28/08/2026
🙏 रसुवा बाढीपीडितका लागि सहारा क्लबको सहयोग 🇳🇵
बागलुङको जैमिनी नगरपालिका–१, कुश्मीसेरामा रहेको सहारा क्लबले रसुवामा आएको विनाशकारी बाढीबाट प्रभावित तथा पीडित परिवारहरूको राहत र उद्धारका लागि प्रधानमन्त्री दैवी प्रकोप उद्धार कोषमा रु. ५०,१११ (पचास हजार एक सय एघार रुपैयाँ) सहयोग गर्ने निर्णय गरेको छ।
रसुवामा आएको बाढीका कारण ज्यान गुमाउनुहुने सम्पूर्णप्रति हार्दिक श्रद्धाञ्जली तथा शोकसन्तप्त परिवारजनमा गहिरो समवेदना व्यक्त गर्दछौँ। साथै बेपत्ता हुनुभएकाहरूको सकुशल उद्धार तथा प्रभावित परिवारहरूको सुरक्षित पुनर्स्थापनाको कामना गर्दछौँ। 🙏
🏦 हाल बैंक बन्द रहेकाले बैंक खुलेलगत्तै रु. ५०,१११ को चेक प्रधानमन्त्री दैवी प्रकोप उद्धार कोषमा जम्मा गरिनेछ।
विपत्तिको यस कठिन समयमा बाढीपीडित दाजुभाइ तथा दिदीबहिनीहरूसँग सहारा क्लबको ऐक्यबद्धता छ। राहत तथा पुनर्स्थापनाका लागि सबैले आ–आफ्नो क्षमता अनुसार सहयोग र सहकार्य गरौँ।
— सहारा क्लब, कुश्मीसेरा, बागलुङ
#सहारा_क्लब #कुश्मीसेरा #जैमिनी #बागलुङ #रसुवा_बाढी #रसुवा_बाढीपीडित #प्रधानमन्त्री_दैवी_प्रकोप_उद्धार_कोष #विपत्तिमा_सहयोग #मानवता #एकतामा_शक्ति
