06/12/2015
KANELLA
Kanella është një erzë e cila përdoret në shumë ushqime, megjithatë ekzistojnë disa arsye shëndetësore që na shtyjnë ta përdorim më shumë, jo detyrimisht në çdo vakt, por shtimi i kanellës në dietën tuaj mund ta bëjë atë më efektive.
Në fakt, përveçse stimulon tretjen, është në gjendje të ndihmojë edhe procesin e eliminimit të parazitëve të brendshëm.
Studimet e “US Human Nutrition Research Center” kanë vënë re se kanella është në gjendje të luftojë bakterin e quajtur “Helicobacter pylori”, përgjegjës në stomak për ulçerën dhe gastritin.
Gjysmë luge kanellë është e mjaftueshme për të reduktuar edhe sasinë e sheqernave në gjak, për ata që vuajnë nga diabeti, por ul edhe nivelin e kolesterolit apo trigliceriteve, duke minimizuar mundësinë e prekjes nga sëmundje të zemrës apo infarkti.
Në një studim të kryer në Pakistan vitin e kaluar, disa vullnetarë të prekur nga diabeti i avancuar pranuan të marrin 2-3 gramë kanellë çdo ditë dhe pas disa javësh, niveli i sheqerit në gjak kishte rënë me 20%.
I vetmi rast kur kanella nuk është e këshillueshme, është ai tek gratë shtatzënë, pasi tek to është provuar që shkakton shpesh herë irritime dhe alergji të ndryshme.
🔴Ja, disa përfitime që ka shëndeti juaj nga përdorimi i kanellës:
🔽Rrit funksionin e trurit tuaj
Kanella përmirëson funksionin e trurit tuaj, ndihmon në rritjen e kujtesës, përqendrimit dhe vëmendjes, redukton rrezikun për t’u prekur nga sëmundja alzajmer. Të konsumoni pak kanellë ju ndihmon në luftën me nervozizmin dhe depresionin, parandalon dhimbjen e kokës.
🔽Është e mirë për zemrën
Sipas një studimi të kryer nga “Penn State” duke shtuar erëza si kanellë ose shafranin e Indisë zvogëloni efektet negative të ushqimit të yndyrshëm. Shtimi i kanellës apo shafranit të Indisë mund të jetë një zgjidhje e mirë për uljen e rrezikut të sëmundjeve të zemrës.
🔽Ndihmon në humbjen e peshës
Nëse e kombinoni me ushqim të shëndetshëm dhe ushtrime gjimnastikore, kanella mund t’ju ndihmojë të bini në peshë. Ajo ndihmon në mirëfunksionimin e metabolizmit dhe rregullon nivelet e sheqerit në gjak, gjë që luan rol të rëndësishëm në humbjen e peshës.
🔽Përmirëson shëndetin
Ndihmon në parandalimin e sëmundjeve të ndryshme, si: dispepsi, diarre, si dhe në zbutjen e dhimbjeve kronike si artriti. Rekomandohet gjithashtu që ta shtoni atë në përbërje të supave tuaja të preferuara.
🔽Parandalon kancerin
Konsumimi i kanellës ndalon përhapjen e qelizave të kancerit. Shtoni një gjysmë luge çaji kanellë pluhur në gotën e qumështit për të përfituar vetitë e saj luftuese ndaj kancerit.
🔽Është e mirë për shëndetin oral
Kanella është një nga përbërësit e njohur të çamçakëzëve, pasi ka veti antibakteriale dhe ndihmon mishrat e dhëmbëve nga dëmet gjithashtu mund të ndihmojë për një frymëmarrje më të freskët.
🔽Është e mirë për lëkurën tuaj
Kanella largon skuqjet dhe kruarjet nga lëkura si dhe lufton aknet në fytyrë. Ajo mund të përdoret gjithashtu për lehtësimin e dhimbjeve muskulore.
