Was ist die Webseite?

ساخر رومانيستا

Startseite
Deutschland
Berlin
ساخر رومانيستا

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von ساخر رومانيستا, Sport, Berlin.

13/06/2026

من مساوئ هالمونديال انه مواعيد المباريات بتنلعب على مدى طويل يعني بتبدأ بمباراة مساء اليوم بتنتهي فجر اليوم التالي. يعني على مدى 12 ساعه بدك تقعد تحضر مباريات. واذا بده الواحد يحضر كل المباريات فلازم ينام صباحا ويستيقظ بالليل وهذا الشيء صعب خاصه الناس عندها اشغال واعمال.
بكل الاحوال انا بالنسبة إلي مارح اسهر للساعة ٤ كرمال مباراة السعودية و الرأس الأخضر أو هايتي و اسكوتلندا. لأنها مباريات لا ترقى لمستوى المونديال

بالدور الاول في مباريات رح تكون على مستوى عالي بس بتنعد عالأصابع
و هي المباريات اللي ممكن اخرص على متابعتها

المغرب البرازيل
هولندا اليابان
فرنسا السنغال
الأرجنتين الجزائر
انكلترة كرواتيا
اسكتلندة المغرب
النرويج السنغال
اسكتلندة البرازيل
النرويج فرنسا
أسبانيا الأوروغواي
كولومبيا البرتغال

13/06/2026

السبب الحقيقي للفوز الساحق لأميركا على باراغواي
كرة القدم و تكتيكاتها تتجاوز حدود المعشب الاخضر

12/06/2026

التوقع في كرة القدم شي مستحيل. حتى أبرز المحللين ما بقدرو يتوقعوا نتائج المباريات و لكن رح اتوقع حسب نظرتي للمنتخبات

الشي اللي بتوقعوا أول شي هو أن في فرق رح توصل للدور الثاني بدون ما تحقق أي فوز و يمكن بنقتطين بس

النرويج ممكن توصل ربع نهائي و حتى نصف نهائي
كولومبيا ربع نهائي ممكن
كوريا أو إيران لو خدمتهم الظروف ممكن يوصلو دور ال 16

منتخبات عرب أسيا كلهم رح يخرجوا من الدور الأول و في أفضل الظروف ممكن يتأهل واحد منهم
تونس غانا كوراساو الرأس الأخضر هايتي و "يمكن" مصر و استراليا
كلو عالبيت بعد الدور الأول

المجموعة الأولى
الأمور بلشت تتوضح بعد أول جولة
1- المكسيك
2- كوريا
3- التشيك (إذا فازت على جنوب إفريقيا)

المجموعة الثانية
قطر رح تكون الحصالة و بالتالي كل الفرق رح تجمع نقاط
سويسرا طبعاً كونها فريق متمرس و يشارك بشكل مستمر بالمونديال رح تتصدر. البوسنة و كندا رح يتنافسو عالتاني بس بتوقع التنين يتأهلوا
1- سويسرا
2- البوسنة
3- كندا

المجموعة الثالثة
اسكوتلندا منتخب صلب و قوي و ممكن ييعذب البرازيل و المغرب
إذا فاز على هايتي "و هو شي متوقع" سيتضمن بشكل كبير الذهاب للدور الثاني
1- البرازيل
2- المغرب
3- اسكوتلندا

المجموعة الرابعة
مجموعة متوازنة كتير و صعبة التوقع.
ما بظن المتصدر بهالمجموة يجمع أكتر من خمس نقط
ممكن يكون في كتير تعادلات بهالمجموعة
1- أميركا
2- تركيا
3- الباراغواي

المجموعة الخامسة
إذا ما صار شي غير منطقي هالمجموعة رح تنتهي هيك
1-ألمانيا
2-الإكوادور
3- ساحل العاج

المجموعة السادسة
الصدارة بين هولندا و اليابان
1- هولندا
2- اليابان
تونس و السويد برا إلا إذا فاز أحدهما على الآخر

المجموعة السابعة
1- بلجيكا
2- إيران
3- نيوزيلندا أو مصر
اتوقع إيران ثاني على حساب مصر و نيوزيلندا لأن لديهم خبرة في المونديال و لكن السفر و التوتر السياسي ممكن يكون عامل عكسي أو ممكن يعطي حافز
على العموم إيران و مصر و نيوزيلندا في نفس المستوى تقريباً

المجموعة الثامنة
أسبانيا طبعاً مرشحة و الأورغواي للوصافة
أسبانيا
الأوروغواي
السعودية و الراس الأخضر برا إلا إذا فاز أحدهما على الآخر

المجموعة التاسعة
اتوقع النرويج قادرة على أن تتصدر هالمجموعة. فرنسا عودتنا تبدأ دور المجموعات ببطئ و تفقد نقاط.
و لكن ممكن فرنسا تتصدر أيضاً بس خلينا نقول أنو النرويج رح تتصدر
1- النرويج
2- فرنسا
3- السنغال
العراق سيكون بوابة عبور للسنغال للدور الثاني

المجموعة العاشرة
مجموعة ليست بالسهلة على الأرجنتين كما يظن البعض
الجزائر منتخب قوي و سينافس الأرجنتين على الصدارة
النمسا ثالث
الأردن فريق محترم و لكن لا يمتلك الخبرة
1- الأرجنتين
2- الجزائر
3- النمسا

المجموعة الحادية عشرة
كولومبيا من أقوى فرق أميركا الجنوبية
بتوقع تتصدر على حساب البرتغال
1- كولومبيا
2- البرتغال
الكونغو و أوزبكستان بيتعادلو و بياخدو كل واحد نقطة و بيأحطوا
و لو فاز أحدهما على الآخر سيكون لديه فرصة للتأهل مع الثوالث شرط أن لا يتلقى أهداف كثيرة ضد كولومبيا و البرتغال

المجموعة الثانية عشرة
طبعاً إنكلترة المرشح للصدارة و بعدها كرواتيا وصيفة
1- انكلترة
2- كرواتيا
غانا و بنما عالمطار
و نفس الكلام ... لو فاز أحدهما على الآخر سيكون لديه حظوظ بالثوالث

12/06/2026

بعد نهاية مباريات المجموعة الاولى، حابب غير اسم هالمجموعة من المجموعة A ل " مجموعة الزبالة "

هالنوع من المجموعات غالباً بيتأهل منها ٣ فرق بسبب وجود فريق ضعيف بيكون حصالة
بس هالشي ممكن ما يصير لانو ممكن يكون في حصالتين ... لأنو منتخب التشيك سيء كمان

لولا النظام الجديد و زيادة الفرق ما بتحلم هيك منتخبات بالتاهل للمونديال و لكن هذا ما جناه علينا الفيفا و انفانطيزو.

حتى المكسيك زبالة. ما تفكروهم فريق قوي ... بس كانوا محظوظين بالهدف الاول (هدية من المدافع و حارس تاني كان ممكن يتصدى للتسديدة) و بعدين بطرد لاعب جنوب أفريقيا. و لولا هالشي كانت المكسيك رح تعاني. بالنهاية المكسيك فازت لان جنوب إفريقيا فريق سيء و ارتكب اخطاء بدائية

كوريا الجنوبية قدمت افضل أداء بهالمجموعة. و فوزها على جنوب إفريقيا رح يخليها الاقرب للحصول على صدارة المجموعة

12/06/2026

بدك تعرف المستوى الخرا اللي وصلنالو؟

تخيلو مالديني أو باجيو أو كيليني عم يعملوا هيك فيديو

09/06/2026

عاجل
انسحاب السنغال من المونديال بسبب لمسة يد

28/05/2026

عاجل: كرستيانو رونالد يتعرض لإصابة ستبعده عن الملاعب ل ٣ أشهر بعد تدخل من خشن مينديس في التدريبات.
ماذا لو حدثت؟ 😅

24/05/2026

بعد التعادل مع اليوفي و نابولي و الخسارة من جنوى و كومو الكل صار يهاجم غاسبيريني و انا شخصياً كنت محبط و خاصة بعد الخسارة الظالمة ضد كومو.
باستثناء مباراة جنوى نحنا ما كنا بنستاهل نخسر من كومو و كنا بنستاهل الفوز ضد نابولي و اليوفنتوس.
و لهيك أنا كنت مع غاسبيريني لأنو معو شفت روما أفضل من السنوات الماضية. شفت فريق عم يدخل ضد اليوفنتوس و ميلان و يمسك اللعب و يهاجم ... شفت فريق عم يلعب بملعب نابولي و كأنه في الأولمبيكو.

حتى لما رانييري اتولدن و عمل مشكلة أنا كنت بصف غاسبيريني (مع كل الحب و التقدير لرانييري).

و الحمدلله هالمدرب ما خيبني و رجعنا للأبطال من أول موسم

العودة للأبطال بالنسبة إلي أهم من دوري المؤتمر اللي جابو مورينهو و حتى أهم من اليوروبا ليغ.

أنا من يوم وعيت على روما في آواخر التسعينيات و روما نادراً ما تغيب عن الأبطال ... من موسم 2001-2002 ل 2018 و نحنا متواجدين في هالبطولة (مع بعض الغيابات)
أنك تلعب مع الريال و البارسا و اليونايتد و البايرن و ليفربول و تشيلسي و أرسنال عندي اهم من الفوز على فرق الصف الثاني و تحقيقي بطولات ضعيفة لأن روما مكانها بين الكبار.

Adresse

Berlin

Webseite

http://www.zaher-football.net/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von ساخر رومانيستا erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.