18/05/2026
Drejt majës së Kilimanjaro, për një kauzë që ndriçon jetë.
Klubi Alpin “KORABI” nga Austria i është bashkuar fushatës “Ndriço”, me synimin për të siguruar vazhdimësinë e shërbimeve terapeutike dhe sociale për personat me sindromën Down.
Më 16 qershor nis një sfidë e veçantë ngjitja drejt Kilimanjaros e cila këtë herë bart një mision shumë më të madh se vetë maja.
Çdo hap drejt kulmit më të lartë të Afrikës do të jetë një hap drejt sigurimit të shërbimeve dhe mbështetjes për personat me sindromën Down.
Përmes kësaj iniciative synohet që për çdo metër disnivel të ngjitur të dhurohet nga 1 euro për fushatën “Ndriço”, duke e kthyer çdo metër të përshkuar në shpresë, mbështetje dhe mundësi për komunitetin.
Çdo kontribut, pavarësisht shumës, ndihmon drejtpërdrejt në vazhdimin e shërbimeve terapeutike dhe sociale për personat me sindromën Down, të cilët kanë nevojë çdo ditë për mbështetje, zhvillim, mirëqenie dhe përfshirje të plotë në shoqëri.
Faleminderit Klubit Alpin “KORABI” Austri për solidaritetin, humanizmin dhe përkushtimin që po i jepni komunitetit me sindromën Down në Republikën e Kosovës. Së bashku, po dëshmojmë se kur ngjitemi për një kauzë, mund të arrijmë shumë më lart se një majë.
Mërgata jonë mbështetje e çmuar për komunitetin tonë.
Ndriço edhe ti. Bëhu pjesë e kauzës, dhuro me ♥️ : https://downsyndromekosova.org/dhuro-tani/
