Հայաստանի Ձյուդոյի Ֆեդերացիա Judo Federation of Armenia

24/03/2026

Ձյուդոյի մեծահասակների հավաքական թիմը, Թբիլիսիում կայացած Մեծ Սաղավարտ մրցաշարի ավարտից հետո, մասնակցում է միջազգային ուսումնամարզական հավաքի։ Մրցաշարի ավարտից հետո աշխարհի ուժեղագույն ձյուդոիստները մնացել են համատեղ մարզումներ անցկացնելու` ապահովելու համար նախապատրաստության բարձր մակարդակ։
Այնուհետև, ապրիլի 2-14-ը մեր հավաքականը կմեկնի Ռուսաստանի Դաշնություն և Նալչիկ քաղաքում կմասնակցի գալիք Եվրոպայի առաջնության համար ևս մեկ նախապատրաստական միջազգային մարզումային ճամբարի։

14/03/2026

Ձյուդոյի մեծահասակների հավաքական թիմը, գլխավոր մարզիչ Հովհաննես Դավթյանի գլխավորությամբ, մասնացում է Չեխիայի Նիմբուրգ քաղաքում ավանդաբար անցկացվող օլիմպիական մարզումանին ճամբարին, որի ավարտից հետո, կմասնակցեն մարտի 19-25-ը Վրաստանի Թբիլիսի քաղաքում կայանալիք Մեծ Սաղավարտ միջազգային մրցաշարին և ուսումնամարզական հավաքին։

06/03/2026

Ձյուդոյի ֆեդերացիայի ղեկավար կազմը` նախագահ Վարդան Ոսկանյանի գլխավորությամբ, այցելեց Գյումրի, որտեղ ուսումնամարզական հավաք են անցկացնում պատանիների, երիտասարդների և մեծահասակների հավաքական թիմերը։ Ներկա էին ֆեդերսցիսյի գլխավոր քարտուղար Թաթուլ Հովհաննիսյանը, փոխնախագահ Գագիկ Շահբազյանը, Շիրակի մարզի ձյուդոյի ֆեդերացիայի նախագահ Տիգրան Շահբազյանը, սպորտային տնօրեն Գոռ Մկրտչյանը, հավաքական թիմերի գլխավոր և ավագ մարզիչները։ Նրանք ներկա գտնվեցին մարզումներին, շփվեցին մարզիկների հետ, պատասխանեցին բազմաթիվ հարցերի, իսկ պատանիներին մաղթեցին հաջող մասնակցություն մարտի 6-9-ը Անթալիայում կայանալիք Եվրոպայի գավաթի մրցաշարին։

03/03/2026

Ձյուդոյի պատանկան, երիտասարդական և մեծահասակների հավաքական թիմերը ուսումնամարզական հավաք են անցկացնում Գյուրիում։ Սա պատանիների համար նախապատրաստական հավաք է՝ մարտի 06-09-ը Թուրքիայի Անթալիա քաղաքում կայանալիք Եվրոպայի գավաթի համար։ Իսկ երիտասարդները և մեծահասակները կմեկնեն Չեխիա՝ մասնակցելու մարտի 09-16-ը Նիմբուրգ քաղաքում անցկացվելիք օլիմպիական մարզումային ճամբարին, որից հետո կմասնակցեն մարտի 20-22-ը Թբիլիսիում կայանալիք Մեծ Սաղավարտ միջազգային մրցաշարին։

27/02/2026

2026 թվականի ապրիլի 10-11-ը Չարենցավանի Ա․ Մանուկյանի անվան մանկապատանեկան մարզադպրոցի մարզադահլիճում կանցկացվի ձյուդոյի ֆեդերացիայի դեռահասների գավաթի խաղարկությունը։

20/02/2026

20/02/2026

Հատված երիտասարդների և մեծահասակների մարզումներից

19/02/2026

Թեղենիս բարձրանալիս

19/02/2026

2026 թվականի մայիսի 30-ին Չարենցավանի Ա․ Մանուկյանի անվան մանկապատանեկան մարզադպրոցի մարզադահլիճում կանցկացվի Հայաստանի Հանրապետության ձյուդոյի վետերանների 7-րդ բաց առաջնությունը։

18/02/2026

Հայաստանի ձյուդոյի ազգային հավաքականը Ծաղկաձորի մարզաբազայում շարունակում է ուսումնամարզական հավաքը: Ժամանակակից մարզական պահանջներին համապատասխան՝ տեխնիկատակտիկական մարզումներին զուգահեռ իրականացվում է մարզիկների հոգեֆիզիոլոգիական վիճակի խորքային ախտորոշում։

Հատուկ մասնագիտացված սարքավորումների և թեստային համակարգերի միջոցով գիտական թիմը գնահատում է.
✅ Սենսոմոտոր ռեակցիաները՝ ֆիզիկական ծանրաբեռնվածության պայմաններում որոշումների կայացման արագությունն ու ճշգրտությունը,
✅ Նյարդային համակարգի լաբիլությունը և սթրեսակայունությունը,
✅ Ուշադրության կենտրոնացումն ու մարզիկների ֆունկցիոնալ պաշարները բարձրլեռնային պայմաններում։

Այս հետազոտությունների նպատակն է օբյեկտիվ տվյալների հիման վրա օպտիմալացնել մարզումային գործընթացը, գնահատել յուրաքանչյուր մարզիկի վերականգնողական ներուժը և նախապատրաստել նրանց առաջիկա պատասխանատու մրցաշարերին՝ բացառելով գերհոգնածության ռիսկերը:

Գիտական մոտեցումը հաղթանակի կարևորագույն գրավականն է։

Հետազոտողներ՝
Աննա Մարտիրոսյան և Գայանե Լալայան