FC NL-Tuning 2

Startseite
Schweiz
Basel
FC NL-Tuning 2

My drinking club has a football problem... Wir sind eine junge, aufstrebende Mannschaft im Firmensport Basel.

Uns ist es wichtig, dass der Spass nicht zu kurz kommt und Hersteller diverser Biersorten nicht den Konkurs befürchten müssen. Unser Trainer betet vor jedem Spiel für genügend gesunde Spieler. Aber gemäss Rückmeldungen unserer treuen Fans macht es doch Spass uns beim "spielen" zu zusehen.

20/08/2019

Nachdäm mir uns letscht Saison uf Rückrundi zruggzoge händ, sind mir geschter erfolgrich in die neu Saison gstartet.

Dank neue Spieler und viel Training händ mir die geschtrigi Partie gege SC IWB mit 3:2 könne gwünne.

Trotz zweimaligem Ruckstand händ mir dr Siegesträffer Sekunde vor Schluss erzielt

Mir freue uns uf dr räscht vo dr Saison und erhole uns zerst vom gestrige Spiel

30/06/2018

Nacheme erfolgriche Schlussspiel gege Novartis 2 und em Fairplay Priis Serie B, verabschiede mir uns ind Summerpause.

Mir wünsche allne e tolle Summer und no e spannendi WM.

05/05/2018

Gester händ mir ds zweite Spiel vo dr Rückrundi bestrite. Nachere 2:0 Niederlag im erste Spiele ischs gester gege dr Tabällezweit SC IWB gange. Nachdäm mir nid guet in Match gstartet sind ischs zur Halbzit 0:3 gstande. Au dr Start in die zweit Hälfti isch isch uns nid glückt und so sind mir denn 0:4 in Rückstand grote. Im Aschluss händ mir uns aber massiv gsteigeret und sind nach Goals dure Nicola und Dani uf 2:4 ahnecho. In dr Schlussphase sind denn no uf beidne Site Goals gfalle und somit isch dr Match mit 3:5 vrlore gange. Mir chönne aber sehr positiv uf dä Match, speziell uf die 2. Halbzit zruck luege und probiere an dere Leischtig nechst Wuche gege Tetova azknüpfe.

22/10/2017

Mit tolle Neuigkeite starte mir e neue Versuech mit unserer Facebook Site. Am Donnstig händ mir uns dankeme Sieg gege FC CABB für die dritti Rundi im Cup qualifiziert! Au in dr Meischterschaft sind mir mit zwei Sieg sehr erfolgrich gstartet und hoffe nach zwei aschliessende Niederlage am Ziestig gege SC Novartis 2 die nechste 3 Pünkt chönne ds hole!

24/12/2014

Liebi Mitglieder

Mir wünsche euch allne frohi Feschtdaag, e guete Rutsch und e erfolgriiche Start ins 2015!

Eure Vorstand

20/03/2014

Liebi Supporter

Nachdems do lang sehr ruehig gsi isch um uns, sinmr gester in d Rüggrundi gstartet.
Mr hän s erste Spiil gege SC Gesundheitsdepartement gha. Das wieder uswärts ufm Pfaffeholz.
Nachere Startphase wo me sich gegesiitig abtastet het und me het chöne s Gfühl ha s gäbi e Nichtaagriffspakt, simer immer besser ins Spiil cho und hän uns einigi Chance erarbeitet, ohni selber in Bedrängnis zgrote. Leider hämer keini drvo chöne nutze und so ischs zur Halbzyt immerno 0:0 gstande.
In der zweite Hälfti isch dr Gegner besser ins Spiil cho und s isch hektischer wie au härter worde. Dr Marcel het denn aber eine vode Freistöös us beträchtlicher Entfernig und doch nid idealem Winggel versenggt. Da dr Gegner personell nid guet ufgstellt gsi isch hämer sini schwindendi Kondition denn chöne nutze und s 1:0 über Zyt bringe.

Unser nächsts Spiil findet am näggste Mäntig, dr 24. ufm Buschwiilerhof gege SC Erziehigsdepartement statt. Wär cool wenn sich e paar dört hii verirre würde.

Viile Dangg für euri Ufmerggsamkeit.

16/09/2013

Liebi Supporter

An dere Stelle nomol dr Hiiwiis uf unsere Match hüt Zobe 20:45 ufm Pfaffeholz gege dr SC Universitätsspital. Mr wurde uns sehr freue wenn uns e paar chämte cho unterstütze!

13/09/2013

Liebi Supporter

UPS unseri FB-Page isch vrgesse gange in letzter Zyt. Sorry für die fehlende Infos...

S sin jetzt amel sämtlichi Spiilbricht vode bisherige Spiil uf unserer Website veröffentlicht. Wiiter hämer dört au e neus "Feature" und zwar die "aktuell" Tabälle. Die wird möglichst regelmässig ufe neuste Stand brocht und git e Überbligg über s Gscheh, ohni dasme ufdr Webiste vom Verband au no muess go sueche. Gönd doch efach wiedermol bi www.fc-nlt2.ch verby und luegeds aa. ;)

Denn nomol e Info für all unseri Supporter dört usse: Am Mäntig 16.09.2013 findet zobe 20:45 unser näggst Spiil statt. Mr treffe ufm Pfaffeholz uf SC Universitätsspital. Wär cool wenn mr euri Unterstützig kriege chönte.

Zum Schluss no e Wort an unseri Spiiler wo das lese: Bitte registriered euch im Forum mit eurer Mail-Adresse womer kenne. Für unseri Fans bestoht au d Möglichkeit sich z registriere, schriibe efach m Lukas Brechbühl e Message damiter euch aktiviert.

Viile Dangg für euri Ufmerggsamkeit ;)

07/06/2013

Liebi Supporter

Morn zobe am 5i hän mir unser letzts Spiil vodr Saison 12/13! Mir treffe in Rhynach ufm Sportplatz Fiechten uf dr FC Caipiranha. S wär toll wenn sich e paar würde zu uns gselle!

Da das unser letzts Spiil isch werde mir im Aaschluss no zsäme go uf unsri ersti Saison aastosse. Do wär dr Treff so ab de 8i / halb 9i im Pickwick's! Im Gegesatz zur Fiir vom FCB freut sich dr FC NL-Tuning 2 druf mit sine Fans dörfe aazstosse und z fiire! Mir zeige uns nid ufeme Balkon und mir erwarte weder e volle Barfi no Faggle und ähnlichs, au gits kai Fürwergg, aber drfür isch jede Fan bidr Mannschaft ;)

03/06/2013

Liebi Supporter

Hüt zobe startet unser vorletzts Spiil die Saison am Viertel ab 8i z Rhyfelde ufm Schiffacker gege SC Feldschlösschen. S isch das s Nochtragsspiil vodr witterigsbedingte Absag vorletzt Wuche.

Mir freue uns über jede Fan wo sich entschliesst uns cho unterstütze und gniesse die letzte Runde no.

31/05/2013

Liebi Supporter

Für alli fuessballfanatische Hobbyschwimmer hämer morn nebem FCB-Match none wiitere Vorschlag: unsre Match gege FC Servi-Medical am 1 ufm Joggeli!
Wie immer freue mr uns über jede Support und über jede wo sich (im Neopren-Aazug?) ins Joggeli vrirrt!

27/05/2013

Liebi Supporter

Nachm witterigsbedingte Usfall vom Match letzt Donstig, findet hüt unser näggsts Spiil statt. Gemäss Spiko am halb 9i, gemäss offizielle Aagobe vo football.ch am viertel vor 9i schutte mer ufm Pfaffeholz gege SC Universitätsspital.

Wie immer simer froh um jedi Unterstützig womer kriege und freue uns über jede Fan wo chunt cho dr Match luege.

Adresse

Landauerstrasse 42
Basel
4058

Webseite

http://www.facebook.com/FCNLT, http://www.fc-nlt2.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von FC NL-Tuning 2 erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.