FC Schönbühl

Startseite
Schweiz
Schönbühl
FC Schönbühl

FC Schönbühl
1. Mannschaft: 2. Liga
2. Mannschaft: 3. Liga
3. Mannschaft: 5. Liga
Juniorenbereich: Gegründet wurde die FCS-Familie am 30.07.1932

17/09/2026

⚽️ Gemeinsam für unser Kunstrasenprojekt!

Unser Kunstrasenprojekt nimmt Fahrt auf – und dafür brauchen wir eure Unterstützung! 🙌

Kaufe jetzt deine eigene Rasen-Parzelle und werde Teil des Projekts. Jede Parzelle zählt und hilft uns, unseren Traum vom neuen Kunstrasen zu verwirklichen ❤️🖤

29/07/2026

Wird e bsundere Teil vom FCS und unterstütz üses Kunstraseprojekt mitere Parzelle.

Meh Infos uf www.kunstrasen.fcschoenbuehl.ch 🫱🏼‍🫲🏽

Hopp FCS ❤️🖤

10/07/2026

Lust ufne nöii Erfahrig und gäbigs Sackgeld? De mäud di iz 🫱🏼‍🫲🏽

26/04/2026

Guet kämpft, starchi Teamleistig u top Chance – nur z Glück het ni uf dr Sitte vo Schönbüu wöue stah. Bis id Haubzyt trotzt üses 1 gäge Tabellefüehrer wo mitere starche Verteidigung glänzt. Nach dr Pouse isch e Moment lang nüm glich viu Power drinn gsi, was nach knapp 5 Minute o bestraft isch worde mitm 1:0. Ide letschte 10 Minute gits Chance um Chance uf üsere Sitte, bis bimne Konter üse Goalie unglücklecherwis dr Bau usserhaub vom 16er verwütscht u dr Räphu Ruch mues übernä 🧤E Punkt heinä wär verdient gsi, het aber äuä nid söue si.
Nächst Wuche simer endlech wieder dehei, gäge FC Tavannes - sit drbi! 🫱🏼‍🫲🏽

Ds Zwöi gwinnt gäge SC Wohlensee usswärts mit 3:4 🥳 Ds Drü verderbt mitemne 1:1 am Leader SC Hollige d Luhne 💪🏼

Allez Schönbüu ❤️🖤

03/04/2026

D Häng vom Match letscht Samsti gäge FC Diaspora si so ihgfrohre gsi, dases gar ke Endresultat-Post het gä. Excüse! Schönbüu het sech aber tapfer gschlage i Wind u Wetter u zmingst e Punkt chönne daheim phaute!

Leider heisi aber o es paar gäubi Charte chönne sammle u si darum dä Donsti mit reduziertem Kader uf Court zum Birse Football Club.

Mitemne Troumgou vom Georgie simer i Füehrig - leider aber gli drufabe nurno z‘ 10. ufem Platz gsi. Birse het spürbar wöue dran blibe u bis zum 3:3 immer wieder möge usgliche. Schliesslech landet dr Bau ir Nachspiuzyt no es letschts mau sehr offensiv ufgsteut im fausche Gou. Chas gä.

⚽️ Torschütze FCS:
5‘ Simu (Georgie) Aeberhard
37‘ Rafael Zahnd
70‘ Yannick Portmann

Mir wünsche aune gueti Erholig übers freie Wucheend. Am 11.04. geits de gäge Val Terbi ufm Moos witter 🫱🏼‍🫲🏽

Ds zwöi het gäge NK Tomislavgrad 3:2 gwunne und blibt Tabellefüehrer. 💪🏼 Bi ihne geits de scho am Zistig gäge FC Goldstern wieder witter.

Morn fröit sech z Drü usswerts am 14:00 Uhr z Thörishaus uf öichi Unterstützig. Sit derbi! 🤞🏼

Hopp Schönbüu! ❤️🖤

24/03/2026

Leider isch am Sunti dr Uftakt id Rückrundi in Porrentruy nid glunge wie usgmaut. Früeh am Morge het sech üses Eis gmeinsam mit paarne Fans mitm Car uf die längi Ahreis begäh. Am 10:15 sisi darum o gad chli überrumplet worde vom wache Gägner: nach 17 Minute isch dr Bau scho zwöi Mau im fausche Netz glandet.
Obwou Schönbüu ner dütlech ufdräit het, hets nümm glängt für de Match z‘chere.

Umso wichtiger isches füre z luege: mir si motiviert füre erst Heimmatch nöchst Samsti am 16:00 Uhr gäge FC Diaspora! ⚽️
Sit derbi, gäbet Energie und gniesset wi immer zum Uftakt nach dr Winterpouse e offerierti Bratwurst!

Üses zwöi ar Tabellespitze het Fröid weder scho am 13:00 ufs Moos chömet. Bi ihne startet d Rückrundi gäge FC Goldstern. 🚀

Und blibet doch de gad no ufe letscht Match a dem Heimsamstig. Ds Spiu vom Drü gäge SC Ittige wird am 19:00 Uhr ufem Sand West ahpfiffe!

Hopp FCS – Ufne starchi Rückrundi ❤️🖤

08/02/2026

Dr FCS het e nöie Sponsor!

Mit voller Freud präsentiere mir e wichtigi Verstärkig für üsi FC Schönbühl-Familie: 🛠️💧

D Firma us dr Region isch e Profi für Kanal- und Rohrreinigunge, Tankrevisione, Boiler-Entkalkige und meh – und s Team isch persönlich, kompetent und immer parat, wenn’s brennt. 💪 Dank ihrere langjährige Erfahrig und ere kundenöcher Arbeitswiis stöh si für Qualität und Zuverlässigkeit i aune Ufgabe.

Mir bedanke üs herzlech fürs Engagement! ⚽🤝

🌐 www.walterstucki.ch

15/01/2026

Der Shoppyland Cup in Moosseedorf hat am Wochenende richtig Stimmung gemacht 🎉⚽
Ein riesiges Dankeschön an alle Teams, Coaches, Helferinnen und Helfer und natürlich an das fantastische Publikum 🙌
Ihr habt den Event zu etwas ganz Besonderem gemacht.

27/11/2025

Bisch drbi? 🍀🤩

26/10/2025

Üses 1 isch zrügg uf Kurs u het d Abwärtsspirale gäge FC Azzurri Bienne chönne durchbreche. Räge u wind heisi trotzet u gad 4 mau hets wieder uf dr richtige Sitte Gou gä.

⚽️Torschütze FCS:
11‘ Dimitri Wolf
32‘ & 49‘ Drin Budakova
41‘ Joel Costa

Nächst Samsti wartet no ds letschte Spiu vor Vorrundi - usswärts in Courroux zeue mir uf öich 🤝

Ds Zwöi het ufgrund vom Wätter z Terrain tuschet und isch zum FC Goldstern ufe Kunstrase go schutte. Leider verlüre si 0:1. Trotzdem darf me ihne zum Wintermeister gratuliere 🤩

Ar 3. Mannschaft ischs leider nid gad rund glüffe gäge d Tabelleahfüehrer. 5:1 isch ihres Endresultat uswärts gäge SC Ittige.

Hopp Schönbüu ❤️🖤

Adresse

Postfach 250
Schönbühl
3322

Webseite

http://www.fcschoenbuehl.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von FC Schönbühl erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.