ARMENECOOP սոցիալական ձեռնարկության նպատակն է Դիլիջան խոշորացված համայնքի 20-30 տարեկան կանանց ու աղջիկներին աշխատանքով ապահովելը։
Ընկերությունը գործունեություն է ծավալում 2 ուղղությամբ՝ կրթական և արտադրական։
Կրթական ուղղության շրջանակներում այս թիրախ խմբի կանայք ու աղջիկները անվճար ստանում են ժամանակակից աշխատաշուկայում պահանջվող ընդհանուր գիտելիքներ։
Երկրորդ ուղղության շրջանակներում ցանկա
ցողները մասնակցում են կարուձևի դասընթացներին և անմիջականորեն աշխատանքի անցնում ընկերությունում։
Բացի վերոնշյալը, ընկերությունը արտադրելով էկոլոգիապես մաքուր արտադրանքներ ՝ նպաստում է բնության պահպանմանը։
ARMENECOOP սոցիալական ձեռնարկությունն արտադրում է
Մատիտների նորարարական տուփեր և Կտորե պայուսակներ՝ Դիլիջանյան նկարազարդումներով։
Մատիտների նորարարական տուփեր
Տուփերի մտահղացումը մերն է դրանք շատ պրակտիկ են. մեկ մատիտը վերցնելու համար հարկավոր չէ ամբողջ տուփը դատարկել սեղանին, ամեն ինչ տեսնելի է և ոչինչ չի կորչում: Կտորն անջրաթափանց է, տուփը բազմակի օգտագործման, իսկ կարը ՝ իդեալական մաքուր:
Այս մատիտների տուփերը նաև պատրաստված են էկոլոգիապես մաքուր հումքից՝ բարձրակարգ կտորից և փայտե կոճակից, այսինքն երեխան չի շփվում թունավոր պլաստիկ նյութերի հետ: Բացի այդ այս մատիտների տուփը բավական թեթև է և շատ ավելի քիչ տարածք է զբաղեցնում, որը չափազանց կարևոր հանգամանք է դպրոցական երեխաների ծանր պայուսակների առակայության դեպքում:
Մատիտների Տուփերը վաճառվում են 12 գունավոր մատիտների, ռետինի և քանոնի հետ միասին:
Մատիտների նորարարկան տուփերի չափերը՝ 15.5 սմ * 6.5 սմ, քաշը՝ 132 գրամ։
Կտորե պայուսակներ՝ Դիլիջանյան նկարազարդումներով
Պայուսակները պատրաստաված են բարձրորակ,անջրաթափանց կտորից, լվանալուց չեն փոքրանում։ Իրականացվում է բարձրակարգ տպագրություն /մաղով տպագրություն/, ներսում ունեն ճարմանդով փակվող գրպան, որը շատ հարմար է փոքր իրերի ՝ բջջային հեռախոս, գումար, բանալիներ պահելու համար և թույլ է տալիս առանձին փոքրիկ պայուսակ կամ դրամապանակ չկրել։
Պայուսակները նաև ուրույն հուշանվերներ են՝ Դիլիջան այցելած հայ և արտասահմանյան զբոսաշրջիկների համար։ Ունենք հատուկ Դիլիջանը ներկայացնող շարք, որտեղ պատկերված են Դիլիջանի տեսարժան վայրերը և այն մշակութային էլեմենտները, որի համար զբոսաշրջիկը գալիս է Դիլիջան, նրանք նույնիսկ պարունակում են երկտողեր, թե հատկապես ինչի համար արժէ գալ Դիլիջան, օրինակ․
«Գնամ Դիլիջան պավառոտներին կոկուռոզ ուտեմ»
«Գնամ Դիլիջան ուղղակի նստեմ ու մաքուր օդ շնչեմ»
«Գնամ Դիլիջան նստեմ թեյ խմեմ, աշխարհից կտրվեմ»
«Գնամ Դիլիջան ամենամաքուր ու սառը ջրից խմեմ»
Պայուսակների չափերը 40սմ*40սմ, ներսի գրպանը՝ 14․5սմ*20․5սմ
