15/03/2026
Gester het s 2. Biosphäre Dart-Turnier im üsem einzigartige Dartslokau stattgnunde. Z Turnier isch mit 30 Teilnämendi vou gsi und hei ä gmüetlichi Gruppephase ka. 🎯🎯🎯 Dr Modus vo de Gruppephase isch spezieller gsi, aus bi mene Reguläre Turnier vo üs. Aui Teilnämendi si ih 3-er Gruppene usgloset worde, wo immer öper gschribe het und 2 Teilnämer äs 501 Dobbel Out gspöut hei. Me het ändwäder mit 2:0 chönne gwinne oder äs 1:1 chöne unentschide spiele. Die Uslosig hei mir gsammthaft 3 mau gspöut. 🎯🎯🎯 Nach de Gruppephase si die Beste 16 is A-Turnier und die Räschtliche 14 Teilnämer is B-Turnier cho. Da es äs Turnier isch, wo für aui Spielernivaus isch, hets nach de Gruppephase no ä Pris für de Spieler mit de meiste 26er und für de Letschtplazierte gä🎯🎯🎯 Ih de K.O Phase vo de A- und B-Turnier hei im Haubfinau Habegger Adrian (Steel Dart Aaretal) gäge Christen Patrick (Trippe Wings Schüpfheim) 1️⃣:4️⃣, Groppe Tobi gäge Wallimann Réne 4️⃣:1️⃣, Felder Jamie (Steel Dart Amt Entlebuch) gäge Schenk Florina (Steel Dart Team Emmental und Steel Dart Amt Entlebuch) 1️⃣:2️⃣ und Heimann Andreas gäge Limacher Remo 2️⃣:0️⃣ gsöput. 🎯🎯🎯 im Finau vom B-Turnier hei sich Schenk Florina und Heimann Andreas um de chline Pokau kämpft. D Stimmig isch sehr on fier gsi und de Heimann Andreas het de Finau vom B-Turnier mit 3️⃣:1️⃣ gwunne. Im Finau vom A-Turnier hei sich Christen Patrick und Groppe Tobi ä Fight um de grosse Pokau gä. D Stimmig isch sehr Konzentriert gsi uf de Schüpfer, wo gföut jedesmau bi üs obe äs Turnier domminiert (😉) und het z Finau mit nem klare 5️⃣:1️⃣ gwunne. 🎯🎯🎯 Es het üs ä riise fröid gmach, weder so vöu begeisterti Dartsfründe bi üs dörfe Willkome heise ond fröie üs scho ufs nächste mau🎯🎯🎯
Teilnemer v.l.n.r: Felder Jamie (B, 3. Plaziert), Schenk Florina (B, 2. Plaziert), Heimann Andreas (B, Sieger), Christen Patrick (A, Sieger), Groppe Tobi (A, 2. Plaziert) und Habegger Adrian (A, 3. Plaziert)
