09/07/2026
លោកគ្រូបាល់ទាត់ លាស់ សាលាខាន់ បានមកមើលទំពាំងស្នងឬស្សីកីឡាករក្មេងៗរបស់ក្រុម បាយ័នយូណាយធីត ដែលបង្កើតឡើងដោយសមាគមកីឡាខ្មែរកាណាដា ធ្វើការហ្វឹកហាត់រៀងរាល់ថ្ងៃសៅរ៍ នាទីក្រុងម៉ុងរេអាល់ ខេត្តកេបិក ប្រទេសកាណាដា។
លោកគ្រូបានមានប្រសាសន៍ថា ពិតជាគួរអោយកោតសរសើរដល់សមាគមកីឡាខ្មែរកាណាដា ដែលបានបើកវគ្គហ្វឹកហាត់កីឡាករក្មេងៗ អោយលេងបាល់ទាត់ ចៀសវាងនៅផ្ទះលេងតែហ្គេមនិងទូរស័ព្ទ។
លោកក៏បានបន្ថែមថា សមាគមគួរបន្តនូវសកម្មភាពនេះបន្តទៅមុខទៀតអោយបានយូរអង្វែង ក្រែងថ្ងៃណាមួយ ទំពាំងស្នងឬស្សីនេះ អាចក្លាយខ្លួនជាកីឡាករជម្រើសជាតិខ្មែរនៅថ្ងៃណាមួយក៏ថាបានដែរ។
តើមាននរណាខ្លះនៅចាំគាត់ ឬក៏ស្គាល់គាត់ដែរ?
ថតរូបទុកជាអនុស្សាវរីយ៍៚
