراز بگٹی نے یومِ دفاع کے موقع پر اپنے پیغام میں کہا ہے کہ 6 ستمبر ملکی تاریخ کا ایک ناقابلِ فراموش دن ہے۔ اس دن پاکستان کی مسلح افواج اور قوم نے وطن کے دفاع کے لیے اتحاد، عزم اور بہادری کی عظیم مثال قائم کی۔
انہوں نے یومِ دفاع کے موقع پر 1965 کی جنگ کے شہداء اور غازیوں کو خراجِ عقیدت پیش کرتے ہوئے کہا کہ شہداء کی قربانیاں ہمارے لیے مشعلِ راہ ہیں اور ان کی عظیم قربانیوں کو کبھی فراموش نہیں کیا جاسکتا۔
میر سرفراز بگٹی نے پاک فوج کے بہادر جوانوں کو خراجِ تحسین پیش کرتے ہوئے کہا کہ وطن کے دفاع کے لیے قوم اور افواجِ پاکستان متحد ہیں۔ پاکستان کی آزادی، خودمختاری اور سلامتی پر کوئی سمجھوتہ نہیں کیا جائے گا۔
وزیر اعلیٰ بلوچستان نے کہا کہ شہداء کے خاندان پوری قوم کے لیے قابلِ احترام ہیں، جنہوں نے وطن کے دفاع کے لیے اپنے پیاروں کی قربانیاں دیں۔ بلوچستان کے عوام بھی ملکی دفاع کے لیے ہمیشہ پرعزم رہے ہیں اور آئندہ بھی قومی سلامتی اور ملکی استحکام کے لیے اپنا کردار ادا کرتے رہیں گے۔
انہوں نے کہا کہ قومی اتحاد پاکستان کی سب سے بڑی طاقت ہے۔ ہمیں اپنے شہداء کی قربانیوں سے رہنمائی حاصل کرتے ہوئے ملک کی ترقی، خوشحالی، امن اور استحکام کے لیے متحد ہو کر کام کرنا ہوگا۔
وزیر اعلیٰ بلوچستان میر سرفراز بگٹی نے اس عزم کا اظہار کیا کہ پاکستان کی آزادی، خودمختاری اور سلامتی کا ہر قیمت پر دفاع کیا جائے گا۔
