Սովորում ենք Գո խաղալ

13/12/2023

«Սովորում ենք Գո խաղալ» ինքնուսույց ձեռնարկն արդեն վաճառքում է՝ խմբագրված և գեղեցիկ ձևավորված:
Այն կլինի հիանալի նվեր Ձեր երիտասարդ ինտելեկտուալների համար:

Ձեռնարկը կարող եք ձեռք բերել «Էջ» հրատարակչությունից https://www.facebook.com/edgebooksarmenia ,
«Բուկինիստ» գրախանութների ցանցից
https://books.am/am/catalog/product/view/id/90483/category/7663/ ,
«Զանգակ» գրատնից https://zangakbookstore.am/sovorum-enq-go-khakhal

Հատուկ շնորհակալություն ենք հայտնում Էմմա Կիրակոսյանին՝ ցուցաբերած անշահախնդիր աջակցության համար:

12/11/2023

«Սովորում ենք խաղալ Գո»⚫️⚪️⛩
Գոն չինական ավանդական սեղանի խաղ է, որտեղ խաղացողի հիմնական նպատակը տախտակի վրա հնարավորինս շատ տարածք զբաղեցնելն ու շրջափակելն է։ Խաղը ստեղծվել է Հին Չինաստանում ավելի քան 2500 տարի առաջ։
Իսկ այս ձեռնարկի նպատակն է պատանիներին և աղջիկներին ծանոթացնել ստրատեգիական ուղղվածություն ունեցող ամենահետաքրքիր խաղերից մեկի հետ, տալ սկզբնական գիտելիքներ և ուղեցույցներ՝ այն յուրացնելու ճանապարհին։
Գրքի արժեքն է 2000 ՀՀ դրամ։
Գրե՛ք մեր ֆեյսբուքյան էջին և մենք սիրով կառաքենք այն ձեր նշած հասցեով։🚗🚗🚗

11/11/2023

«Սովորում ենք խաղալ Գո»⚫️⚪️⛩
Գոն միայն որպես խաղ չի դիտարկվում ։
Որոշ հետազոտողներ դուրս են գալիս Գոյի խաղային ձևից և փորձում են նկարագրել համակարգային ավելի բարդ տարրեր այս խաղի կատեգորիաներում և կառուցել կանխատեսող քաղաքական-տեղեկատվական, կոնֆլիկտային և տնտեսական մոդելներ խաղի հիմքի վրա: Օրինակ՝ տալ աշխարհաքաղաքական նկարագիր՝ ըստ Գոյի։

Գրքի արժեքն է 2000 ՀՀ դրամ։
Գրեք մեր ֆեյսբուքյան էջին և մենք սիրով կառաքենք այն ձեր նշած հասցեով։

04/07/2023

Ասացվածքներ Գո խաղի մասին

Հակառակորդի լավագույն քայլը, դա քո լավագոըյն քայլն է:

Եթե չգիտես սիծյո՝ մի խաղա Գո:

Լավ քայլերը և վատ քայլերը քնում են նույն մահիճում (գտնվում են միմյանց շատ մոտ):

Մի խաղա ատարի առանց անհրաժեշտության:

Ատարի, ատարի, դա գռեհիկ խաղ է:

Հարձակվիր հեռվից, պաշտպանիր մոտիկից:

Մի փախիր դեպի տախտակի եզր՝ կընկնես:

Մի խախտիր համաչափությունը:

Համաչափ ֆորմայում խաղա համաչափության կենտրոնում:

Խաղում ես արագ՝ պարտվում ես արագ, խաղում ես դանդաղ՝ հաղթում ես դանդաղ:

Մեկ աչք ունեցող խմբերի միացումը, դա հաջող ամուսնություն է:

Զոհաբերիր քիչը, որպեսզի ձեռք բերես շատը:

Խաղատախտակի կենտրոնում չկա տարածք (տարածքի գրավումը սկսիր եզրերից):

Երե կորցրել ես խաղատախտակի չորս անկյունները, ապա հանձնվիր:

Մի վերադարձիր ետ, որ շտկես քո խաղը:

Լավագույն քայլը համատեղում է և ՛ գրոհ, և ՛ պաշտպանություն:

Աշխատիր չկորցնել նախաձեռնությունը, այն արժե յոթ միավոր:

Մի վախեցիր, որ չգիտես: Վախեցիր, որ չես սովորում:

Ռենձյու խաղում են ռամիկները, շախմատ՝ հերոսները, Գո՝ աստվածները:

Կորցրել ես քարեր՝ մոռացիր դրանց մասին:

20/03/2023

Յոսե (վերջնախաղ)

Խաղի վերջնամասում, երբ արդեն պարզ են քարերի խմբերի ճակատագրերը, տարածքները սահմանագծված են, մնում է կատարել վերջին քայլերը, որոնք կամ մի փոքր կավելացնեն խաղացողներից մեկի տարածքը, կամ մի փոքր կպակասեցնեն հակառակորդինը: Եվ այստեղ շատ կարևոր է դառնում հնարավորինս երկար պահպանել նախաձեռնությունը:

Դիագրամ 61-ում պատկերված է դասական կրկնակի սենտե յոսե: Ով սկսում է, նա էլ հակառակորդի տարածությունից խլում է կետեր և պահպանում է սենտե: Սևերը պետք է խաղան A, իսկ սպիտակները՝ B:

Դիագրամ 62-ում պատկերված են երկու դեպքերն էլ: Նա, ով սկսում է, հակառակորդի տարածքից խլում է երկու կետ և միաժամանակ երկու կետ պահպանում է իր տարածքում: Այս կրկնակի սենտե յոսեն արժե 2+2=4 միավոր:

Դիագրամ 63-ի ձախ մասում պատկերված է միակողմանի սենտե հնարավորությամբ դիրք, քանի որ առկա է սև քար D (կամ C) կետում: 1-3 քայլերից հետո սպիտակները կորցնում են սենտե-նախաձեռնությունը (դիագրամ 63-ի աջ մաս), բայց նաև սևերին զրկում են սենտե յոսե A հնարավորությունից: Նման իրավիճակը կոչվում է կատա սենտե յոսե՝ սևերի համար և գյակու յոսե՝ սպիտակների համար: Գյակու յոսեն ավարտվում է նախաձեռնության կորստով, բայց հակառակորդին զրկում է նախաձեռնությունն օգտագործելու մեկ հնարավորությունից: Համաձայն ասացվածքի՝ հասկանում ես յոսե, եթե հասկանում ես գյակու յոսե:

Դիագրամ 64-ում պատկերված է փոխադարձ գոտե յոսե: Սկսողը կորցնում է սենտե-նախաձեռնությունը, այսինքն՝ մնում է գոտե:

Ամենասկզբում պետք է խաղալ կրկնակի սենտե յոսե դիրքերը, հետո խաղալ կատա սենտե յոսե դիրքերը, հետո՝ամենաարժեքավոր գյակու յոսե դիրքը, իսկ պարտիան ավարտել գոտե յոսե դիրքերի խաղարկմամբ:
Պրակտիկան ցույց է տալիս, որ շատ միավորներ են կորում հենց յոսե-վերջնախաղում, հետևաբար անչափ կարևոր է հասկանալ, թե ստացված դիրքերը, որ յոսե իրավիճակին են դասվում, հնարավորինս ճշգրիտ հաշվել խաղարկվող միավորների քանակը և ընտրել դիրքերի խաղարկման ճիշտ հերթականությունը՝ առավելագույն երկար պահպանելով սենտե-նախաձեռնությունը:

19/03/2023

Ամենապարզ կանոններով ամենաբարդ խաղը

Համաձայն չինական հին գրերի՝ Գո խաղը ունի մոտ 5000 տարվա պատմություն: Այն լինելով հինավուրց խաղերից մեկը՝ արժանիորեն իրավունք ունի համարվելու ամենաբարդը: 1997 թվականին գերհամակարգիչ Դիփ Բլյուն 3,5-2,5 հաշվով հաղթեց շախմատի աշխարհի չեմպիոն Գարի Կասպարովին՝ սկիզբ դնելով մաթեմատիկական հաշվարկի գերակայությանը մարդկային ինտուիցիայի նկատմամբ: Գո խաղի վարպետները դեռ ժամանակ ունեին հպարտանալու մարդկային մտքի թռիչքով: 2016 թվականին համակարգչային տեխնիկայի զարգացման և արհեստական բանականության գործառույթի ներդրման շնորհիվ միայն ԱլֆաԳո հատուկ մշակված ծրագիրը կարողացավ 4-1 հաշվով հաղթել ուժեղագույն հարավկորեացի Գո վարպետ իններորդ դան Լի Սեդոլին: Եթե Դիփ Բլյուի հաղթանակը մասամբ սպասելի էր, ապա ԱլֆաԳոյի հաղթանակը համարվեց սենսացիա: Երեք տարի անց Լի Սեդոլը հրաժարվեց մասնակցել մրցաշարերի՝ չհամակերպվելով արհեստական բանականության գերակայության հետ:

https://www.youtube.com/watch?v=HqaYiMMUc44

Ձեռնարկի նպատակն է հայ պատանիներին և աղջիկներին ծանոթացնել ստրատեգիական ուղղվածություն ունեցող ամենահետաքրքիր խաղերից մեկի հետ, տալ սկզբնական գիտելիքներ և ուղեցույցներ՝ այն յուրացնելու ճանապարհին:

Ձեռնարկի հետ ամբողջությամբ կարող եք ծանոթանալ այս հղումներով՝

https://issuu.com/japricot/docs/_6a22c5809f2d77
https://issuu.com/japricot/docs/_26292d16acdea0

https://disk.yandex.ru/i/5lEshDv0ZDDp4g

Գոն, ինչպես ցանկացած խաղ, դրսևորվում է որպես պայքար: Բայց այդ պայքարի նպատակը հակառակորդի ամբողջական ոչնչացում չէ, այն դրսևորվում է որպես հակամարտող կողմերի համատեղ գոյություն մշակույթ՝ միտված դեպի զարգացում:

Могут ли компьютеры думать творчески, как люди? Возможно ли создать алгоритм, описывающий интуицию? Этими и другими вопросами задаются в компании Deep Mind, ...

17/03/2023

Դիագրամում պատկերված է փական հնարքի մի փոքր ավելի բարդ օրինակ:

Սևերը խաղում են A և սպառնում են կիրառել փական՝ խաղալով B: Եթե սպիտակները իրենք են խաղում B, ապա սևերը խաղում է C և սպառնում են կիրառել փական՝ խաղալով D: Իսկ երբ սպիտակները պաշտպանվում են և խաղում են D, ապա ստացվում է դիրք, որի խաղարկումը սևերը պետք է թողեն խաղի վերջում՝ կո սպառնալիքների բացակայության պայմաններում: Սպիտակ քարերի խումբը համարվում է գերի ընկած:

16/03/2023

Ուտեգաեսի (փական)

Երբ նետման արդյունքում փակվում է դեպի ազատություն տանող միակ ճանապարհը և ստեղծվում է խցանում, այդ հնարքը կոչվում է փական:

Դիագրամում դիտարկենք փական հնարքի մի քանի օրինակներ:

Սևերը խաղում են A, B և C կետերում, որոնք իրենցից ներկայացնում են սպիտակ քարերի խզման կետերը: Եռանկյուններով նշված սպիտակ քարերը հուսալի կողպված են: Եթե սպիտակները խաղում են x կետում և ուտում են սև A, B և C քարերը, ապա սևերը կրկնում են իրենց A, B և C քայլը՝ սպանելով սպիտակ քարերի խումբը:

11/03/2023

Հորիկոմի (նետում)

Քարերի տեսուձի զոհաբերությունը, որը նվազեցնում է հակառակորդի քարերի խմբի դամե-ազատության աստիճանները, կոչվում է հորիկոմի (նետում):

Դիագրամում պատկերված է նետման օրինակ (սևերի A քայլը), որի նպատակն է սպիտակ քարերի խմբին զրկել B կետում աչք ստեղծելու հնարավորությունից: Եթե քայլի հերթը լիներ սպիտակներինը, ապա նրանք կխաղային A և կունենային երկու աչք՝ B և C:

09/03/2023

Տեսուձի (նուրբ կոմբինացիոն քայլ)

Երբեմն, տեղային տակտիկական պայքարում անհրաժեշտ է լինում կատարել միակ ճշգրիտ քայլը, որը կարող է լինել ինչպես գրոհող, այնպես էլ՝ պաշտպանողական: Նման անփոխարինելի ուժեղ քայլերը կոչվում են տեսուձի:

Դիագրամի ձախ մասում պատկերված է կռունկի բույն դիրքը, որտեղ սպիտակները փորձում են A քայլով փրկել x-ով նշված երեք քարերը: Սևերը պատասխանում են B տեսուձի քայլ-զոհաբերությամբ (դիագրամի վերևի աջ մաս), որից հետո սպիտակների նշված երեք քարերը հայտնվում են շրջափակման մեջ: Սպիտակները կարող են պայքարել՝ 1-5 քայլեր (դիագրամի ներքևի աջ մաս), բայց վերջին C քայլով սևերը սպանում են սպիտակ քարերի խումբը:

03/04/2022

Վան Չինը քաջ երիտասարդ էր: Նա խիզախեց բարձրանալ հեռու լեռները, որպեսզի գտնի համապատասխան ծառ՝ իր կացնի կոթի համար: Երկար թափառելուց հետո նա պատահաբար հանդիպեց երկու ծերունիների, որոնք Գո էին խաղում: Վան Չինը մի կողմ դրեց կացինը և սկսեց կլանված հետևել խաղին: Կարծես այդպես անցավ մեկ կամ երկու ժամ: Երբ խաղն ավարտվեց, ծերունիներն անհետացել էին: Կացնի կոթն արմատներ էր տվել, իսկ Վան Չինին երկար մորուք էր աճել: Վերադառնալով իր գյուղ՝ նա չգտավ իր հարազատներին: Միայն մի ծեր կին կարողացավ մտաբերել, որ շատ տարիներ առաջ գյուղի երիտասարդ փայտահատը բարձրացել է լեռները և չի վերադարձել…

21/07/2021

Ամենապարզ կանոններով ամենաբարդ խաղը

Համաձայն չինական հին գրերի՝ Գո խաղը ունի մոտ 5000 տարվա պատմություն: Այն լինելով հինավուրց խաղերից մեկը՝ արժանիորեն իրավունք ունի համարվելու ամենաբարդը: 1997 թվականին գերհամակարգիչ Դիփ Բլյուն 3,5-2,5 հաշվով հաղթեց շախմատի աշխարհի չեմպիոն Գարի Կասպարովին՝ սկիզբ դնելով մաթեմատիկական հաշվարկի գերակայությանը մարդկային ինտուիցիայի նկատմամբ: Գո խաղի վարպետները դեռ ժամանակ ունեին հպարտանալու մարդկային մտքի թռիչքով: 2016 թվականին համակարգչային տեխնիկայի զարգացման և արհեստական բանականության գործառույթի ներդրման շնորհիվ միայն ԱլֆաԳո հատուկ մշակված ծրագիրը կարողացավ 4-1 հաշվով հաղթել ուժեղագույն հարավկորեացի Գո վարպետ իններորդ դան Լի Սեդոլին: Եթե Դիփ Բլյուի հաղթանակը մասամբ սպասելի էր, ապա ԱլֆաԳոյի հաղթանակը համարվեց սենսացիա: Երեք տարի անց Լի Սեդոլը հրաժարվեց մասնակցել մրցաշարերի՝ չհամակերպվելով արհեստական բանականության գերակայության հետ:

https://www.youtube.com/watch?v=HqaYiMMUc44

Ձեռնարկի նպատակն է հայ պատանիներին և աղջիկներին ծանոթացնել ստրատեգիական ուղղվածություն ունեցող ամենահետաքրքիր խաղերից մեկի հետ, տալ սկզբնական գիտելիքներ և ուղեցույցներ՝ այն յուրացնելու ճանապարհին:

Ձեռնարկի հետ ամբողջությամբ կարող եք ծանոթանալ այս հղումով՝

https://issuu.com/japricot/docs/_

Գոն, ինչպես ցանկացած խաղ, դրսևորվում է որպես պայքար: Բայց այդ պայքարի նպատակը հակառակորդի ամբողջական ոչնչացում չէ, այն դրսևորվում է որպես հակամարտող կողմերի համատեղ գոյություն մշակույթ՝ միտված դեպի զարգացում:

Могут ли компьютеры думать творчески, как люди? Возможно ли создать алгоритм, описывающий интуицию? Этими и другими вопросами задаются в компании Deep Mind, ...