14/09/2026
Pse nuk po përmirësohesh?
Në shumicën e rasteve përgjigjja nuk është programi, as suplementet, as gjenetika.
Është se pesha jote është e njëjtë prej tre muajsh.
Muskuli rritet kur kërkesa rritet. Nëse peshën, përsëritjet dhe teknikën i mban të njëjta, trupi nuk ka asnjë arsye për të ndryshuar.
Progresioni i dyfishtë e zgjidh me dy hapa.
Së pari shton përsëritjet brenda një intervali, për shembull 8 deri 12, duke e mbajtur peshën të njëjtë. Kur arrin 12 në të gjitha seritë me teknikë të pastër, shton peshë dhe kthehesh te 8.
Kaq. Pa formula të ndërlikuara.
Dy gabimet që i shoh më shpesh: e njëjta peshë për muaj të tërë, ose peshë e shtuar çdo javë pa arritur majën e intervalit. I pari nuk të stërvit, të mban në vend. I dyti të prish teknikën dhe punën ia kalon shpinës.
Dhe shkruaje. Nëse nuk e di se çfarë bëre javën e kaluar, nuk po progreson. Po improvizon.
Ti si e bën: e mban peshën dhe shton përsëritjet, apo shton peshë sa herë ndihesh mirë?
Scrivi un messaggio…
