28/02/2023
《學習》
係呢度學到好多野
跟操既呢段時間雖然辛苦，但又好充實
面對好多自己既不足同質疑
但從來
要比賽既對手其實只有一個
就係自己
要戰勝心魔真係唔易
不停叫自己唔好諗其他人點諗
總之努力改進自己
有趣既地方有很多
同係香港時見既外國教練一樣
教練們圍內有好多野傾
差唔多由開始傾到完場
好似討論緊國家大事咁
主教同副教傾，同隊長傾，同球員傾，同傷左既球員又係咁傾
可能係佢地對訓練同比賽既一種執著同認真
講下隊友
大隻既有好多，唔講以為打rugby，但大隻得黎唔算鈍
打翼既細細粒，但就好爆得
另一隻翼就又高大跑得快
中場既就技術好好
你想搶佢波時佢已經搵到路傳左個波出去
難得仲要人品都好好
射手位有個腳長又高大，成個消防員咁又有型又大隻既後生仔
呢個世界公平咩？
（都公平既，呢個控球真係爭d）
每個訓練都睇到球隊有野想做
有用同有方向
例如球隊想打控球
就連續幾堂都做高強度控球訓練
當然一拎到波就會有幾個人飛埋黎
隊友係會逼你自己去進步
你自己唔做多D，你就會跟不上
另外有幾句說話真係好入腦
"we are not coming here to cut corner"(練跑時無人會偷懶跑少d)
"I want your fxxking focus on the game"
總之一開始訓練
大家就會入左另一個mode
踢親，say 句sorry 就會完
大力左未出界，總會追埋最後一步
一出界，大家會盡快開另一個波再練
大家對自己要求都高
亦無聽過怪自己隊友
mentality非常高
有一個主力大佬
練波時不時會鼓勵我地再做好d
每次做到要求都會大叫“heaps better heaps better!”
非常熱血
另一個中場主力
睇得出佢想幫我融入
交好多波俾我
教我點走位🥺
但估到呢隊有咁多好波之人既業餘球隊
係本身聯賽都未入到3甲
睇番自己
老實講體能上真係達唔到佢地要求
跑得慢，耐力又唔夠
真係踢唔到呢個水平
2nd grade都未必得
我決定左重返球會再磨練
所以我會暫時離開呢隊球隊了
講實力
佢地大約香港甲或乙組左右？
但個氣氛，價值觀，硬件
會令我明白點解香港整體上會追唔上其他國家
