28/10/2021
🌺Կաթհակի համառոտ պատմությունը🌺
Կաթհակը Հյուսիսային
Հնդկաստանում ապրող ժողովրդի պարն է: Կաթհակ բառին կարելի է հանդիպել Բրահմա Մահապուրանում, այն ունի երգիչ, պարող, դերասան նշանակությունը: Սանսկրիտով «կաթհիկո» բառն ունի ուսուցիչ իմաստը, իսկ «կաթհակը» թարգմանաբար նշանակում է բովանդակություն, պատմություն....
Սկզբում այս պարը կատարում էին միայն տղամարդիկ, աստիճանաբար կաթհակը ձևավորվեց որպես անկախ պարի տեսակ, որը հավասարաչափ պարում էին և՛ տղամարդիկ, և՛ կանայք: Որպես դասական պարի տեսակ կաթհակը Միջնադարյան Հնդկաստանում կրոնական արվեստ էր ներկայացնում: Այս պարը պարում էին տաճարներում և թագավորական հանգստավայրերում:
Պարն առաջացել է Հյուսիսային Հնդկաստանի Ուտար Պրադեշ նահանգում: Միջնադարում անգամ դպրոցներ հայտնվեցին, որոնք ուսուցանում էին այս պարը և ամեն բան անում, որ կաթհակի ոճային առանձնահատկություններն ընտանիքներում սերնդեսերունդ փոխանցվեն:
Միջնադարում՝ 13-15-րդ դարում, Հյուսիսային Հնդկաստան ներխուժած մահմեդական նվաճողները բացասական ազդեցություն ունեցան հնդկական երաժշտության և պարի վրա: Սակայն արդեն 16-րդ դարում մոնղոլների կայսր Աքբարը հինդուական պարի և երաժշտության մեծագույն հովանավորներից մեկը դարձավ: Այդ ժամանակվանից կաթհակի ուսուցիչները սկսեցին նաև աղջիկներին սովորեցնել պարել, ինչն ամբողջովին փոխեց պարի իմաստաբանությունը, այն կամաց-կամաց սկսեց կորցնել իր հոգևոր բովանդակությունը. պարում էին միայն հյուրերին հաճույք պատճառելու համար ... 18-19-րդ դարերում երաժշտությունն ու պարը մեծ աջակցություն ստացան Ուդայի Նավաբներից(մեծահարուստներից): Մի քանի ականավոր երաժիշտներ զարդարում էին թագավորական արքունիքը և մեծ հարգանք էին վայելում Նավաբների կողմից, որոնք հնդկական երաժշտության գիտակներ էին... 1930 թ.-ը Հարավային Հնդկաստանում նշանավորվեց որպես Բհարատանատյամի և Կաթհակալիի վերածնունդի շրջան: 🌺
