03/06/2021
# ركز وياي
- دا اكل طن تمن بس مدا اضخم 😅
- اخذت هرمون وماشفت تغيير 🤨
- اخذت ٣ اقلام كروث طلع كلاوات
- صارلي ٥ اشهر اتمرن ماشفت تغيير
- العقم مخوفني واريد اشتري دبه بروتين شلون
حتى توصل للاجسام الي تشوفهة بالنت او مستويات ابطال لازم تصبر لان انت دتبني عضلات وتزيد الخلايا العضليه وتحفزهة على النمو وهذا الشي اكيد يحتاح وقت واستمرار يعني ماكو اتمرن بالعطله مال دوام ٣ اشهر وتريد تترك ٧ اشهر وتبقه نفس الحجم 😅
ولا اكو ابره تجكهة وبسنه تصير بطل جان كل العراقيين جكوهة وصاروا ابطال وبعد لا اكو كرش ولا اكو واحد ضعيف 🤐
❌ تتمرن وبالك يم صاحبتك وعاض واير السماعه وتصيح ماستفاديت من التمرين 😅
✅ اذا تريد تعرف انه تمرينك صح ودتستفاد منه لازم العضله الي دتتمرنهة تحسهة تتمزق بالتمرين.
- كابتن اني آكل هواي بس ماكو تطور ووزني وحجمي نفسه ؟
📍 انت تتريك ب٨ وتطلع للدوام تاكل مخلمه وياها نص صمونه ب١٢ وتتغده ب٣ باميا وطن تمن 😒
- كابتن اني وصاحبي نفس التمرين ونفس الاكل بس هو ديصير اضخم مني ؟
✅ السبب انه الاجسام مختلفه ١٠٠% يعني صاحبك ياكل بيتزا وجسمه ناشف ومقسم وانت اذا تاكل نستله تبتلي ع عمرك ف لا تضوج وتكول اني ماصير لا بالعكس خلي غذائك نضيف وفكر انه تطور نفسك كل شهر بهاي الطريقه.
100كيلو صاحبك يدفع وانت 10 عادي 👇
✅ ركز زين ويايه
- لعبتنا اسمهه بناء الاجسام وليس رفع الاثقال يعني نستخدم بيهة العقل اكثر من القوه البدنيه لذلك اذا اوزانك اقل من صاحبك بس دتحس بالتمزق العضلي اثناء التمرين او الاحتراق ف انت بالسليم استمر 👍
البروتين اكيد مراح يخليك تبني عضلات صح مثل اللحم والسمج والدجاج 😒
البروتين مو سحر بس مجرد وسيله تساعدك بتغذية العضلات بشكل افضل واسرع وبدون الغذاء المتكامل ولا شي تسوي
- كابتن اني اتمرن كتف او تراي او اي عضله بس ماحس بيهة تشتغل صح؟ ✅ اعلمك شغله .. العضله الي عندك بيهة هيج مشكله سوي اول سيت دفعات مفتوحه ♠️ بوزن خفيف جدا الى ان تحس العضله صار بيهة بمب رهييييب 📍📍📍 وراها ابدي 👍
