17/11/2022
E ta costabo hopi, pa haci ehercicio of un deporte? E problema por ta cu tur dia bo ta bisa: Awe NO, MAÑAN SI! Y e dianan ta pasa y bo motivacion pa train, pa bin gym, pa bay sport ta wordo lubida mas cu e videonan VHS!
Si bo ta lesando ainda, e ta un bon indicacion: bo ta sigui ehercita bo mente y bo wowonan pa informa bo mes! No ta tur cos ta perdi!
Bo a yega di tende e frase di Picasso: "Ora cu inspiracion yega, lage hayami trahando" («cuando la inspiración llegue, que me pille trabajando».) Y si nos aplica esaki na e practica di haci ehercicio? No laga cu ora inspiracion yega, bo no ta prepara! Bo mester ta cla pa probecha di e momento y e impulso! Den otro palabra, prepara bo mes, percura pa bo tin bo fitness wear, bo kedsnan, bo meanan, bo co'i cabey, bo serbete, bo botter di awa, tur cos prepara. Sin nan, hamas lo bo cuminsa train.
Ora ta trata di haya motivacion pa train, e orarionan pa haci ehercicio ta vital. Cada persona ta diferente den su ritmo biologico y no ta existi un pauta unico cu ta aplicabel pa tur hende. PEROOO: Reflexiona riba esaki: Si bo obliga bo mes pa haci ehercicio na prome ora di dia mainta, bo just tin cu lanta y lo bo tin menos tempo pa crea un excuus. Si bo lage pa final di dia siguramente lo bo haya un bon hustificacion pa hala esaki pa despues, PA MAÑAN, creando un sin fin di excuus pakico no bay train! E principal: MI TA CANSA! Mi ta bay mañan!
Por lo tanto, si bo lanta marduga y bo ta lanta unicamemte pa esey, e chens ta minimo pa bo give up! Unless, bo zwaai bo wekker/cellular contra muraya ora e zona! Quick tip: Pone bo wekker otro banda den bo kamber cu lo obligabo lanta for di bo cama pa bay page. Una ves bo a lanta, y cana, bo chens ta mas grandi pa sigui e feeling di motivacion: MI TA BAY GYM AWE!
Bo ta sigui puntra bo mes con pa recupera motivacion pa train? Wel, ban cu e terapia di shock! Esakinan por ta e motibonan principal, traduci den un lenguahe cu por impacta nos tur:
"Bo ta subiendo di peso"
Si bo sigui asina, ta bay yega un momento cu kidsas bo lo no reconoce bo mas, y e ora, e por bira hopi mas duro.
"Bo ta birando mas bieuw prome cu ora"
Y no solamente den bo aspecto comodo y pasivo, tambe den bo actitud! Na spaño nan ta bisa ¡No seas viejuno, date vida!
"Bo ta GANA SALUD!"
Vooral den terminonan di presion arterial y mobilidad.
"Combati cancer" Segun un estudio di Jama Internal Medicine, haci deporte ta reduci e riesgo di te hasta 3 tipo di cancer.
Bo mester MAS motivacion pa bin gym?
"Potencialisa bo celebro" Actividad fisico ta stop e aparicion di enfermedadnan neorodegenerativo.
"Lo bo sintibo bon" Lo bo haya confiansa y autoestima, aunke aworaki sinta riba bo sofa bo no ta kere esey.
"Lo bo ta mas productivo na trabou" Mi ta sigur cu bo lo balora esaki hopi si bo ta self employed! Di cualkier forma, sinti bo mes cu energia, na trabou, ta un pluspunt!
Asina ta cu:
FIND YOUR REASON!
HAYA BO MOTIBO!
BIN GYM!
Like💓 | Save 📌 | Share 👭🏼 | Let's Do This✔️
Tur dia di siman tin training den grupo chikito:
5:00am + 6:00am
8:00am + 9:00am
4:30pm + 5:30pm + 6:30pm
Inscribi akinan:
www.perfectmearuba.com
