19/06/2026
हर्क साम्पाङको लाइसेन्सबारे अनुसन्धान जारी, अहिलेसम्म प्रमाण फेला परेन
दुई साताअघि मोटरसाइकल दुर्घटनामा परेका प्रतिनिधिसभा सदस्य तथा श्रम संस्कृति पार्टीका अध्यक्ष हर्क साम्पाङको सवारी चालक अनुमतिपत्र (लाइसेन्स) भए/नभएको विषयमा प्रहरीले अनुसन्धान गरिरहेको छ। कोशी प्रदेशस्तरीय राजमार्ग सुरक्षा तथा ट्राफिक व्यवस्थापन कार्यालय, इटहरीका अनुसार हालसम्म उनको लाइसेन्स भएको प्रमाण फेला परेको छैन। यातायात कार्यालयको डिजिटल रेकर्डमा पनि विवरण नभेटिएको र पुराना कागजी अभिलेख आगलागीमा नष्ट भएकाले थप अनुसन्धान भइरहेको प्रहरीले जनाएको छ। लाइसेन्स नभएको पुष्टि भए कानुनअनुसार जरिवाना गरिने बताइएको छ। साम्पाङ हेल्मेटबिना मोटरसाइकल चलाउँदा दुर्घटनामा परेका थिए र ट्राफिक नियम उल्लंघनसम्बन्धी जरिवानाको प्रक्रिया पनि अघि बढाइएको छ।
