27/08/2026
नेपालमा भएको प्राकृतिक विपत्तिप्रति गहिरो दुःख व्यक्त गर्दछौँ
नेपालमा हालै आएको प्राकृतिक विपत्तिका कारण भएको ठूलो मानवीय तथा भौतिक क्षतिप्रति नेपाल भलिबल क्लब हामबर्ग गहिरो दुःख व्यक्त गर्दछ।
यस दुःखद घटनामा ज्यान गुमाउनु भएका सम्पूर्ण दाजुभाइ तथा दिदीबहिनीहरूप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा हार्दिक समवेदना व्यक्त गर्दछौँ। बेपत्ता हुनुभएकाहरूको सकुशल उद्धार तथा घाइतेहरूको शीघ्र स्वास्थ्यलाभको कामना गर्दछौँ।
यस कठिन घडीमा देश–विदेशमा रहेका सम्पूर्ण नेपालीहरूलाई एकजुट भई प्रभावित परिवार तथा समुदायलाई आ–आफ्नो क्षमताअनुसार सक्दो सहयोग गर्न हार्दिक अपिल गर्दछौँ।
सरकार तथा सम्बन्धित निकायहरूलाई उद्धार, राहत र पुनर्स्थापनाका कार्यलाई अझ प्रभावकारी रूपमा अघि बढाउन हार्दिक अनुरोध गर्दछौँ।
विपद्मा परेका नेपालीहरूको दुःखमा साथ दिऔँ।
एकजुट बनौँ, सक्दो सहयोग गरौँ। 🙏🇳🇵
प्रेम कुमार सेरचन
अध्यक्ष
तथा
नेपाल भलिबल क्लब हामबर्ग
परिवार जर्मनी
