Houli-Mouli

Unseri Gschicht und was mir mache
·
Mir sind e Wageclique us Ettige. Uns gits sit em Joor 2005 und sither mache mr jedes Joor mit grossem Isatz und grosser Freud Fasnacht in unserem Heimatdorf. Mir hens unter em Joor bim Baue und natürlig an de Fasnachtsdääg immer super zämme. Dr Name Houli-Mouli, wo biz exotisch isch, isch ufgrund vom Film "Der Dritte Frühling" entstande. Dört wird immer wider dr Usdruck "Holy-Moly" verwendet, was sovill bedüted wie "heilige BimBam". Mir hend dänggt dass passt super zu uns, hen das Ganze biz idütscht und so isch unsere Cliquename entstand. Au mir hen natürlig immer drmits kämpfe neui Mitglieder zfinde und au zhalte. Do d'Fasnacht nit erst am Schmutzige Donnstig afoht, sondern übers Ganze Joor zdue git und scho im Herbst foht dr Wagebau a. Nichts desto trotz, sin mir alli mit Härzbluet drbi und freue uns öbbis für unsers Dorf chöne mache und dä Lüt e Freud zmache! Mir läbe do ganz nach dem Mott: Lieber Qualität statt Quantität. Mitglieder:
Pascal (Meury): Gründigsmitglied und Präsi vom ganze Huffe
Marco (Limi): Drbi sit 2008. Unsere Chefkoch und Hälfer bi allem
Fabian (Schindi): Drbi sit 2008. Unsere Baumeister
Dr Rafi isch meischt zudäm unsere flissige Fahrer

Passivmitgliedschaft:
Ohni unsere Passivmitglieder würds au unseri Fasnachtsclique nit geh, dorum vorab: Dangge allne bisherige Passive für die riese Unterstützig. Willsch au du uns unterstütze und Passivmitglied werde denn meld die doch via Kontakt mit Name und Adresse bi uns, mir freue uns über jedi Unterstüzig. Koschte Passivi:
CHF 15.- / Joor für Einzelmitlieder
CHF 25.- / Joor für Familie

Das krieget ihr:
S'Guete Gwüsse e tolli Sach zunterstütze ;-)
Jedes Joor vor dr Fasnacht e Infoflyer mit wichtige Infos rund um d'Fasnacht
Nachm Umzug e Apéro uf unserem Wage
Alli zwei Joor e Iladig für unsere Passivmitgliederaalass (Bsp. Fondueplasuch, Grillplausch)
Bi Interesse eifach e Mitglied aspreche oder via [email protected] melde.