29/08/2022
𝑼𝒏 𝑹𝒖𝒎𝒃𝒐 𝒏𝒐𝒃𝒐 𝒑𝒂 𝑺𝒑𝒐𝒓𝒕 𝑪𝒂𝒓𝒊𝒃𝒆 𝑨𝒓𝒖𝒃𝒂
𝑳𝒐 𝒃𝒂𝒚 𝒆𝒏𝒇𝒐𝒄𝒂 𝒓𝒊𝒃𝒂 𝒆 𝒎𝒆𝒓𝒄𝒂𝒅𝒐 𝒅𝒊 “𝑳𝒂𝒘 𝑬𝒏𝒇𝒐𝒓𝒄𝒆𝒎𝒆𝒏𝒕”
Sport Caribe sigur ta un nomber reconoci riba nos isla como un proveedor di gran calidad di sapato, paña y mucho mas den e ramo deportivo.
Cu su inicio mas cu 50 aña pasa, awendia no tin un generacion cu no conoce Sport Caribe, antes Sportshop Antiliano.
Tur cos a cuminsa cu e baluarte di deporte Sr. Harry Janssen, cu despues di cay enamora cu Aruba, a dicidi di establece su mes akinan y habri e Sportshop cu e marca renombra adidas. Awo su yiu Monique Janssen ta sigi cu su legado y asina ta keda duna e tremendo servicio di semper.
Pero den bida, semper tin desaroyonan nobo riba caminda y tin biaha ta opta pa drenta un rumbo nobo. Awor, despues di varios aña participando den e mercado di “Law Enforcement”, unda ta provee tur tipo di uniform y acesorio pa nos departamentonan cu ta percura pa siguridad y salud di nos pueblo, Sport Caribe lo bay enfoca riba esaki mas aun.
E mercado aki ta uno bastante diferente, pero e principionan ta keda mesun cos: simplemente ofrece e mihor producto pa e mihor prijs, pero semper dunando e servicio ameno cu Sport Caribe ta conoci pe. Danki na e tremendo communicacion y deliberacion continuo cu e departamentonan aki, Sport Caribe sa exactamente kico tin mester y con mihor pa ofrece esaki na nos profesionalnan.
Awor mas aun, lo bay duna tur e atencion debi na e mercado importante aki.
Pa por hasi esaki y traha lo mas eficiente posibel, Sport Caribe lo bay focus full riba e mercado aki.
E consecuencia di e decision aki ta trece cune cu entrante September 1, e “Sport Shop” den caya grandi lo sera su porta pa publico. Esaki no kiermen un fin na e benta di e mihor marcanan deportivo, si no mas bien un paro temporal pa evalua kico por wordo haci pa por sigi brinda esaki na un mihor manera den e futuro.
Nos kier agradeci e comunidad cu semper a apoya Sport Caribe, y alavez pa keda pendiente, unda cu den future cercano nos lo trece un update!
